Io. Na ivukevuke vinaka duadua e vakarautaka na ‘Kalou, o koya e dau vakaceguya, e vakayaloqaqataka, e vakaukauataka se uqeta na lomabibi.’​—2 Korinica 7:6, The Amplified Bible.

•   Kaukaua. Ni ‘veivakaukauataki se veivakacegui’ na Kalou, e sega ni kena ibalebale me kauta tani kece na nomu leqa. Ia e dau rogoca na nomu masu ni o kerea me vakaukauataki iko mo vosota. (Filipai 4:13) O na vakadeitaka gona ni tu vakarau me rogoci iko, ni kaya na iVolatabu: “E voleka o Jiova vei ira sa ramusu na lomadra, e vakabulai ira sa dasila na yalodra.” (Same 34:18) Io ena rogoca na Kalou na nomu vakamamasu ke dredre mada ga nida tukuna na ka eda sotava tiko.​—Roma 8:26, 27.

•   iVakaraitaki vinaka. E masu vua na Kalou e dua na dauvola iVolatabu: ‘Au sa masu yani vei kemuni ena levu ni noqu yalolailai.’ E vakaceguya na daunisame qo nona kila ni vinakata na Kalou me vosota na noda ivalavala ca. Ia e kaya tale: ‘Ke oni dauvola na itukutuku ni neimami caka cala, o cei ena qai bula rawa? Ia oni dauvosoti keimami ga, me keimami na dau vakarokorokotaki kemuni kina.’​—Same 130:1, 3, 4, Good News Translation.

•   iNuinui. Me ikuri ni veivakacegui ni Kalou ena gauna qo, e yalataka tale ga me kauta tani na leqa kece e vakavuna na lomabibi. Ni sa na vakayacori na vosa ni yalayala qori, “ena sega tale ni nanumi na ka makawa [wili kina na lomabibi], ena sega ni tiko e lomamuni.”​—Aisea 65:17.

 Nanuma: Keimami kila na iVakadinadina i Jiova ni dau veivuke na Kalou, ia keimami dau qara tale ga na veiqaravi vakavuniwai me baleta na lomabibi vakabalavu. (Marika 2:17) Keimami sega ni vakatututaka na mataqali veiqaravi vakavuniwai me caka, meda dui vakatulewa ga kina.