Ngo ma Atwero Lega Pire?
Lagam ma Baibul miyo
Itwero lega pi gin mo keken ma rwatte ki miti pa Lubanga kit ma kinyuto kwede i Baibul. ‘Ka walego gin mo keken ma lubbe ki miti pa Lubanga, ci en winyo legawa.’ (1 Jon 5:14) Tika itwero tito par ma itye kwede? Itwero. Baibul waco ni: ‘Wuyab cwinywu woko ducu bot Lubanga.’—Jabuli 62:8.
Labol me jami mogo ma itwero lega pire
Niye i kom Lubanga.—Luka 17:5.
Cwiny maleng, nyo teko ma Lubanga tiyo kwede, wek okonyi me timo gin matir.—Luka 11:13.
Kero me ciro peko ki dok me cung matek i atematema.—Jo Pilipi 4:13.
Kuc nyo wic ma opye mot.—Jo Pilipi 4:6, 7.
Ryeko me moko tam maber.—Yakobo 1:5.
Kony me nongo jami ma mitte pi nino ducu.—Matayo 6:11.
Timo kica pi bal.—Matayo 6:12.
Itwero Bedo ki Miti i kom Lok Man
WI LUBELE
Itwero Lega Nining Wek Lubanga Owiny Legani?
Lok ki Lubanga i cawa mo keken dok ki ka mo keken, ki dwan malongo nyo lalingling. Yecu bene okonyowa me ngeyo gin ma omyero waleg pire.
PWONY MA PIGI TEGO ME BAIBUL
Lubanga Tika Winyo Lega Ducu?
Ka lega pa ngat mo nyuto cwiny me woro kono? Ka laco uno dakone ci ingeye lego pi mot ki bot Lubanga kono?