Yu Save Kasem Waes
“Olgeta tok blong Baebol oli kamaot long God fastaem.” (2 Timoti 3:16) Tok ya “kamaot long God,” i minim se God Ya We i Gat Olgeta Paoa i pulum ol man blong raetem Baebol, blong oli raetemdaon ol tingting blong hem.
God i Wantem Se Waes Blong Hem i Givhan Long Yu
“Mi Jehova . . . Mi nao mi stap tijim yufala blong givhan long yufala, mi nao mi stap lidim yufala long rod we yufala i sud folem. !Mi mi wantem tumas we yufala i lesin gud long ol komanmen blong mi! Sipos yufala i mekem olsem, pis blong yufala bambae i kam olsem reva, mo stret fasin blong yufala, bambae i olsem ol wef blong solwota.”—AESEA 48:17, 18.
Tingbaot ol tok ya olsem wan invetesen blong God. Hem i wantem se yu gat pis mo kasem glad blong olwe, mo hem i save givhan long yu blong kasem ol samting ya.
Yu Yu Save Kasem Waes Blong God
“Ol man oli mas talemaot gud nius long olgeta nesen.”—MAK 13:10.
“Gud nius” i minim tu ol promes blong Jehova blong finisim fasin safa, blong mekem wol ya i kam wan paradaes, mo blong mekem ol famle mo fren blong yumi we oli ded, oli laef bakegen. Ol Witnes blong Jehova oli talemaot mesej ya blong Baebol long fulwol.