Avbe Vidio Omuso Ọghe Ebe Baibol
Avbe vidio ne kuẹi na keghi ru iyobọ ne ima ya rẹn emwi ne dọmwade ebe ọghe Baibol guan kaan kevbe emwi nọ sunu vbe ẹghẹ na ya gbẹn ọnrẹn. Gha loo avbe vidio na, vbe u gha ruẹ e Baibol ne egbuẹ, ne u mieke na gha sọyẹnmwẹ ọnrẹn.
Omuso Ọghe Ebe Ẹksodọs
Osanobua keghi miẹn Ivbi Izrel fan vbe uwu ọviẹn ne iran ghaa ye vbe otọ Igipt, ọ na ya iran khian agbẹnvbo ọghẹe.
Omuso Ọghe Ebe Ẹzra
E Jehova keghi muẹn sẹ eyan ọghẹe, nọ ya fan emwa rẹn hin imu rre vbe Babilọn kevbe nọ ya dọlegbe mu ugamwẹ ẹmwata gbọ vbe Jerusalẹm.
Omuso Ọghe Ebe Nehimaia
Ebe Nehimaia keghi mwẹ iruẹmwi ne kpataki ne eguọmwadia Osanobua ọghe ẹmwata ni rrọọ vbe ẹdẹnẹrẹ.
Omuso Ọghe Ebe Ẹsta
Avbe emwi uzaromiẹn ni sunu vbe ẹdẹ ọghe Ẹsta gha yae khian nọ wegbe ighẹ amuẹtinyan ne u mwẹ yan e Jehova, zẹvbe Osa nọ gha sẹtin miẹn emwa rẹn fan vbuwe edanmwẹ ne iran werrie aro daa vbe ẹdẹnẹrẹ.
Omuso Ọghe Ebe Job
Te emwa hia ni ghi hoẹmwẹ e Jehova nẹ gha miẹn edanmwẹ. Okha ọghe Job rhie ilẹkẹtin ne ima wẹẹ ma gha sẹtin daeyi ighẹ imudiase ọghe ima kevbe ima gha sẹtin tọẹn mu ọdakha ọghe Jehova.
Omuso Ọghe Ebe Psalm
Ebe Psalm keghi yẹrike ọdakha nọ yo sẹ ọghe Jehova, ọ vbe ru iyobọ ne emwa ni hoẹmwẹ e Jehova kevbe ọ vbe rhiẹre ma vbene uhunmwu otagbọn khian ya fi werriẹ hẹ lekpae Arriọba ọghe Osanobua.
Omuso Ọghe Ebe Itan
U gha miẹn ẹmwẹ adia ọghe Osanobua, nọ gha ru iyobọ nuẹ vbe emwi hia—ke ẹki ne u do ya sẹ ẹgbẹe ọghuẹ.
Omuso Ọghe Ebe Asan-Ibo
Ọba e Solomon keghi guan kaan emwi ni gele ru ekpataki sẹ vbe arrọọ ọghomwa; ọ na vbe guan kaan vbene ọ ya lughaẹn ne emwi ni gbodan ghee ẹwaẹn ọghe Osanobua.
Omuso Ọghe Ebe Ihuan Ne Ọ Sẹẹ Ihuan
Ahoẹmwọmwa nẹi beghe ne ovbialeke Siulam ghaa mwẹ ne ọsuohuan keghi re na giere zẹvbe ‘erhẹn ọghe Jah’. Vbọsiẹ ne a na gie ẹre vberriọ?
Omuso Ọghe Ebe Aizaia
Ẹmwẹ akhasẹ nọ rre ebe Aizaia keghi re nọ gbae, nọ gha ya ruẹ gha mwẹ ilẹkẹtin yan e Jehova wẹẹ, ọ gha mu eyan hia ne ọ ru sẹ.
Omuso Ọghe Ebe Jerimaia
E Jerimaia ma gie egbe wọọ re agharhemiẹn wẹẹ ọ werriẹ aro daa ukpokpo nibun. Muẹn roro vbene igiemwi ọghe Jerimaia ya dekaan Ivbiotu e Kristi hẹ vbe ẹdẹnẹrẹ.
Omuso Ọghe Ebe Eve Orriara
Akhasẹ ighẹ e Jerimaia ẹre ọ gben ebe Eve Orriara. Vbe ebe na irẹn keghi khiẹ ye ọfuan nọ rruan e Jerusalẹm, kevbe wẹẹ, ọ vbe gima rẹn vbene emwa ni roro iro fi uyinmwẹ werriẹ gha ya miẹn itohan hẹ.
Omuso Ọghe Ebe Ezikiẹl
Ezikiẹl keghi ya imuegberriotọ kevbe udinmwẹ ru iwinna ke iwinna ne Osanobua mu nẹ, ọ gha khọnrẹn wẹẹ iwinna nọ lọghọ nọ. Ma gha miẹn emwi nibun ruẹ vbe igiemwi ọghẹe vbe ẹdẹnẹrẹ.
Omuso Ọghe Ebe Daniẹl
Ọ ma mwẹ ẹghẹ ọkpa ne Daniẹl vbe avbe ọsiọre ya muẹn fua ighẹ amuẹtinyan ne iran mwẹ dae Jehova. Igiemwi ne iran rhie yotọ kevbe avbe ẹmwẹ akhasẹ ni mwẹ amusẹ gha wa ru iyobọ ne ima vbe ẹghẹ okiekie ẹdẹ ne ima ye na.
Omuso Ọghe Ebe Matiu
Ẹmwata ne kpataki ne u gha rẹn vbekpae ebe ọghe Baibol na, nọre nokaro vbuwe ebe enẹ ni guan kaan okha ọghe Jesu gha sẹ ruẹ ọyẹnmwẹ ọnrẹn ighẹ iruẹmwi ọghe emwi ne kpataki ni dekaan ebe na, nọre ebe nokaro vbe ebe ene ni ta Okha Ọghe Jesu.
Omuso Ọghe Ebe Mak
Ebe Mak nọ ghi kherhe sẹ vbe Ebe Okha Ọghe Jesu keghi gima rẹn vbene ukhamwẹ ọghe Jesu khian gha ye hẹ zẹvbe Ọba ọghe Arriọba Osanobua.
Omuso Ọghe Ebe Luk
De emwi ne ebe Luk guan kaẹn nọ yae lughaẹn ne ebe nikẹre ni ta okha ọghe Jesu?
Omuso Ọghe Ebe Jọn
Ebe Jọn keghi guan kaan ahoẹmwọmwa ne Jesu mwẹ ne emwa nagbọn, igiemwi ọghe imuegberriotọ ne Jesu rhie yotọ, ọ na vbe guan kaan emwi nọ sosẹ yọ wẹẹ Jesu ọre Mẹzaia—nọ khian gha re Ọba ọghe Arriọba Osanobua.
Omuso Ọghe Ebe Iwinna Avbe Ukọ
Ivbiotu e Kristi ni ghaa rrọọ vbe orre nokaro keghi hia ẹsẹsẹmwẹse ne iran ya emwa ni rre agbẹnvbo ughughan khian erhuanegbe Kristi. Ebe iwinna gha ru iyobọ nuẹ ya gha mwẹ izọghae sayọ vbe iwinna ikporhu iyẹn nọ maan.
Omuso Ọghe Ebe Rom
Adia eso nọ ke obọ e Jehova rre nọ rhiema wẹẹ, Osanobua i gbe ewanmwẹ ghee obọ ọkpa, kevbe evbọzẹe nọ na khẹke ne ima mu ẹtin yan Jesu Kristi.
Omuso Ọghe Ebe Ẹfisọs
Elẹta na guan kaẹn vbene Osanobua khian ya ya Jesu Kristi rhie ọfunmwegbe kevbe akugbe gha die agbọn na hẹ.
Omuso Ọghe Ebe 1 Timoti
Te ukọ e Pọl gbẹn ebe 1 Timoti na, nọ ya rhan otọe vbene ọ khẹke ne etẹn ya gha ru emwi hẹ, ọ na vbe wẹẹ ne iran gha gban egbe ne imamwaemwi ọghe ohoghe kevbe wẹẹ, ne iran ghẹ gha re emwa ni hoẹmwẹ igho.
Omuso Ọghe Ebe 1 Timoti
E Pọl keghi rhie igiọdu ne Timoti nọ hia vbe odẹ ke odẹ nọ mu sẹ vbe iwinna ikporhu iyẹn nọ maan.
Omuso Ọghe Ebe Taitọs
Vbe elẹta ne Pọl gbẹn gie Taitọs, ọ keghi tama rẹn nọ dia emwi eso nọ ma khẹke nọ ghaa rhiegbe ma vbe iko nọ rre Kret, ọ na vbe wẹẹ nọ zẹ ikpia ni gbegba vbe ukpo ediọn vbe iko.
Omuso Ọghe Ebe Failimọn
Elẹta ne kuẹi na keghi maa ima ẹre wẹẹ, ọ khẹke ne ima gha mwẹ imuegberriotọ, itohan kevbe ayabọ.
Omuso Ọghe Ebe Hibru
Ugamwẹ ọghe ẹmwata gberra na gha yo ọgua Osa kevbe na gha ya aranmwẹ zọ ese.
Omuso Ọghe Ebe Jems
E Jems keghi loo erre na rherhe rẹn otọre kevbe ẹmwẹ nọ mu ukhọmwẹ emwi ya maa Ivbiotu E Kristi odẹ nọ khẹke ne iran ya gha loo arrọọ ọghe iran.
Omuso Ọghe Ebe 1 Pita
Vbe elẹta nokaro ne Pọl gbẹn, ọ rhie igiọdu ne etẹn hia, ne iran mu ọlọghọmwa ọghe iran hia ye Osanobua obọ.
Omuso Ọghe Ebe 2 Pita
Vbe elẹta nogieva ne Pita gbẹn, e Pita keghi rhie igiọdu ne ima, ne ima gha ya ẹmwẹ nọ rre Evbagbẹn Nọhuanrẹn ru emwi, zẹ vbene ima ya ya izinegbe diakhẹ agbọn ọgbọn kevbe ẹrinmwi ọgbọn ne emwi dan rhọkpa i khian ghi gha ye.
Omuso Ọghe Ebe 1 Jọn
Elẹta ọghe Jọn ya obọ sekhae ne ima, ne ima gha begbe ne avbe oghian e kristi, ọ vbe tama ima emwi nọ khẹke ne ima hoẹmwẹ ọnrẹn kevbe emwi ne ima gha gban egbe na.
Omuso Ọghe Ebe 2 Jọn
Vbe elẹta nogieva ne Jọn gbẹn, e Jọn keghi ye ima ẹre rre wẹẹ, ọ khẹke ne ima gha ya avbe iyi ne Osanobua yi ru emwi, kevbe ọ vbe ya obọ sekhae wẹẹ, ne ima gha begbe ne avbe ọrẹrẹ ọmwa ni rre uwu iko.
Omuso Ọghe Ebe 3 Jọn
Ebe Jọn maa ima re wẹẹ, ọ khẹke ne ima gha mu ọghọ ye emwa egbe.
Ọmuso Ọghe Ebe Jud
E Jud keghi vẹẹ ọre rua uyinmwẹ esankan kevbe ọghe aranmwẹ oha ne emwa ghaa yin vbuwe iko.
Omusu Ọghe Ebe Arhie Maan
Avbe umian ni rre ebe Arhie Maan, rhan otọe vbene Arriọba Osanobua khian ya muẹn sẹ hẹ emwamwa nọ mwẹ ne emwa nagbọn.