JW LIBRARY
Okɛ JW Library lɛ Atsu Nii—Kɛhã Android
JW Library lɛ nɛ. Afee koni akɛkane Biblia lɛ loo akɛkase. Kɛ́ ootao ona nibii ni yɔɔ nɔ lɛ, nyɛɛ ofoŋ loo tablɛt lɛ abɛkugbɛ kɛba ninejurɔgbɛ. Loo nyɛɛ okadi nɛɛ ni yɔɔ abɛku ŋwɛigbɛ, ni atsɛɔ lɛ Menu lɛ.
Bible (Biblia)
Kɛ́ onyɛ Bible lɛ nɔ lɛ, ebaahã okane Biblia lɛ loo okɛ Biblia shishitsɔɔmɔi krokomɛi awo JW Library lɛ nɔ. Nyɛɛ Biblia woji lɛ eko nɔ, no sɛɛ lɛ nyɛɛ yitso ko nɔ koni okane. Be ni okaneɔ lɛ, obaanyɛ ogbele shishigbɛ niŋmai, ŋmalɛi ni atsɛ yisɛɛ, loo ŋmalɛ ni okaneɔ lɛ yɛ Biblia shishitsɔɔmɔi krokomɛi amli lɛ yɛ ninejurɔgbɛ (Study pane).
Kɛ́ ootao ogbele ŋmalɛ kroko lɛ, nyɛɛ abɛkugbɛ kɛba ninejurɔgbɛ ni onyɛ Bible lɛ nɔ, koni ekɛ bo aya Biblia woji lɛ anɔ ekoŋŋ.
Publications (Woji kɛ Nibii)
Kɛ́ onyɛ Publications lɛ nɔ lɛ, obaana woji, nibii ni atswaa aboɔ toi, kɛ vidioi. Nyɛɛ wolo ko nɔ, ni onyɛ saneyitso ni otaoɔ lɛ nɔ, koni okane. Be ni okaneɔ lɛ, obaanyɛ okane ŋmalɛi ni yɔɔ mli lɛ hu. Nyɛɛ ŋmalɛ lɛ nɔ koni ona emli wiemɔi lɛ yɛ ninejurɔgbɛ. Nyɛɛ ŋmalɛ ni yɔɔ ninejurɔgbɛ lɛ nɔ koni ekɛ bo aya Biblia lɛ mli..
Kɛ́ ootao ogbele wolo loo nɔ kroko lɛ, nyɛɛ abɛkugbɛ kɛba ninejurɔgbɛ; nyɛɛ Publications lɛ nɔ ekoŋŋ koni ona woji kɛ nibii lɛ.
Daa Gbi Ŋmalɛ Lɛ
Nyɛɛ abɛkugbɛ kɛya ninejurɔgbɛ, ni onyɛ Daily Text lɛ nɔ koni ona ŋmɛnɛ ŋmalɛ lɛ.
Online (Wɔwɛbsait Srɔtoi Lɛ)
Kɛ́ onyɛ abɛkugbɛ kɛba ninejurɔgbɛ, ni okwɛ Online lɛ shishi lɛ, obaana wɔwɛbsait srɔtoi lɛ.
Bɔ ni Obaafee Oná JW Library lɛ He Nibii Hei
Be fɛɛ be lɛ, kwɛmɔ akɛ JW Library hee ni eba lɛ ji nɔ ni yɔɔ ofoŋ loo tablɛt lɛ nɔ lo.
Ehi akɛ obaaná Android vɛɛshiŋ hee ni afee kɛhã ofoŋ loo tablɛt lɛ. Kɛ́ ootao ole enɛ he saji lɛ, yaa sait nɛɛ: https://support.google.com/nexus/answer/4457705.
Obaanyɛ oto ofoŋ loo tablɛt lɛ he gbɛjianɔ koni kɛ́ Android vɛɛshiŋ hee ko ba lɛ, lɛ diɛŋtsɛ eŋɔ ewo nɔ. Kɛ́ ootao ole enɛ he saji lɛ, yaa sait nɛɛ: https://support.google.com/googleplay/answer/113412.
