Jehovachea Sakxeanchea songottnechi survat 19-avea xekddeachea xevottak zali. Tea vellar United States desant, Pennsylvania-ntlea Pittsburgh xarant Bible xikpeancho ek zomo aslo. Tannim bariksannen Bible-acho obheas korunk suru kelo. Igorjentli xikounn Bible-acher adarit asa vo na, tem tannim topasun polloilem. Bible-antlean jem kitem te xikle titlem-i tannim pustokamnim, khobram potramnim ani masikant chhaplem. Tea masikak atam, The Watchtower—Announcing Jehovah’s Kingdom mhunnttat.

 Bible xikpeam modem, Charles Taze Russell nanvacho ek munis aslo. Tea vellar herank Bible-a vixim xikounk, tannem fuddakar ghetlo. To Watchtower masikacho poilo sompadok aslo. Punn, tannem novea dhormachi survat korunk na. Russell ani tachea sangateank tea vellar Bible Xikpi mhunn lok vollkhotale. Tannim Jezuchi xikounn xikoili. Poilea xekddeant Jezuche xis choltale tea pormonnem tannim cholonk suru kelem. Kristanv dhormachi survat Jezun keloli, taka lagon ami Jezuk amchea songottnecho fuddari mhunn mantat.—Koloskarank 1:18-20.