INU NKWEEN̄ 2
Ekene ore Awaji
1. Keke orọ eji ebetọbọ ebum inyi Awaji?
Ata Awaji ore ogwu ororom otutuuk inu. Ikakaan̄ ibebene, ikpobokaan̄ uyaka si. (Okwa Itọn̄ 90:2) Ọmọ okaan̄ ata etip okup me emen Baibul. (Timọti Eyi Adasi 1:11) Eyi irebe ibe ke Awaji onyi ene ugwem, eji ebetọbọ ebum inyi ọmọ gaalek.—Fuk Ichichili 4:11.
2. Awaji ibet lek keke?
Kpunu ene geege ogwu owuwuuk lek imun̄ Awaji mije ọmọ ire ekwukwu, eyi isibi ibe ke ọmọ ire ugwem eyi obebene igak inu nrom geelek ebekọt isa chieen̄ imun̄ okiluk ugwem me inyọn̄ ijọn̄. (Jọn 1:18; 4:24) Ire, eji mekọt imun̄ eru kan̄ sa me lek inu echi irọmbe. Kubọk inu njeen̄, esese esese mfut mè esese esese ajakajak ikijeen̄ eji ima mè iriọọn̄-inu kan̄. Ubọk isi ijọn̄ osabe imin iyaka okijeen̄ eji unye kan̄.—Fuk Ebi Rom 1:20.
Eji mekọt ikween̄ owuwa inu ofolek eru Awaji sa me ikekifuk Baibul. Kubọk inu njeen̄, ikpa inyi eji inu Awaji omabe mè echi ikamage, ubọk ikirọ inu me lek ebi ene, mè ubọk ikirọ inu me esese esese irek.—Fuk Okwa Itọn̄ 103:7-10.
3. Ire Awaji ikaan̄ erieen̄ ni?
Jisọs ibe: “Nte kiji ogwu okup me emen inyọn̄, erieen̄ kwun̄ ikup me mbuban.” (Matiyu 6:9) Ikere ibe Awaji ikaan̄ owuwa erieen̄ ngugo, erieen̄ kan̄ ire ge gaalek. Me ida usem geelek, ikaan̄ ubọk ekigwen ọmọ. Me usem Obolo ekigwen Jioba. Ire usini ene ekigwen “Yahweh.”—Fuk Okwa Itọn̄ 83:18, NW.
Misan̄a erieen̄ Awaji isan̄a me emen owuwa Baibul mè isa okaan̄-ene, okumugwem miya ire Awaji isa itap ichit. Ire, mgbọ egebe Baibul, erieen̄ Awaji isibi iso mkpọ obet lek obop mgbọ jaaba. Jisọs irọ ibe eriọọn̄ erieen̄ Awaji me mgbọ ikijeen̄ ebi ene inu ofolek Awaji.—Fuk Jọn 17:26.
Ikpọ fidio Does God Have a Name?
4. Ire Jioba ikekikpọ eji chieen̄ me lek ni?
Kubọk ute okijeen̄ ima yi, Awaji ima eji, monyi eji ata ugwem me mgbọ okup me isi
Eyi irebe ibe ke ofara ikpiwa ikana eji me ijọn̄ yi, ire isibi ibe ke Awaji ikakikpọ eji chieen̄ me lek ni? Usini ene ekibe ke ikisa ukwook chi isa itọ eji ikpọ, ire, eyi ire ataak.—Fuk Jemis 1:13.
Awaji inyi ebilene unen isasa igobo inu eyi kiban̄. Ire ikare inu ubelejit ibe ke Awaji inyi eji nkaan̄-lek igogobo ntọbọ-ebum isa inyi ọmọ ni? (Josuwa 24:15) Ire, owuwa ene migobo ikekirọ ijo inu ikeme ebi ufi ife, omọrọ, ogbogbo ene ekpiya ikibọkọ ukwook. Jioba ikakibele ejit isikimun̄ ijo inu chi.—Fuk Ibebene 6:5, 6.
Jioba ire Awaji ogwu okikpọ eji chieen̄ me lek. Iweek ibe eji enwọọn̄ ugwem. Sọnja mgbọ, mosan̄a ukwook mè ebi ikitap ufialek cha. Ire, ọmọ ikaan̄ ata ibot inu orọrọ ijuukbe ukwook itele ire okike mgbọ keyi. Me oso ikween̄-mkpọ jeeta, eji mekween̄ ibot inu orọrọ ijuukbe itele.—Fuk Pita Eyi Òso Iba 2:9; 3:7, 13.
5. Ike owa ke eji ebekọt itaba lek iriaak me lek Awaji ni?
Jioba ikigwen eji ogwen ibe eji etaba lek eriaak me lek kan̄ inan̄a me lek uriaak. Ọmọ ikaan̄ ulọk kiji ge ge me ejit. (Okwa Itọn̄ 65:2; 145:18) Awaji ibem lek itetele ijo kiji inyi eji. Ikekimun̄ efuuk eji ekitap me irọrọ inu obokibele ọmọ ejit, ikere ibe ke usini mgbọ eji ekekirọ ilọ. Eya orọ, ikerere ibe ke eji kpeso, eji mekọt ikaan̄ ata mgbaan̄je me lek Awaji.—Fuk Okwa Itọn̄ 103:12-14; Jemis 4:8.
Eyi irebe ibe ke Jioba onyi eji ugwem, ima eji ebekaan̄ me lek kan̄ momin igak ima eji ebekaan̄ me lek ene geelek. (Mak 12:30) Ike okijeen̄ ima kwun̄ me lek Jioba sa me ikekikween̄ inu ofolek kan̄ inyi isi, omokitaba lek kwun̄ iriaak me lek kan̄ si.—Fuk Timọti Eyi Adasi 2:4; Jọn Eyi Adasi 5:3.
