A Gán Mɔ Nǔnywɛ Jixwéyɛxwe Tɔn
“Owě-wíwé lɛkpó wɛ nyí gbigbɔdó sɔ́n Jixwéyɛxwe dè.” (2 Timoti 3:16) “Gbigbɔdó” xe wěfɔ lɔ zán tofi zɛɛmɛdó ɖɔ Jixwéyɛxwe Gǎnhunǔkpótɔ́ zé linlɛn etɔn lɛ dó ayixa mɛxe kàn Biblu lɛ tɔn mɛ.
Jixwéyɛxwe Jlo Ðɔ Nǔnywɛ Emitɔn Ni Gɔ́alɔna We
“Yɛn Jehovah . . . nɔ kplɔ́n we nadó zán gbɛzǎn xe ná hɛn ale wá ná we, mɛxe nɔ ɖeanana we to alixo xe jí hyɛ ɖóná zinzɔnlin gbɔn. Enyí hyɛ ná nyì gbeɖiɖe cie lɛ wɛ! To hwenɛnu, jijɔxo towe ná wá tayiɖi tɔ̀sisa ɖé bɔ dǒdówiwa towe ná wá tayiɖi agbóhwɛn oxù tɔn lɛ.”—IZAYA 48:17, 18.
Ðɔna ɖewe ɖɔ Jixwéyɛxwe to hoɖɔna we tlɔlɔ wɛ nkɔ. É jlo ɖɔ a ni vò sɔ́n ahun mɛ bo ɖó ayǎjɛ sɔ́n din sɔyi, é ka sɔ́ to gbesisɔ mɛ nadó gɔ́alɔna we.
Alɔgɔ Nadó Mɔ Nǔnywɛ Jixwéyɛxwe Tɔn
“Yɛhwexo wɛnɖagbe lɔ tɔn ɖóná nyí ɖiɖɔ to akɔta lɛkpó mɛ.”—MALKU 13:10.
“Wɛnɖagbe” exe bɛ́ okpà xe Jehovah dó nadó ɖé oyà sɛ̀, nadó ɖyɔ́ ayigba zun paladisi bo fɔ́n mɛvivɛ mǐtɔn xe kú lɛ sɔ́n ociɔ lɛ mɛ hɛn. Kunnuɖetɔ Jehovah tɔn lɛ nɔ lá owɛ̀n xe to Biblu mɛ enɛ lɛdó ayihɔ́n kpé.
