Jesus No Wu Ho Nkaadzi
Memenda, April 12, 2025
Afe biara, Jehovah Adasefo kaa Jesus no wu no. Yɛyɛ iyi osiandɛ Jesus aka akyerɛ n’ekyirdzifo nyina dɛ: “Hom nyɛ yi mfa nyɛ me nkaa.”—Luke 22:19.
Yɛto nsa frɛ wo dɛ bra dwumadzi yi bi.
Nsɛm A Wɔtaa Bisa
Dwumadzi no bedzi ber tsentsen ahen?
Obedzi bɛyɛ dɔnhwer kor.
Wɔbɛyɛ no wɔ hen?
Sɛ ibisa Jehovah Adasefo a wɔwɔ w’apaamu hɔ no a, wɔbɛkyerɛ wo.
Ibotua sika bi ana etum akɔ bi?
Oho.
Wɔbɛgyegye kɔlɛhyen wɔ dwumadzi no ase a?
Oho.
Atar pɔtsee bi wɔ hɔ a ɔwɔ dɛ ehyɛ?
Oho, atar pɔtsee biara nnyi hɔ a ɔwɔ dɛ ehyɛ ana etum aba dwumadzi yi ase. Mbom Jehovah Adasefo bɔ mbɔdzen dze Bible mu afotusɛm a ɔka dɛ yɛnhyɛ ntar a ɔfata na yensiesie hɛnho kama no yɛ edwuma. (1 Timothy 2:9) Onnhia dɛ ehyɛ atar a no bo yɛ dzen anaa ɔyɛ kyenkyenee biara.
Ebɛnadze na ɔbɔkɔ do wɔ Nkaadzi no ase?
Wɔbɔtow ndwom dze ahyɛ dwumadzi no ase, na wɔaatow ndwom so dze apon. Sɛ wɔtow ndwom no mu biara wie a, Jehovah Adasefo no mu kor bɔbɔ mpaa. Wɔbɛma Bible mu ɔkasa bi. Ɔbɛma yeehu hia a Jesus no wu no ho hia, nye mbrɛ yebesi enya dza Nyankopɔn na Christ ayɛ ama hɛn no do mfaso.
Sɛ epɛ dwumadzi yi ho nsɛm pii a, hwɛ asɛm a wɔato dzin “Ebɛnadze Ntsi Na Ɔkwan A Jehovah Adasefo Fa Do Dzi Ewuradze Edzidzi No Yɛ Soronko Fi Ɔsom Afofor Dze Ho?”
Ebɛn ber na wɔbɛyɛ Nkaadzi no wɔ mfe kakra a ɔda hɛn enyim no?
2025: Memenda, April 12
2026: Yawda, April 2
Bi A W'enyi Bɛgye Iyi So Ho
NKAADZI
Kaa Jesus No Wu No
Yɛdze enyigye to nsa frɛ wo dɛ bɛkã hɛnho na yɛnhyɛ dɛm fã tsitsir yi. Ibohu mbrɛ wankasa benya Jesus n’asetsena nye no wu no do mfaso.
ESSENTIAL BIBLE TEACHINGS
Ebɛnadze Ntsi Na Jesus Wui?
Bi a atse dɛ obowui maa hɛn bɔn. Naaso, ampaara dɛ nyimpa kor no wu botum agye nyimpa ɔpepem pii nkwa?