Мүгәддәс Китабда дејилир ки, Иса пејғәмбәр «ҹисмән өлдүрүлдү, руһ олараг дирилди» (1 Бутрус 3:18; Һәвариләрин ишләри 13:34; 1 Коринфлиләрә 15:45; 2 Коринфлиләрә 5:16).

Иса Мәсиһин сөзләри ҝөстәрир ки, о, ҹисмани бәдәндә дирилмәјиб. О демишди ки, бәшәријјәтин һәјаты уғрунда бәдәнини фидјә гурбаны верәҹәк (Јәһја 6:51; Мәтта 20:28). Әҝәр о, ҹисмани бәдәндә дирилсәјди, вердији фидјә гурбанлығыны һеч етмиш оларды. Амма бу белә олмады. Мүгәддәс Китабда јазыланлара ҝөрә о, бәдәнини «бирдәфәлик» гурбан верди (Ибраниләрә 9:11, 12).

Әҝәр Иса руһани бәдәндә дирилмишдисә, шаҝирдләри ону неҹә ҝөрә билирдиләр?

• Руһани варлыглар инсан бәдәни ала билир. Мәсәлән, гәдим дөврләрдә мәләкләр һәтта инсанларла бирликдә јејиб-ичмишдиләр (Јарадылыш 18:1—8; 19:1—3). Анҹаг һәлә дә онлар руһани варлыг идиләр вә ҹисмани бәдәни тәрк едә билдиләр (Һакимләр 13:15—21).

• Иса Мәсиһ дә дириләндән сонра мәләкләрин әввәлләр етдији кими, мүвәггәти инсан бәдәни алмышды. Руһани варлыг кими о, гәфләтән пејда олуб, гејб ола биләрди (Лука 24:31; Јәһја 20:19, 26). Иса пејғәмбәрин алдығы ҹисмани бәдән әввәлки бәдәниндән фәргләнирди. Һәтта Исанын јахын достлары ону үздән танымадылар, јалныз дедији вә етдији шејләрдән таныдылар (Лука 24:30, 31, 35; Јәһја 20:14—16; 21:6, 7).

• Иса һәвари Томаса ҝөрүнәндә она бәдәниндәки изләри дә ҝөстәрмишди. Томас Исанын дирилдијинә шүбһә етдијинә ҝөрә Иса Томасын иманыны мөһкәмләндирди (Јәһја 20:24—29)