Masalah Gangguan Mental di Liat Portibi on
“Olo do toppu au merasa khawatir, nang pe lagi dang adong masalahku.”
“Hatop do muba perasaanku. Satokkin las rohakku, alai satokkin nai olo toppu gabe merasa khawatir au. Songon i ma saleleng on perasaanku. Tikki las rohakku, boi do toppu lungun rohakku.”
“Berupaya do au tiap ari asa unang pakhawatirhu. Alai sipata olo do toppu sude hupikkiri jala merasa khawatir do au tu na so terjadi dope.”
I ma piga-piga komentar ni halak na mengalami gangguan mental. Hea do hamu manang keluargamuna merasa songon i?
Pos ma rohamuna dang holan hamu na menghadapi masalah sisongon i. Godang do halak saonari on na mengalami gangguan mental.
Memang saonari on godang hian do “hasusaan” na mambahen hita stress manang marsak. (2 Timoteus 3:1) Menurut penelitian, sada banding ualu halak ma na mengalami gangguan mental di liat portibi on. Alani pandemi COVID-19, tamba do godang ni halak na mengalami kekhawatiran na berlebihan dohot depresi berat. Molo dibandingkon taon 2019 tu taon 2020, tamba do 26 persen halak na mengalami kekhawatiran na berlebihan. Jala tamba do 28 persen halak na mengalami depresi berat.
Memang porlu do taboto godang ni halak na mengalami gangguan mental. Alai na uppetting taboto, boha do caratta menghadapi masalah sisongon on molo terjadi i tu hita manang tu keluargatta.
Songon dia do halak na sehat secara mental?
Halak na sehat secara mental biasana boi do toktong denggan marpikkir, boi mangulahon ulaonna nang pe adong masalahna, jala merasa puas tu na adong di ibana dohot tu na boi diulahon ibana.
Gangguan mental . . .
-
DANG sada kelemahan.
-
Sahit na mambahen sasahalak dang boi mengendalihon cara marpikkirna, perasaanna, dohot tindakanna.
-
Boi mambahen sasahalak gabe maol mardongan dohot halak na asing. Jala maol do ibana mangulahon ulaonna ganup ari.
-
Sude do halak boi mengalami gangguan mental, dang soal aha sukuna, agamana, timbo manang na dang sikkolana, jala sadia umurna.
Bantuan tu halak na mengalami gangguan mental
Molo dihilala sasahalak adong perubahan na drastis sian dirina, porlu do ibana marubat tu dokter. Contohna toppu muba tindakan manang perasaanna, gabe sai holan naeng modom manang dang boi modom. Gabe sai holan naeng mangan manang dang olo mangan, khawatir na berlebihan, manang sai torus lungun rohana. Jadi molo lao ibana marubat, gabe diboto ibana ma aha na mambahen ibana songon i jala aha solusina.
Adong nasehat sian Jesus Kristus, i ma halak na paling marbisuk na hea mangolu di tano on. Didok ibana, “Dang porlu pangubati tu halak na sehat, tu na marsahit do.” (Mateus 9:12) Molo marubat sasahalak na mengalami gangguan mental, boi do ibana diurupi gabe lam sehat. Asing ni i, gabe boi do ibana denggan muse mangulahon ulaonna ganup ari. Jadi molo nungnga sering dihilala hamu gejala sisongon i, unang ma dipaleleng-leleng hamu marubat tu dokter. a
Memang dang bukku kesehatan Bibel. Alai adong do dipaboa akka nasehat na sian Bibel na bermanfaat tu halak na mengalami gangguan mental. Las do rohanami paboahon akka nasehat i di majalah on.
a Majalah Joujou Paboahon on dang lao mampromosihon sada perawatan kesehatan. Ganup halak ikkon manat do sebelum mambahen keputusan.
Mungkin Lomo do Rohamuna Mamboto
AJARAN NI BIBEL NA PENTING
Boasa Dipaloas Debata Masa Hasusaan?
Adong do alusna di Bibel jala boi do i mangapuli rohatta.
TETAP MA MARJAGA-JAGA!
Kesehatan Mental ni Akka Remaja na Lam Parah—Aha do na Didok Bibel Taringot i?
Adong do dipaboa di Bibel akka nasehat na boi mangurupi akka remaja na mangadopi masalah kesehatan mental.
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.
