Aisea 42:1-25
42 Raica! Na noqu dauveiqaravi+ au tokona!
Au digitaka,+ au vakadonuya!+
Au solia vua na yaloqu,+Ena vakayacora na lewadodonu ina veimatanitu.+
2 Ena sega ni kaikaila se tabalaka na domona,Ena sega ni rogo na domona e gaunisala.+
3 Ena sega ni musuka na gasau sa dasila tu,Ena sega tale ga ni bokoca na vauvau ni cina e kubou wale ga.+
Ena kauta dina mai o koya na lewadodonu.+
4 Ena sega ni malumalumu se oca me vakataudeitaka mada e vuravura na lewadodonu,+Era na waraka tiko ga na nona lawa* na veiyanuyanu.
5 Qo na ka e tukuna na Kalou dina o Jiova,O koya e bulia na lomalagi, o koya e tevuka,+O koya e tevuka na vuravura kei na vuana,+O koya e solia na icegu vei ira na tamata era tiko kina,+Kei na igu ni bula vei ira na lako voli kina:+
6 “O yau o Jiova, au kacivi iko ena yalododonu;Au taura na ligamu.
Au na taqomaki iko, au na soli iko mo vu ni veiyalayalati kei ira na tamata+
Kei na nodra rarama na veimatanitu,+
7 Mo dolava na matadra na mataboko,+Mo sereka na kaivesu mai na qara buto,Kei ira na tiko buto mai na valeniveivesu.+
8 O yau o Jiova. Qori na yacaqu;Au sega ni solia na noqu lagilagi vua e dua tale,*Se na noqu vakacaucautaki ina ivakatakarakara ceuti.+
9 Raica, e yaco ga na ka sa tukuni oti,Ia qo au tukuna tiko na ka vovou.
Ni bera ni tubu, au sa tukuna oti vei kemuni.”+
10 Moni lagata vei Jiova na sere vou,+Moni vakacaucautaki koya mai na iyalayala kei vuravura,+O kemuni na lako sobu ina wasawasa kei na ka kece e tu kina,O kemuni na veiyanuyanu kei kemuni na tiko kina.+
11 Me tabalaka na domona na vanua talasiga kei na kena koro,+Na itikotiko e tiko kina o Kitari.+
Mera kaila ena marau o ira na tiko ena uluvatu,Mera tabalaka na domodra mai na dela ni veiulunivanua.
12 Mera vakalagilagi Jiova,Mera vakacaucautaki koya ena veiyanuyanu.+
13 Ena lako yani o Jiova me vaka na tagane qaqa.+
Ena uqeta na nona gumatua me vaka na tamataivalu.+
Ena kaila, io, ena kailavaka na ibolenivalu,Ena qaqa sara vei ira na kena meca.+
14 “Sa dede na noqu galu tiko.
Au sega ni vosa, au tarovi au.
Au na vutugu me vaka na yalewa e vakarau vakasucu,Au na cegulevu, au na ceguleka ena dua ga na gauna.
15 Au na vakarusa na veiulunivanua kei na veidelana,Au na vakamalaitaka na kena co kece.
Au na vukica na veiuciwai me veiyanuyanu,*Au na vakamacara na wai ena tobu ni kuta.+
16 Au na tuberi ira na mataboko ena sala era lecava,+Au na kauti ira ena gaunisala era sega ni kila.+
Au na vakararamataka na butobuto e matadra,+Au na vakatautauvatataka na vanua sukusukura.+
Qori na ka au na cakava vei ira, au na sega ni biuti ira.”
17 Era na vakasukai, era na madua vakalevu,O ira na nuitaka na ivakatakarakara ceuti,O ira na kaya ina matakau kaukamea: “Oni neimami kalou.”+
18 Moni rogoca na didivara,Moni rai na mataboko moni raica.+
19 O cei e mataboko, na noqu dauveiqaravi ga,E didivara me vaka na noqu italai au tala?
O cei e mataboko me vakataki koya e vakaicovi,E mataboko me vaka na dauveiqaravi nei Jiova?+
20 E levu na ka o raica ia o sega ni kauaitaka.
O dolava na daligamu ia o sega ni rogoca.+
21 Ena vuku ni nona yalododonu,E taleitaka o Jiova me vakacerecerea na lawa* me vakalagilagia.
22 Ia o ira qo era kovei, era butakoci,+Era tao kece ena qara, era vunitaki ena valeniveivesu.+
Era kovei ia e sega ni dua me vakabulai ira,+Era butakoci ia e sega ni dua e kaya: “Kauti ira lesu mai!”
23 O cei vei kemuni ena rogoca qo?
O cei ena kauaitaka me rogoca ena gauna se bera mai?
24 O cei e soli Jekope me koveiKei Isireli vei ira na dauvakacaca?
Sega ni o Jiova ga, o koya eda cala vua?
Nira bese ni muria na nona sala,Kei na nona lawa* nira sega ni talairawarawa kina.+
25 E katakatataki koya tiko ga,Na nona cudru kei na katakata ni ivalu.+
E yameca na ka kece e wavokiti koya, ia e sega ni kauaitaka.+
E yameci koya, ia e sega ni tara na lomana.+
iVakamacala e ra
^ Se “ivakavuvuli.”
^ Se “Au sega ni wasea noqu lagilagi kei na dua tale.”
^ Se “me baravi.”
^ Se “ivakavuvuli.”
^ Se “ivakavuvuli.”
