“FEMLAY” PIKEY KIÑEKE CHE. Kiñe lawentuchefe feypi: ‘Inayal Biblia tañi ngülam trürümngeafuy ta inayal kiñe lifru wirintukungelu 1920 tripantu mu ñi kimeltucheal quimica dungu’. Kiñe che feyentukenolu Biblia ramtuafuy: “Tami pepilal kiñe we komputador, ¿ngüneduamafuymi kiñe papel feypilu chumngechi pepilal kiñe kuyfi komputador?”. Feymu may kiñeke che maneluw-wekelay taiñ rüf kelluafetew tati Biblia.

Famülke mu müley fentren pagina internet pengelkelu weke ngülam. Kafey television mu pu sicologo, pu adümuwün-ngelu ka kakelu kimche ngülamtukeyngün. Ka femngechi müley fentren lifru tañi kellungeal pu che, fey tüfa kellukefi pu fendekelu ñi wewal fentren plata. Mülelu kay fentren we kimün ka we teknologia, ¿chumngelu (chemu) pu che ngüneduamafuy ti Biblia kuyfi tuwün-ngelu?

Fill antü weftripalu am fentren weke dungu taiñ kimürpual, ¿chumngelu am ngüneduamfali tati Biblia wirintukungelu epe 2.000 tripantu kuyfi mu? Chumngechi taiñ nütramkapeel ellaka mu, ¿rüfngepey may ñi feypikeel pu feyentukenolu Biblia? ¡Femlay llemay! Ti ciencia ka teknologia kaletukey, welu kaletukelay ñi rüf duamnieel pu che. Fey pu che ayüniey kimal chumal ñi mongen mu, ñi ayüwküleal ka küme feleal, küme yewal tañi pu che engün ka kümeke weni nieal.

Biblia kuyfi tuwün-ngelu rume, kimeltukey kom feychi dungu tañi rüf duamnieel pu che. Ka feypikey ñi küpan taiñ Fütra Chaw mu. Wülkey kümeke ngülam taiñ kimeltuaetew ka adnieaetew fentren falinke dungu taiñ mongen mu (2 Timotew 3:16, 17). Doyelchi may, ¡manelfali ñi kümeke ngülam ka rumel kelluaeiñmu llemay! Biblia feypiley: “Ngünechen ñi dungu mongen dungu” (Ebrew 4:12).

Tañi kimeltukeel ti Biblia, ¿rüfngepey may? ¿Manelfalngepey chi? ¿Niey doy kümeke ngülam taiñ kelluaetew famülke mu? Tüfachi chillka wiñoldunguaeymu feychi falinke ramtun ka ti küpalechi chillka ka femngechi adkünungey ñi ngüneduamal kiñe dungu müten.