Lao mandok sengaja manggugurhon kandungan, dang adong didok hata “aborsi” di Bibel. Alai godang do ayat di Bibel na patuduhon songon dia pandangan ni Debata taringot ngolu ni jolma, termasuk ma ngolu ni poso-poso na so tubu dope.

 Sian Debata do hangoluan. (1 Musa 9:6; Psalmen 36:9) Arga do di Debata hangoluan, termasuk ma ngolu ni poso-poso na so tubu dope. Jadi molo sengaja sasahalak manggugurhon, na mambunu do ibana disi.

 Di Patik ni Debata didok do tu halak Israel, “Molo adong dua halak na marbada, jala hona tu borua na hamil, gabe tubu anak ni borua i hape dang tikkina dope, alai mangolu do borua i dohot poso-posona i, ikkon lehonon ni na marbada i ma gatti rugi tu suami ni borua i. Ikkon gararonna do i nasa na dipangido ni suami ni borua i di jolo ni akka hakim. Alai molo adong do na mate, ikkon hosa do gatti ni hosa.”​—2 Musa 21:22, 23. a

•  Sian andigan do sahalak jolma didok nungnga mangolu?

•  Diampuni Debata do halak na hea aborsi?

•  Sala do aborsi molo terancam ngolu ni omakna manang anakna i?

 Mulai sian di kandungan dope sahalak poso-poso manang tikki janin dope, nungnga sahalak jolma na mangolu i di pandangan ni Debata. Songon i do tong na didok di Bibel. Saonari, taida ma akka buktina na patuduhon molo di pandangan ni Debata, sarupa do poso-poso na so tubu dope dohot poso-poso naung tubu.

•   Hea do didok Raja Daud tu Debata, “Nungnga diida Ho au andorang so tubu dope au [manang tikki janin dope].” (Psalmen 139:16) Jadi, andorang so tubu dope si Daud, nungnga gabe sahalak jolma na mangolu ibana di pandangan ni Debata.

•   Sebelum tubu dope nabi Jeremia, nungnga dipillit Debata ibana lao mangulahon sada tugas na penting. Didok Debata tu ibana, “Andorang so hutoppa ho di bortian [rahim] ni omakmu, nungnga hutanda ho, jala andorang so tubu dope ho, nungnga hubahen ho badia. Nungnga hupillit ho lao gabe panurirang tu akka bangso.”​—Jeremia 1:5.

•   Panurat ni Bibel na margoar si Lukas, i ma sahalak dokter manang pangubati, sarupa do bahasa Junani na dipakke ibana lao mandok sahalak poso-poso na so tubu dope dohot naung tubu.​—Lukas 1:41; 2:12, 16.

 Diampuni Debata do halak na hea aborsi molo nga diattusi nasida na arga do ngolu ni sada poso-poso i nang pe di kandungan dope jala gabe diargai nasida hangoluan. Alani i, dang porlu be nasida sai merasa bersalah. Songon na didok di Bibel, “Na burju jala parasi roha do Jahowa. . . . Songon dao ni timur tu barat, songon i ma dao ni hasalaatta dipadao Ibana sian hita.” b (Psalmen 103:8-12) Diampuni Jahowa do akka halak na olo bertobat sian dosa ni nasida, termasuk ma i dosa ni halak na mangulahon aborsi.​—Psalmen 86:5.

 Songon na dipaboa di akka ayat nakking taringot ngolu ni poso-poso na so tubu dope, dang boi sasahalak mangaborsi nang pe adong resiko na berbahaya tu kesehatan ni omak ni poso-poso i manang tu poso-poso i.

 Boha do molo terjadi situasi na darurat tikki melahirkan jala ikkon adong na dipillit lao diselamatton, omakna do na lao diselamatton manang poso-poso i? Molo terjadi situasi na songon i, ikkon halak na terlibat do na mambahen keputusan pribadi taringot ise na lao diselamatton.