Bann renyon kongregasyon Temwen Zeova
Konn plis lo nou bann renyon. Trouv en renyon ki ganny fer pros avek kot ou reste.
Kwa ki pase dan nou renyon?
Temwen Zeova i fer zot renyon de fwa par semenn pour ador zot Bondye. (Ebre 10:24, 25) Dan sa bann renyon ki tou dimoun i ganny envite, nou aprann sa ki Labib i dir e ki mannyer nou kapab aplik sa bann lansennyman dan nou lavi.
Laplipar nou bann servis i enkli partisipasyon lodyans, zis parey en diskisyon dan laklas. Ou pou kapab partisipe si ou anvi. Nou bann renyon i konmans e termin avek en kantik ek lapriyer.
Ou pa bezwen en Temwen Zeova pour asiste nou bann renyon. Nou envit tou dimoun pour vini. Larantre i gratwit e nou pa zanmen pas laket.
