Job 37:1-24
37 “Tungod niini nagbutobuto ang akong dughanUg paspas kining nagpitikpitik.
2 Paminawa pag-ayo ang dinahunog sa iyang tingogUg ang dalugdog gikan sa iyang baba.
3 Iya kining ipalanog ilalom sa tibuok kalangitanUg iyang ipakidlap ang iyang kilat+ hangtod sa mga kinatumyan sa yuta.
4 Human niana dunay pagdahunog;Iyang ipadalugdog ang iyang katingalahang tingog,+Ug dili niya pugngan ang kilat samtang siya nagsulti.
5 Ipadalugdog sa Diyos ang iyang tingog+ sa katingalahang paagi;Siya nagbuhat ug kahibulongang mga butang nga dili nato arang masabtan.+
6 Kay siya mosulti sa niyebe, ‘Pangatagak mo sa yuta,’+Ug ngadto sa ulan, ‘Bunok ulan.’+
7 Pahunongon sa Diyos ang tanang kalihokan sa tawo*Aron mahibaloan sa tanang tawo ang Iyang buhat.
8 Ang ihalas nga mga mananap manago sa ilang mga lungibUg sila magpabilin diha niana.
9 Ang unos mohuros gikan sa dapit niini,+Ug ang katugnaw maggikan sa hanging amihan.+
10 Pinaagi sa gininhawa sa Diyos, motungha ang yelo,+Ug ang lapad nga katubigan mobagtok.+
11 Oo, pabug-aton niya ang mga panganod pinaagi sa yamog;Isabwag niya ang iyang kilat+ diha sa mga panganod;
12 Kini magtuyok sa dapit diin niya kini paadtoon;Buhaton niini bisan unsa nga iyang ipahimo+ diha sa nawong sa gipuy-ang yuta.*
13 Iya kining ginagamit alang sa pagsilot,*+ sa pagpaulan nganha sa yuta,O sa pagpakitag maunongong gugma.+
14 Paminawa kini, Job;Pamalandonga pag-ayo ang katingalahang mga buhat sa Diyos.+
15 Nahibalo ba ka kon giunsa pagkontrolar* sa Diyos ang mga panganodUg kon giunsa niya pagpakidlap ang kilat gikan sa iyang panganod?
16 Nahibalo ba ka kon giunsa paglutaw sa mga panganod?+
Kini maoy katingalahang mga buhat sa Usa nga hingpit sa kahibalo.+
17 Nganong moinit ang imong bestiDihang ang yuta mahilom tungod sa hanging habagat?+
18 Uban kaniya, imo bang mabuklad* ang kalangitan+Nga mahimong sama ka gahi sa metal nga salamin?
19 Sultihi kami kon unsay angay namong isulti kaniya;Dili mi makatubag kay kami anaa sa kangitngit.
20 Angay ba siyang suginlan nga gusto kong makigsulti kaniya?
O duna bay nagsulti ug importante kaayong butang nga angayng ipahibalo kaniya?+
21 Dili gani nila makita ang kahayag,*Bisag hayag ang kalangitan,Hangtod nga moagi ang hangin ug paliron ang mga panganod.
22 Gikan sa amihanan moabot ang bulawanong kahayag;Ang kahalangdon sa Diyos+ makapahingangha gayod.
23 Dili nato bug-os masabtan ang bahin sa Labing Gamhanan;+Siya gamhanan kaayo,+Ug dili gayod niya tuison ang iyang hustisya+ ug isalikway ang iyang pagkamatarong.+
24 Busa ang mga tawo angayng mahadlok kaniya.+
Kay siya walay pag-uyon niadtong mga naghunahuna nga sila maalamon.”*+
Mga Footnote
^ Literal, “Iyang selyohan ang kamot sa matag tawo.”
^ O “sa mabungahong yuta.”
^ Literal, “bunal.”
^ O “pagsugo.”
^ O “masalsal.”
^ Kahayag sa adlaw.
^ Literal, “maalamon sa kasingkasing.”
