Cinshi Abantu Bafwila?
Icasuko ca mu Baibolo
Ilingi tulatontonkanya pa mulandu abantu bafwila, maka maka nga ca kuti ufwile muntu twatemwa. Baibolo itila: “Awe ulubola ululeta imfwa lubembu.”—1 Abena Korinti 15:56.
Cinshi abantu bonse babela ababembu kabili cinshi tufwila?
Abantu bakubalilapo, Adamu na Efa, balifwile pantu balibembukile Lesa. (Ukutendeka 3:17-19) Lesa uo babembukiile, e “ntulo ya bumi,” kanshi e calengele ukuti bafwe.—Amalumbo 36:9; Ukutendeka 2:17.
Adamu alyambukisheko abana bakwe bonse ulubembu na mafya yabako pa mulandu wa lubembu. Baibolo ilanda ukuti: “Filya ulubembu lwaingilile mu muntu umo pano calo ne mfwa yaingilile mu lubembu, e fyo ne mfwa yasalanganine ku bantu bonse pantu bonse balibembwike.” (Abena Roma 5:12) Abantu bonse balafwa pantu bonse babembu.—Abena Roma 3:23.
Ifyo Lesa akafumyapo imfwa
Lesa alilaya ukuti kukaba inshita ilyo “akamina imfwa umuyayaya.” (Esaya 25:8) Pa kufumyapo imfwa, akabalilapo ukufumyapo ulubembu pantu e lulenga abantu ukulafwa. Lesa akafumyapo imfwa ukubomfya Yesu Kristu, ‘uusenda ulubembu lwa ba mu calo’—Yohane 1:29; 1 Yohane 1:7.
Nalimo Kuti Mwatemwako ne fi
ULUPUNGU LWA KWA KALINDA
Ifyo Baibolo Ilanda pa Mweo na pa Mfwa
Bushe kwaliba icishalilila ukuba no mweo nga twafwa? Bushe twalikwata umweo uushifwa? Bushe abafwa baba kwi?
AMASAMBILISHO YA MU BAIBO AYACINDAMA
Bushe Abafwa Baba Shani?
Baibolo yalilaya ukuti abafwa abengi bali no kubuushiwa nga filya fine Lasaro ababuushiwe.
AMASUKO KU MEPUSHO YA MU BAIBOLO
Bushe Yesu Apususha Shani?
Mulandu nshi tukabila ukuti Yesu aletupapaatilako? Bushe tulingile fye ukusumina muli Yesu epela pa kuti tukapusuke?
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.