Ioera 2:1-32
2 “Katanga te buu ae te koro i Tion!+
Takarua n te takakaa ni buaka n au maunga ae tabu.
Ke a bane kaain te aba* n rurubenebene,Bwa e a roko ana bong Iehova!+ E a kaan!
2 Bon te bong ae rotongitong ao e roo,+Te bong ae uananginang ao e matenten te rotongitong iai,+N aron ootan tabwenani mainiku ae kabutai aoni maunga.
Iai te natannaomata ae rangi ni bati kaaina ma ni korakora,+Bon akea ae ai arona mai mwaina,Ao e na aki manga reke ae ai arona imwina,I nanon aia ririki rooro ni kabane.
3 E rimoana te ai ni kakamauna,Ao e rimwina te ura ni kauraura.+
Kaanga te onnaroka are Eten+ te aba are i moana,Ma e mena te rereua ae kamaroaa i akuna,Ao akea te bwai teuana ae kona n rabanako.
4 Taraana kaanga ai aron taraaia aoti,Ao a biri n aroia aoti ni buaka.+
5 Karongoaaia kaanga ai aroni kaa ni buaka ngke a ewewe i aon taubukini maunga,+N aron rebwetatan te ai ae ura ae kabueka te uteute ae mwau.
Kaanga ai aron te natannaomata ae korakora ae baireaki ni baireaia taani buaka.+
6 A na korakora marakia botannaomata ibukia,Ao a na ubu n tabeaianga aomata nako.
7 A biri n aroia taani buaka,Ao a tamwarakea te oo n aroia tautia,Ao e nakonako temanna ma temanna n oini kawaina,Ao a aki rairakinako mani kawaia ake a toui.
8 A aki ikekeebuti i marenaia,Ma e reitaanako kawaina te aomata temanna ma temanna.
Ngkana a bwaka tabeman ni bwaai ni buaka,*Ma e aki uruaki kawaia ake tabemwaang.
9 A ienikuri n rin n te kaawa, ao a biribiri i aon te oo.
A tamwarakei auti, ao a rin rinanon te kamaama n aron te tia iraa.
10 E mwaeiei te aba imwaia ao e mwainging karawa.
A a roo taai ma namwakaina,+Ao ai akea ootan taian itoi.
11 E na kanenea bwanaana Iehova imwain ana taanga ni buaka,+ bwa a rangi ni bati kaain ana taanga ni buaka.+
Bwa e korakora teuare kakororaoa Ana taeka.
Bwa e kakannato ana bong Iehova ao e rangi ni kamimi ma ni kakamaaku.+
Antai ae kona n tei imwaina?”+
12 E kangai ana taeka Iehova, “Ao ngkai, kam na okirai ma nanomi ni kabane,+Ma te aki mamatam+ ao te tang ma te tanginiwenei.
13 Raeuai nanomi+ ao tiaki kunnikaimi,+Ao okira Iehova ae Atuami,Bwa e atataiaomata* ao e nanoanga, e iremwe n un+ ao e bati irouna te tangira ae koaua,*+Ao ane e na nanokawaki* ibukin te rekenikai.
14 Antai ae e na ataia ao tao e na manga bita ana moti ao ni bita ana iango,*+Ao n anganira te kakabwaiaAe tau ibukin te karea ae te amwarake ao te karea ae te moi ibukin Iehova ae Atuami?
15 Katanga te buu ae te koro i Tion!
Katanoataa* te aki mamatam, ao wewete nakon te botaki ae okoro.+
16 Ikotiia aomata ao katabua* te botaki n aomata.+
Rikoia unimwaane ao ikotiia ataei ma merimeri aika mamma.+
Ke e otinako te tia mare te mwaane man ana ruu ni matu, ao te tia mare te aine man ana ruu.
17 Ke a tang i marenan te kaman ao te baonikarea+Ibonga* ake ana tabonibai Iehova, ao ni kangai:
‘Nanoangaiia am aomata ngkoe ae Iehova,Tai karaoa tibwangam bwa te bwai ni kakanikoaki,Ni kariaia natannaomata bwa a na tautaekania.
E aera bwa a riai ni kangai botannaomata, “E nga Atuaia?”’+
18 Ane e na ingainga Iehova ibukin abana,Ao ni kaota te atataiaomata nakoia ana aomata.+
19 Ane e na kaekaia Iehova ana aomata ni kangai:
‘Ae I a kanakoa nakoimi te uita* ma te wain ae boou, ao te oera,Ao ane kam na rauaki raoi.+
N na aki manga karaoingkami bwa te bwai ni kabuakakaaki i buakoia natannaomata.+
20 N na kakionakoa kaaini meang ni kararoaa mairoumi,N na kamaenakoa nakon te aba ae aki kona ni maekanaki ae mwautakataka ao e kamaroaa,Ma ana tia tantani mai moa* aika kaitaraa taari are mai mainiku,*Ao ana tia tantani mai buki aika kaitaraa taari are mai maeao.*
E na waerake te boi ae boiraa mairouna,+Ao e na teimatoa ni waerake te boi ae mwaung mairouna.
Bwa ane e na karaoi baika kakannato te Atua.’
21 Tai maaku ngkoe ae te aba.
Kimwareirei ao kakatonga bwa e na karaoi baika kakannato Iehova.
22 Tai maaku ngkami aika manin te tawaana aika moaanti,Bwa ane a na kiriin tawaanan te rereua,+Ao a na karikiuaa kainnamwarake.+
Ane e na anga uaana ae tabwanin te aroka ae te biiku ma te kai ae te kureebe.+
23 Kam na kimwareirei ao kakatonga iroun Iehova ae Atuami,+ ngkami aika natin Tion mwaane,Bwa ane e na anganingkami te moani karau n te mwaiti ae bon tau,Ao e na kabwakaa te karau i aomi,Ae te moani karau ao te karau are n tain te abue, n aron are mai mwaina.+
24 Ane a na onrake taabo ni kaaki kun ni uita n te uita ae itiaki,Ao a na taonako taiani nne ni wain n te wain ae boou ao te oera.+
25 Ao N na karaoa te kaboomwi nakoimi ibukin ririki
Ake a kang bwaai iai te nna n rokati, te rokati ae akea baina ni kiba, te rokati ae riao amwamwarakena, ao te rokati ae kaakang,Are au taanga ni buaka ae korakora are I kanakoa nako buakomi.+
26 Ane kam na bon amwarake ni karokoa rauakimi,+Ao kam na karaoiroa aran Iehova ae Atuami,+Are e a tia ni karaoi baika kamimi ibukimi.
A na aki manga kamaamaeaki au aomata.+
27 Ao ane kam na ataia iai bwa I boni mena i buakoia tibun Iteraera,+Ao bon Iehova ngai ae Atuami,+ ao akea riki temanna!
A na aki manga kamaamaeaki au aomata.
28 Imwin anne ao N na kabwaroa taamneiu+ i aoia aeka n aomata nako,Ao a na taetae ni burabeti natimi mwaane ma aine,Ao a na mii ni mii aika okoro ami unimwaane,Ao a na nori miitara ami rorobuaka n ataei.+
29 Ao ni boong akanneN na kabwaroa naba taamneiu i aoia au toro aika mwaane ma aine.
30 Ao N na kaotii baika kamimi i karawa ao i aon te aba,Ae te raraa ma te ai ao taiani boua aika taiani bubu.+
31 E na karooaki taai ao e na kaurauraaki namwakaina n aron te raraa+Imwain rokon ana bong Iehova ae kakannato ao ae kamimi ma ni kakamaaku.+
32 Ao ane e taboa aran Iehova e na kamaiuaki.+
Bwa e na iai te koraki aika a na reke birinakoia n te Maunga ae Tion+ ao i Ierutarem, n aron are e taku Iehova,Aika te koraki aika reke maiuia, ake e weteiia Iehova.”
Taiani Kabwarabwara Mai Nano
^ Ke, “te aonnaba.”
^ Ke, “kaai ni kareteke.”
^ Ke, “akoi.”
^ Ke, “te tangira ae kona n onimakinaki.”
^ Ke, “uringaaba iai.”
^ Ke, “uringaaba.”
^ Ebera, “Katabua.”
^ Ke, “kaokoroia ibukin te Atua.”
^ Nora Nanon Taeka.
^ Ke, e kona n nanona “te baare.”
^ Ebera, “moana.”
^ Ae taekan Taari ae Mate.
^ Ae taekan Taari ae te Meriteranian.
