Ena ika14 ni Okosita 2021, e kurea na cevaira kei Haiti e dua na uneune e 7.2 na kena kaukaua. E yaco veitaravi tale ga eso na uneune lalai. E se bera ni kilai vakamatata na levu ni vakacaca e yaco

• Rarawataki ni ratou mai takali e 2 na tacida yalewa, kei na 1 na tacida tagane

• Mavoa e 21 na tacida

• Vakacacani e 119 na vale

• Vakarusai vakadua e 72 na vale

• Vakacacani vakalailai e 5 na Vale ni Soqoni

• Vakacacani vakaca e 4 na Vale ni Soqoni

• Sa dikeva tiko na Komiti ni Vakacoko (DRC) na nodra vukei na tacida. Era cakacaka vata kei rau na ivakatawa ni tabacakacaka kei ira na qase ni vavakoso ena yasayasa qori. Era vakarautaka na veika vakayago, ra vakayaloqaqataki ira tale ga na tacida

• Tuvanaka tale ga na DRC na vakau ni iyaya ni veivuke me vaka na itutuvi, isulu, kakana, wainimate, tavuleni kei na wai. Ratou raica tale ga mera qaravi vakavuniwai na tacida era mavoa

• Era muria tiko na tacida era veivuke na vakatatabu ni COVID-19

Dina nira sotava na ituvaki dredre, ia levu na ivavakoso era se soqoni ga ena Sigatabu na ika15 ni Okosita nira sema ena internet. Era sarava tale ga na tacida na porokaramu ni soqo ni veiwasewase ena mataka ni Sigatabu, e kena ulutaga “Eda Kaukaua Nida Vakabauta!”

Eda rarawataka nodratou mai takali e tolu na tacida qo. Eda masulaki ira tale ga na tacida era lolosi, mavoa se yalolailai ena vuku ni uneune qo. O Jiova e kila vinaka tu nodra rarawa, qai nodra ivakaruru kei na kaukaua ena gauna dredre qo.—Same 46:1, 2.