Avbe Vidio Ni Dekaẹn Ẹmwẹ Nọ Rre Baibol—Avbe Imamwaemwi Ne Kpataki
Avbe vidio ni ye kuẹi na, rhie ewanniẹn ye avbe inọta ne kpataki ni dekaẹn ẹmwẹ ni rre Baibol. Nibun vbọ rhilo ginna avbe iruẹmwi ni rre ebe ẹmu na tie ẹre Iyẹn Nọma Nọ Ke Obọ Osanobua Rre!
Te A Gele Yi Agbọn Vbe Ẹrinmwi Ra?
Emwa nibun ma rẹn otọ emwi nọ rre ebe Gẹnẹsis, uhiẹn eso kue roro ẹre wẹẹ, ohoghe nọ. Ẹmwata ẹre Baibol tae ra?
Osanobua Mwẹ Eni Ra?
Osanobua mwẹ iwaeni nibun, usun iwaeni na keghi re Udazi, Ayi, kevbe Nọyaẹnmwa. Sokpan a keghi sunnu ye eni Osanobua ọghe obọ re, odẹ igba 7,000 vbuwe Baibol.
De Obọ Ọmwa Ne Baibol Ke Rre?
Adeghẹ emwa nagbọn ẹre ọ gbọen, a gha sẹtin ye tiẹre Ẹmwẹ Ọghe Osanobua ra? De ọmwa nọ yan ẹmwẹ ni rre uwu e Baibol?
De Emwi Nọ Khian Ye Ima Yayi Wẹẹ Ebe Ẹmwata Ẹre E Baibol Khin?
Adeghẹ ẹmwẹ ọghe Osanobua ẹre Baibol gele khin, te ọ khẹke nọ lughaẹn ne ebe ọvbehe nikẹre.
Vbọzẹe Ne Osanobua Na Yi Agbọn Na?
Te uhunmwu otagbọn na ye mose mose. Uhunmwu otagbọn na ma rree ne ovẹn gbe, ọ ma vbe sikẹ ọre gbe, agharhemiẹn wẹẹ te uhunmwu otagbọn na han ghee obọkpa, eke nọ khẹke ẹre ọ ye ye, odẹ ne uhunmwu otagbọn na ya lẹga ovẹn keghi re nọ wa rre oreghe. Vbọzẹe ne Osanobua na wa yi agbọn na nọ gha mose vbenia?
Vbọ Sunu Daa Emwa Ni Wulo Nẹ?
E Baibol gi ima rẹn wẹẹ ẹghẹ dee ne emwa nibun ni wulo gha ya rhiọkpaegbe, vbene Lazarọs vbe gha ye.
Vbọzẹe Ne Jesu Na Wu?
E Baibol gi ima rẹn wẹẹ, uwu ọghe Jesu wa gele ru ekpataki. Uwu ọghẹe mwẹ esa nọ ye ra?
De Emwi Ne Arriọba Osanobua Khin?
Arriọba Osanobua ẹre Jesu wa mobọ guan kaan vbe ọ rre uhunmwu otagbọn. Ke ẹghẹ nii gha dee, te erhuaengbe ẹre wa na erhunmwu ne Arriọba na rre.
Vbọzẹe Ne Osanobua Na Kue Ne Emwa Gha Susẹ?
Emwa nibun keghi nọ evbọzẹe ne ikhuiwu kevbe usẹ na gba ehe ehia vbe agbọn na. Ewanniẹn ne Baibol rhie ye inọta na keghi fu ọmwa ẹko rre, ọ vbe mu ọmwa orhiọn sotọ.
Ugamwẹ Hia Ẹre Osanobua Miẹn Yi Ra?
Emwa nibun yayi wẹẹ ọmwa gha sẹtin gha rre ugamwẹ nọ rhirhi khọn rẹn.
Erhunmwu Hia Ẹre Osanobua Danmwehọ Re Ra?
Osanobua gha họn erhunmwu ọghe ọmwa nọ rẹn ọghe enegbe ẹre ọkpa ra? Deghẹ ọkpia nọ gbe ọvbokhan rẹn na na erhunmwu gie Osanobua, Osanobua gha họn erhunmwu ọghẹe ra?
Orukhọ Nọ Deghẹ Ọmwa Na Gha Ghee Ughe Ne Emwa Na Ru Emwi Ọdọ Vbe Amwẹ Ra?
Ẹmwẹ na ne ebo tie ẹre “pornography” zẹdẹ rre uwu e Baibol ra? Vbe ima khian ya rẹn hẹ deghẹ ughe ne emwa na ru emwi ọdọ vbe amwẹ sọnnọ Osanobua?