MƆ YAMBI 2
Kpasa Sɔ nɛ̂ o nde?
1. Ha zu ge yo lɛma nde ɔ gɔ ka nɛ Sɔ?
Kpasa Sɔ nɛ ɛngɛ ka doya hio mɔ fɛt. A bo nɛ angara na nɛ kpogioa na (Psaume 90:2). Dede wen ka dung ha zang Bible gutɛ ha pɛa (1 Timothée 1:11). Ha zu wɛnɛ a de nde ɔ dung nɛ tunɔ, yo lɛma nde ɔ gɔ ka nɛ wɛnɛ ndang.—Tɔli Gbasamɔ 4:11.
2. Sɔ dung mɛng nde?
Ma wi tɛ zɔk Sɔ na ha zu wɛnɛ dung tuka bok, ingi ngoy mɔ tɔ nde wɛnɛ nɛ ma tunɔ ka yo gasa pen hio olo mɔ fɛt ha zu nu (Jean 1:18; 4:24). Ngase ingi, ɔ lɛma ing hio dea mɔ tɛ Sɔ nɛ wal hio mɔ ka wɛnɛ doya. Hio mɔ tuka hio waya te, nɛ hio do te nɛ tɛ nɛ tɛ osa ɔ ngoy nɛ ingɔ mɔpɛ Sɔ. Gasa zang nzan osa ɔ ngaya pɛa.—Tɔli Rome 1:20.
Ɔ lɛma ingɔ mɔ pentɛ ha zu dea mɔ pɛ Sɔ nɛ wal tɔla Bible. Gbesi, Bible osa ha ɔ hio mɔ ka Sɔ ngoya fin nɛ hio mɔ ka wɛnɛ kafa, wal deamɔ pɛa nɛ hio wi fin nɛ wal ka de nɛ mɔ ha zang hio mɔ nɛtɛ nɛtɛ ka hɔ.—Tɔli Kolose 3:12, 13.
3. Ling Sɔ ha yo nde?
Jésus tɔa nde: “Bafa ɔ ka dung ha zang ngon, ling mɛ a dung nɛ nzɔya.” (Matthieu 6:9). Ngase hio wi sa Sɔ nɛ hio doka ling, ling wa ka ndang. Nɛ ɛ sa yo nɛtɛ nɛtɛ nɛ nu hio le ndang ndang fɛt. Nɛ nu Gbaya, ɛ sa yo nde Jéhovah. Hio ma wi sa nde “Yahweh.”—Tɔli Genèse 22:14.
Ha zang dɔka hio Bible ɛ kuso ling Sɔ tɛ gde nɛ Seigneur wala Sɔ ha bhandia. Ha ngimɔ ka ɛ bhona ha ngɛrka Bible songsi, ɛ kpa ling Sɔ sanga nɛ 7 000. Jésus dea mɔ tɔ nde hio wi a ing ling Sɔ ha ngimɔ ka wɛnɛ ha osa mɔ ha mbua ha zu Sɔ.—Tɔli Jean 17:26.
Zɔ vidéo Ling Sɔ ha yo nde?
4. Jéhovah ha takara mɔ ha zu ɔ nde?
Tuka ma gdibafa ka ngoya hio bem pɛa, Sɔ fɛt ha pio sila wa ha zu hio bonɛ bɔ
Ɛngɛ ka hio wi nɛ dɔka ha zɔa bɔnɛ osi ha ɔ nde Jéhovah Sɔ bo ha takara mɔ ha zu ɔ na nde? Hio ma wi tɔ bɛ mbua nde Sɔ ha we sila ɔ nɛ wal hio bɔnɛ, wen ki bo nɛ kpasa wen na.—Tɔli Jacques 1:13.
Sɔ ku ɔ nɛ zioa a gdea wal ha ɔ mɔ zɔk so ko mɔ ɔ wan tɛ yo e fa nɛ ɔ pentɛ mɔ ku liberté pɛo mɔ de nɛ tom pɛ Sɔ (Josué 24:15). Bɔnɛ nɛ doka ha zu hio wi nɛ doka ngoya dea gdanga mɔ ha tɛ dan mbua. Yo yimɔ sila Jéhovah mɔ zo hio gdanga mɔ tuka ingi.—Toli 1 Pierre 5:5, 6.
Jéhovah nɛ Sɔ ka wɛnɛ ha takara mɔ ha zu ɔ. A ngoya nde ɔ dung nɛ dedea ha zang tu nɔ bɔ. Ha zang be ngimɔ, a be kusi hio bɔnɛ fin nɛ hio wi fɛt ka dung ha gdonga. Mɔ keri nɛ ngimɔ ki, a ingo ha zu ge a gdea wal ha bɔnɛ. Ha zang mɔ yambi 8, ɔ be ing bin ha zu ge a gdea wal ha bɔnɛ mɔ hɔ.—Tɔli 2 Pierre 2:9; 3:7, 13.
5. Ɔ lɛma tiko sanga nɛ Sɔ mɛng nde?
Jéhovah ana ha ɔ mɔ tiki sanga nɛ wɛnɛ nɛ wal sombala mɔ. Wɛnɛ ha takara mɔ ha zu ɔ ndang ndang fɛt (Psaume 65:2; 145:18). A dung sanga mɔ ha pardon ha ɔ. Wɛnɛ ha zoa hio ngaya ka ɔ ha dea mɔ gde tortɛ ha sila wa, ngase ha ma ngimɔ ɔ lɛma teka. Mɔngɔ, ngase ɔ nɛ hio wi de sɛmbɔ, ɔ lɛma dunga nɛ dede dungɔ nu ha soko ɔ hinɛ Sɔ.—Tɔli 1 Korente 15:47; Jacques 4:8.
Ha zu Jéhovah a ha ɔ tunɔ, yo nɛ dedea nde ɔ ngoy wɛnɛ a pen hio olo wi fɛt (Marc 12:30). Ha ngimɔ ka mɛ ha osa ngoy ka mɛ nɛ yo ha wal pɛ Sɔ nɛ wal yamba mɔ nɛ doka ha zu hio mɔ ka wɛnɛ ana mɛ mɛ be tɛ sanga pen tɛ nɛ wɛnɛ.—Tɔli 1 Timothée 2:4; 1 Jean 5:3.
