Hɛɛ. Wɔheɔ Yesu, mɔ ni wie sane nɛɛ nɔ wɔyeɔ, ewie akɛ: “Mi nɔŋŋ ji gbɛ lɛ kɛ anɔkwale lɛ kɛ wala lɛ; mɔ ko baaa tsɛ lɛ ŋɔɔ, akɛ ja etsɔ minɔ.” (Yohane 14:6) Wɔheɔ wɔyeɔ akɛ Yesu jɛ ŋwɛi eba shikpɔŋ nɛɛ nɔ, ni ekɛ adesa wala ni eye emuu ni eyɔɔ lɛ baha akɛ kpɔ̃mɔ afɔle. (Mateo 20:​28) Egbele kɛ eshitee lɛ gbeleɔ gbɛ kɛhaa mɛi ni heɔ enɔ amɛyeɔ lɛ koni amɛná naanɔ wala. (Yohane 3:​16) Wɔheɔ wɔyeɔ hu akɛ amrɔ nɛɛ Yesu miiye nɔ akɛ Nyɔŋmɔ ŋwɛi Maŋtsɛyeli lɛ nɔ Maŋtsɛ, ni etsɛŋ kwraa Maŋtsɛyeli nɛɛ kɛ toiŋjɔlɛ baaba shikpɔŋ lɛ nɔ fɛɛ. (Kpojiemɔ 11:​15) Kɛlɛ, wɔheɔ nɔ ni Yesu wie akɛ: “Mitsɛ da fe mi” lɛ wɔyeɔ. (Yohane 14:​28) No hewɔ lɛ wɔjáaa Yesu, ejaakɛ wɔheɔ wɔyeɔ akɛ jeee lɛ ji Nyɔŋmɔ Ofe lɛ.