Proveb 17:1-28
17 Sipos man i kakae wan pis drae bred long ples we i gat pis,* hemia i gud moa+I bitim we hem i kakae long wan haos we i gat lafet long hem* be i fulap long rao.+
2 Wan man blong wok we i gat hed, bambae hem i rul antap long pikinini blong masta blong hem we i stap mekem ol samting blong sem,Bambae hem i kasem sam long ol samting we i blong masta blong hem, olsem se hem tu i wan long ol pikinini blong hem.
3 Sospen i blong kukum silva i kam klin, mo hot oven i blong gol,+Be Jehova i man blong skelem hat blong ol man.+
4 Man nogud, hem i stap lesin gud long tok we i mekem man i harem nogud,Mo man blong giaman, hem i stap lesin long rabis tok we i blong spolem narafala.+
5 Man we i stap jikim puaman, i olsem we hem i stap tok nogud long Man We i Mekem hem,+Mo man we i glad taem narafala i kasem trabol, bambae hem i mas kasem panis.+
6 Ol smol bubu,* oli olsem hat blong king long hed blong ol olfala,Mo ol boe* oli kasem glori long ol papa* blong olgeta.
7 Man we i no gat hed, i no save talem ol tok we i stret.*+
Sipos i olsem, i hadwok moa blong wan king* i talem wan tok we i giaman.+
8 Wan presen i olsem wan sas ston long man we i givim,*+Hem i mekem se long evri ples we man ya i go long hem, hem i stap win long evri samting.+
9 Man we i fogivim* ol rong we narafala i mekem, hem i stap lukaotem rod blong soemaot lav,+Be man we i stap tokbaot bakegen rong blong narafala, hem i stap seraotem ol gudfala fren.+
10 Man we i kasemsave samting, sipos yu tok strong long hem wan taem nomo, hemia i save gat bigfala paoa long hem,+I winim wan stupid man we yu wipim hem wan handred taem blong stretem hem.+
11 Wan rabis man, i stap lukaot rod nomo blong pulum ol man oli rebel,Be bambae oli sanem wan mesenja we fasin blong hem i strong tumas, blong i go panisim hem.+
12 I moa gud man i mitim wan bea we ol man oli karemaot ol pikinini blong hem,I bitim we hem i mitim wan man we ol krangke fasin blong hem oli mekem hem i stupid.+
13 Sipos wan man i mekem i gud long yu, be yu girap yu mekem i nogud long hem blong givimbak,Ol samting nogud bambae oli no gowe long haos blong yu.+
14 Taem man i statem faet, i olsem we hem i openem rod blong wota i ron bigwan,*I gud yu gowe bifo we rao i kamaot.+
15 Man we i letem wan man nogud i go fri, mo man we i jajem wan stret man se i mas kasem panis,+Tufala tugeta i nogud we i nogud long ae blong Jehova.
16 Wan stupid man, nating se hem i gat rod blong kasem waes, be samting ya i no save givhan long hem,From we hat blong hem i no pulum hem blong kasem waes ya.*+
17 Wan tru fren i soemaot lav oltaem,+Mo hem i wan brata we i kamtru long yu long taem blong trabol.+
18 Wan man we i no gat gudfala tingting,* hem i sekhan long narafala blong mekem promes, mo i agriLong fored blong neba blong hem, se bambae hem i pemaot lon blong man ya.*+
19 Man we i laekem rao, hem i laekem sin tu,+Man we i mekem get blong hem i hae, hem i stap pulum trabol i kam long hem nomo.+
20 Man we hat blong hem i no stret, bambae hem i no save win,*+Mo man we i talem ol giaman tok, bambae hem i foldaon i kam nogud olgeta.
21 Wan papa we pikinini blong hem i wan stupid, bambae i harem nogud.
Mo papa blong pikinini we i no gat hed, i no glad nating.+
22 Hat we i glad, i wan gudfala meresin,*+Be tingting we i foldaon, i mekem se man i no moa gat paoa.*+
23 Wan man nogud, bambae i letem narafala i pem hem haed nomo,*Blong i mekem se i no gat jastis.+
24 Man we i luksave samting, waes i stap stret long fored blong hem,Be man we i stupid, ae blong hem i stap lukluk i go olbaot, go kasem ol las ples long wol.+
25 Wan boe we i stupid, i mekem papa blong hem i harem nogud,Mo i stap mekem hat blong mama blong hem i soa.*+
26 I no stret blong panisim wan stret man,*Mo sipos man i wipim ol man we ol narafala oli ona long olgeta, hem i go agensem samting we i stret.
27 Wan man we i gat save, i save blokem hem wan blong i no toktok,+Mo man we i luksave samting, bambae tingting blong hem i kwaet.+
28 Mo nating se man i no gat hed, be sipos hem i stap kwaet, i no toktok, bambae ol man oli ting se hem i waes,Mo man we i blokem maot blong hem, i no toktok, hem i gat fasin luksave.
Ol futnot
^ PT: “haos we i gat ol sakrefaes.”
^ NT: “we i kwaet.”
^ NT: “Ol smol bubu boe.”
^ NT: “ol pikinini.”
^ NT: “ol papa mo mama.”
^ NT: “ol gudfala toktok.”
^ NT: “haeman.”
^ NT: “i olsem wan ston we i save mekem man we i givim i glad.”
^ PT: “kavremap.”
^ NT: “hem i brekemdaon wol we i holemtaet wota.” PT: “hem i letem wota i ronaot.”
^ NT: “From hem i no gat gudfala tingting.”
^ PT: “hat blong hem i wantem wan samting.”
^ NT: “se bambae hem i givim wan samting long narafala blong soemaot se bambae hem i holem promes blong hem.”
^ PT: “bambae hem i no save faenem wan samting we i gud.”
^ NT: “save mekem man i kam gud bakegen.”
^ PT: “mekem ol bun i drae.”
^ PT: “i pasem mane insaed long klos.”
^ PT: “mekem mama blong hem i kros.”
^ NT: “blong mekem wan stret man i pem faen.”
