Grik tok we oli tanem i kam “jos” long Baebol, i minim wan grup blong ol man we oli stap mekem wosip, be i no minim haos we oli stap mekem wosip long hem.

 Traem tingbaot eksampol ya: Taem aposol Pol i raet long ol Kristin long Rom, hem i talem halo long Akwila mo waef blong hem Prisila. Afta, hem i talem se: “Pasem halo long kongregesen we i stap mit long haos blong tufala.” (Rom 16:5) Pol i no stap talem halo long wan haos, be hem i talem halo long ol man, hemia kongregesen we i mit long haos ya. a

 Taswe mifala i no kolem haos wosip blong mifala se jos, be mifala i kolem “Haos Kingdom.”

 Hemia sam risen:

•   Ples ya i wan haos, o wan haos miting.

•   Mifala i mekem miting blong wosipim God ya we Baebol i tokbaot, Jehova, mo blong witnes o tokbaot hem.—Ol Sam 83:18, NW; Aesea 43:12.

•   Mifala i mekem miting tu blong kasem save moa long Kingdom blong God, we Jisas i tokbaot.—Matiu 6:9, 10; 24:14; Luk 4:43.

 Yu yu welkam blong visitim Haos Kingdom long ples blong yu, mo luk olsem wanem ol Witnes blong Jehova oli mekem miting blong olgeta.