Amasuko ku Mepusho ya mu Baibolo
Bushe tukakwatapo ubuteko bumo fye mu calo conse?
Bushe ubuteko bumo fye kuti bwaikatanya shani abantu bonse? Esaya 32:1, 17; 54:13
Elenganyeni ifyo cingawama nga twakwete fye ubuteko bumo pano calo. Abantu abengi balacula pantu bapiina, lelo bambi bakankaala. Lelo ubuteko ubwaishiba bwino ifyo abantu bacula, kuti bulepeela abantu ifyo bakabila. Bushe muletontonkanya ukutila kuti kwaba ubuteko bwa bantunse ubwingapwisha amafya yonse?—Belengeni Yeremia 10:23.
Ukutula fye na kale, amabuteko tayapeela abekala calo ifyo bakabila, maka maka abapiina. Mu mabuteko yamo mwaliba ubunkalwe. (Lukala Milandu 4:1; 8:9) Lelo Lesa wa Maka Yonse alilaya ukuti akaleta ubufumu ubukapyana amabufumu yonse. Kateka wa bufumu bwa kwa Lesa akalabika sana amano ku bantu.—Belengeni Esaya 11:4; Daniele 2:44.
Ifyo Ubufumu bwa kwa Lesa bukacitila abantu
Yehova Lesa alisala Kateka umusuma, Umwana wakwe, Yesu ukuba Kateka wa calo conse. (Luka 1:31-33) Ilyo Yesu ali pano calo, alitemenwe sana ukwafwa abantu. Ilyo akalateka, akekatanya abantu ba mu fyalo fyonse kabili akafumyapo fyonse ifibacusha.—Belengeni Amalumbo 72:8, 12-14.
Bushe abantu bonse balisumina ukuti Yesu e walinga ukuteka? Awe. Lelo Yehova alibatekanishisha. (2 Petro 3:9) Alibapeela inshita ya kuti beshibe ukuti Yesu e walinga ukuteka icalo conse. Tapakokole, Yesu akonaula abantu bonse ababipa pano calo, kabili akaleta umutende no mutelelwe mu calo conse.—Belengeni Mika 4:3, 4.
Nalimo Kuti Mwatemwako ne fi
ULUPUNGU LWA KWA KALINDA
Bushe Lesa Akabikako Ubuteko Ubukateka Icalo Conse?
ULUPUNGU LWA KWA KALINDA
Ubufumu bwa kwa Lesa
Ifintu 6 ifingalenga twashininkisha ukuti Ubufumu bwa kwa Lesa bukafumyapo amafisakanwa.
AMASUKO KU MEPUSHO YA MU BAIBOLO
Finshi Ubufumu bwa kwa Lesa Bukacita?
Sambilileni ifyo ubuteko bwa kwa Lesa bukacita ilyo bukalateka aba pa calo.
