2012-ҹи ил сентјабр ајына гәдәр артыг Јеһованын Шаһидләринин 20 филиалы диҝәр бөјүк филиаллара бирләшдирилиб.

Бундан әлавә, Сербија вә Македонијада јени филиаллар ачылыб. Бу дәјишикликләр ики әсас сәбәбә ҝөрә баш верир.

Сон илләрдә коммуникасија вә чап технолоҝијасында инкишаф бәзи филиалларда инсан әмәјинә олан зәрурәтин азалмасына сәбәб олуб. Ири филиалларда көнүллү ишчиләрин азалмасы әввәлләр диҝәр өлкәләрдә кичик филиалларда ишләјән әмәкдашларын галыб ишләјә билмәси үчүн отаг вә евләрин бошалмасына сәбәб олуб.

Инди бирләшдирилмиш филиалларда Мүгәддәс Јазылар үзрә маарифләндирмә ишинә хидмәт едә биләҹәк даһа чох тәҹрүбәли Шаһидләр вар. Мәсәлән, Коста-Рика, Салвадор, Гватемала, Һондурас, Никарагуа вә Панамадакы тәблиғ иши Мексика филиалынын нәзарәти алтына кечиб. Нәтиҹәдә бу алты өлкәдәки филиаллар бағланылыб.

Бу алты филиалдан 40 нәфәр Мексика филиалына тәјин едилиб. Тәхминән 95 нәфәр өлкәләриндә галараг таммүддәтли тәблиғ хидмәтинә башлајыблар.

Диҝәрләри исә Мәркәзи Американын бу өлкәләриндә галараг Мексика филиалынын нәздинә кечән тәрҹүмә офисләриндә хидмәтләрини давам етдирирләр. Мәсәлән, Панамада 20-ә јахын Јеһованын Шаһиди Ҝөзәтчи Гүлләси Ҹәмијјәтинин нәшрләрини јерли тајфа дилләринә тәрҹүмәси иши илә мәшғул олур. Кечмиш Гватемала филиалындан диҝәр 16 нәфәр әдәбијјатлары дөрд јерли дилә тәрҹүмә едир. Мәркәзи Америкада апарылан бу дәјишикликләрин нәтиҹәсиндә филиал үзвләринин сајы 300-дән 75-ә ендирилмишдир.

Филиалларын бирләшдирилмәси сајәсиндә әввәлләр кичик филиалларда чалышанлар тәҹрүбәли тәблиғчиләр инди диггәти әсасән Аллаһын Кәламындан хош хәбәрин тәблиғинә јөнәлдә биләҹәкләр.

Африкада јашајан вә әввәлләр белә филиалларын бириндә чалышан бир Јеһованын Шаһиди өз мәктубунда јазыр: «Илк ајларда һәјатымда баш верән дәјишикликләрә ујғунлашмаг асан дејилди. Лакин һәр ҝүн тәблиғ ишиндә иштирак етмәк мәнә бөјүк севинҹ вә сајсыз-һесабсыз хејир-дуалар ҝәтирди. Һал-һазырда мән 20 нәфәрә Мүгәддәс Јазылары өјрәнмәјә көмәк едирәм вә онлардан бәзиләри артыг јығынҹаглара ҝәлир».