Nuplọnmẹ Delẹ sọn Biblu Mẹ
Owe ehe na gọalọna we nado gbadopọnna nujijọ whenuho tọn voovo lẹ, yèdọ sọn ojlẹ nudida tọn mẹ wá jiji gọna lizọnyizọn Jesu tọn po wiwá Ahọluduta he to nukọn ja lọ tọn po ji.
Wekanhlanmẹ de sọn Hagbẹ Anademẹtọ Dè
Nawẹ owe ehe gán yin yiyizan gbọn?
NUPINPLỌN 1
Jiwheyẹwhe Dá Olọn po Aigba Po
Biblu dọ dọ Jiwheyẹwhe dá olọn po aigba po. Naegbọn e do dá angẹli dopo jẹnukọnna nuhe pò lẹpo?
NUPINPLỌN 2
Jiwheyẹwhe Dá Sunnu Tintan po Yọnnu Tintan Po
Jiwheyẹwhe dá sunnu tintan po yọnnu tintan po bo ze yé do jipa Edẹni tọn mẹ. E jlo dọ yé ni ji ovi lẹ bo diọ aigba lọ pete zun paladisi de.
NUPINPLỌN 3
Adam po Evi po Vẹtolina Jiwheyẹwhe
Etẹwẹ hẹn dopo to atin he to jipa Edẹni tọn mẹ lẹ gbọnvo taun? Naegbọn Evi do dù sọn sinsẹ́n etọn mẹ?
NUPINPLỌN 4
Homẹgble Sisẹ́ Ẹ Nado Hùmẹ
Jiwheyẹwhe kẹalọyi avọ́sinsan Abẹli tọn bo gbẹ́ Kaini tọn dai. Whenue Kaini mọ domọ, homẹgble e taun bọ e wà nuylankan de.
NUPINPLỌN 5
Aki Noa Tọn
Whenue angẹli ylankan lẹ dà yọnnu lẹ to aigba ji, yé ji ovi asuka delẹ he wá lẹzun nukunvandomẹtọ. Danuwiwa gbayipe taun. Ṣigba, Noa gbọnvo—e yiwanna Jiwheyẹwhe bo nọ setonuna ẹn.
NUPINPLỌN 6
Omẹ Ṣinatọ̀n Luntọ́n Biọ Aihọn Yọyọ de Mẹ
Jikun ja na okle 40 ozán 40 bo hẹn Singigọ wá. Noa po whẹndo etọn po nọ aki lọ mẹ na owhe dopo linlán. To godo mẹ, yé wá penugo nado tọ́n.
NUPINPLỌN 7
Atọ̀họ̀ Babẹli Tọn
Mẹdelẹ magbe nado gbá tòdaho de gọna atọ̀họ̀ de he na yiaga sọ́ olọn. Naegbọn Jiwheyẹwhe do hẹn yé nado jẹ ogbè voovo lẹ do ji to ajiji mẹ?
NUPINPLỌN 8
Ablaham po Sala po Setonuna Jiwheyẹwhe
Naegbọn Ablaham po Sala po do jo owhé yetọn do to tòdaho Uli tọn mẹ nado jẹ yìyì pé ji gbọn aigba Kenani tọn ji?
NUPINPLỌN 9
Yé Wá Ji Visunnu De!
Nawẹ Jiwheyẹwhe na hẹn opagbe he e do na Ablaham di gbọn? Detẹ to visunnu Ablaham tọn lẹ mẹ wẹ e na yizan—Isaki kavi Iṣmaeli?
NUPINPLỌN 10
Mì Flin Asi Lọti Tọn
Jiwheyẹwhe hẹn jikun miyọ́n po whèmi po tọn ja do Sodọmi po Gomọla po ji. Naegbọn tòdaho ehelẹ do yin vivasudo? Naegbọn mí dona nọ flin asi Lọti tọn?
NUPINPLỌN 11
Whlepọn Yise Tọn De
Jiwheyẹwhe dọna Ablaham dọmọ: ‘Jaale, ze visunnu towe dopo gee lọ bo yí i do sanvọ́ to osó de ji to Molia.’ Nawẹ Ablaham na duto whlepọn yise tọn ehe ji gbọn?
NUPINPLỌN 12
Jakọbu Mọ Ogú lọ Yí
Isaki po Lebeka po tindo visunnu ahoho awe he nọ yin Esau po Jakọbu po. Na Esau whẹ́whẹ́ wẹ yin jiji wutu, ewọ wẹ dona mọ ogú vonọtaun de yí. Naegbọn e do ze jlọjẹ enẹ dlan na ayàn agbán dopo poun wutu?
NUPINPLỌN 13
Jakọbu po Esau po Basi Jijọho
Nawẹ Jakọbu mọ dona de yí sọn angẹli de si gbọn? Podọ nawẹ e basi jijọho hẹ Esau gbọn?
NUPINPLỌN 15
Jehovah Ma Wọn Josẹfu Gbede
Dile etlẹ yindọ Josẹfu dẹn do whẹndo etọn, Jiwheyẹwhe dohia dọ emi tin po e po.
NUPINPLỌN 17
Mose De Nado Sẹ̀n Jehovah
Onọ̀ Mose tọn kàn ayiha wintinwintin nado whlẹn ẹn gán to whenue e gbẹ́ yin viyẹyẹ de.
NUPINPLỌN 19
Azọ̀nylankan Atọ̀n He Jẹnukọn Lẹ
Falo hẹn nugbajẹmẹji wá omẹ etọn lẹ ji, na e gbọn goyiyi dali gbẹ́ nado wà onú kleun de poun wutu.
NUPINPLỌN 20
Azọ̀nylankan Ṣidopo He Bọdego Lẹ
Nawẹ azọ̀nylankan ehelẹ gbọnvona atọ̀n he jẹnukọn lẹ gbọn?
NUPINPLỌN 22
Azọ́njiawu de to Ohù Vẹẹ Kọ̀n
Falo lùn azọ̀nylankan ao lẹ tọ́n, ṣigba be e gán sọn azọ́njiawu Jiwheyẹwhe tọn ehe mẹ ya?
NUPINPLỌN 23
Opà de Yin Dido Na Jehovah
Islaelivi lẹ dopà vonọtaun de na Jiwheyẹwhe to whenue yé whèsla do Osó Sinai kọ̀n.
NUPINPLỌN 24
Yé Ma Depà Yetọn
Whenue Mose to Gbedide Ao lẹ mọyi, Islaelivi lẹ waylando sinsinyẹn de.
NUPINPLỌN 26
Amẹ́ Wiawe Lẹ
Jọṣua po Kalẹbi po gbọnvona omẹ ao he hodo yé nado yì bẹ̀ aigba Kenani tọn pọ́n lẹ.
NUPINPLỌN 27
Yé Ṣiatẹ Sọta Jehovah
Kola, Datani, Abilami po sunnu 250 devo lẹ po gboawupo nado yọ́n onú titengbe de gando Jehovah go.
NUPINPLỌN 30
Lahabi Whlá Amẹ́ Lẹ
Adó Jẹliko tọn lẹ họ́jai. Amọ́, ohọ̀ Lahabi tọn gbọṣi ote mahopọnna dọ e yin gbigbá do adó lọ ji.
NUPINPLỌN 31
Jọṣua po Gibeọninu lẹ Po
Jọṣua hodẹ̀ hlan Jiwheyẹwhe dọmọ: “Owhè, nọte guun!” Be Jiwheyẹwhe na gblọndo ya?
NUPINPLỌN 32
Nukọntọ Yọyọ de po Yọnnu Adọgbotọ Awe Po
To okú Jọṣua tọn godo, Islaelivi lẹ jẹ boṣiọ lẹ sẹ̀n ji. Gbẹzan yetọn wá vẹawu, amọ́ alọgọ wá sọn Whẹdatọ Balak, yẹwhegán-yọnnu Debola, gọna Jaeli po opò tlọ́ntlọ́n gòhọ tọn etọn po dè!
NUPINPLỌN 33
Luti po Naomi Po
Yọnnu awe he asu kú do delẹ lẹkọyi Islaeli. Dopo to yé mẹ, he nọ yin Luti yì glemẹ nado wazọ́n bọ Boazi doayi e go.
NUPINPLỌN 34
Gideoni Gbawhàn Midianinu lẹ Tọn
To whenue Midianinu lẹ ko doyana yé godo, Islaelivi lẹ vẹ̀ Jehovah dọ ewọ ni gọalọna yé. Nawẹ awhànpa pẹvi Gideoni tọn gbawhàn awhànfuntọ 135 000 lẹ tọn gbọn?
NUPINPLỌN 35
Hanna Biọ Visunnu de to Odẹ̀ Mẹ
Ẹlkana nọ plan Hanna, Pẹnina po ovi etọn lẹ po yì Ṣilo nado basi sinsẹ̀n to gòhọtúntún mẹ. Hanna hodẹ̀ to finẹ nado biọ visunnu de. To owhe dopo godo, e ji Samuẹli!
NUPINPLỌN 36
Opà Jẹfta Tọn
Opà tẹwẹ Jẹfta do, podọ etẹwutu? Nawẹ viyọnnu Jẹfta tọn yinuwa gando opà he otọ́ etọn do go gbọn?
NUPINPLỌN 37
Jehovah Dọhona Samuẹli
Visunnu Yẹwhenọ Daho Eli tọn awe lẹ nọ wadevizọn taidi yẹwhenọ to gòhọtúntún mẹ, amọ́ yé ma nọ setonuna osẹ́n Jiwheyẹwhe tọn lẹ. Jọja Samuẹli gbọnvona yé, podọ Jehovah dọhona ẹn.
NUPINPLỌN 38
Jehovah Na Huhlọn Samsọni
Jiwheyẹwhe na huhlọn Samsọni na e nido hoavùn hẹ Filistinu lẹ, amọ́ Samsọni wá basi nudide he ma sọgbe de bọ Filistinu lẹ wle e.
NUPINPLỌN 39
Ahọlu Tintan Islaeli Tọn
Jiwheyẹwhe ko de whẹdatọ lẹ do Islaelivi lẹ ji nado deanana yé, amọ́ yé jlo na tindo ahọlu de. Samuẹli yiamisisadode Sauli taidi ahọlu tintan, amọ́ to nukọn mẹ Jehovah gbẹ́ Sauli dai. Etẹwutu?
NUPINPLỌN 40
Davidi po Goliati Po
Jehovah de Davidi taidi ahọlu Islaeli tọn he na bọdego, podọ nuyiwa Davidi tọn dohia dọ nudide dagbe de wẹ enẹ yin.
NUPINPLỌN 41
Davidi po Sauli Po
Naegbọn dopo to sunnu ehelẹ mẹ do gbẹwanna awetọ etọn, podọ nawẹ mẹhe yè gbẹwanna lọ yinuwa gbọn?
NUPINPLỌN 42
Jonatani Yin Adọgbotọ Podọ Nugbonọ
Visunnu ahọlu tọn wá lẹzun họntọn dagbe de na Davidi.
NUPINPLỌN 44
Tẹmpli de Yin Gbigbá Na Jehovah
Jiwheyẹwhe kẹalọyi obiọ Ahọlu Sọlomọni tọn bo na ẹn lẹblanulọkẹyi daho lẹ.
NUPINPLỌN 49
Ahọsi Ylankan de Yin Yasana
Jezebẹli blasé bo hù Naboti nado sọgan fìn vẹngle etọn yí! Jehovah ma nọma doayi kanyinylan etọn go.
NUPINPLỌN 50
Jehovah Yiavùnlọna Jehoṣafati
Ahọlu dagbe Jehoṣafati lẹhlan Jiwheyẹwhe to odẹ̀ mẹ to whenue akọta delẹ diọnukunsọ Juda.
NUPINPLỌN 51
Awhànfuntọ lọ po Viyọnnu Pẹvi lọ Po
Viyọnnu pẹvi Islaelivi de dọhona ogán etọn gando huhlọn daho Jehovah tọn go bọ ehe dekọtọn do azọ́njiawu de mẹ.
NUPINPLỌN 52
Awhànpa Miyọ́nnọ Jehovah Tọn
Lehe devizọnwatọ Eliṣa tọn wá mọdọ ‘mẹhe to adà mítọn mẹ lẹ sù hú mẹhe to adà yetọn mẹ lẹ’ do.
NUPINPLỌN 54
Jehovah Fahomẹ hẹ Jona
Naegbọn whèvi daho de wá ze dopo to yẹwhegán Jiwheyẹwhe tọn lẹ mẹ mì? Nawẹ e wagbọn do tọ́n sọn ohò whèvi lọ tọn mẹ? Podọ etẹwẹ Jehovah plọn ẹn?
NUPINPLỌN 55
Angẹli Jehovah Tọn Basi Hihọ́na Hẹzekia
Kẹntọ Juda tọn lẹ dọ dọ Jehovah ma na basi hihọ́na omẹ etọn lẹ, ṣigba lalo wẹ yé do!
NUPINPLỌN 56
Josia Yiwanna Osẹ́n Jiwheyẹwhe Tọn
Josia lẹzun ahọlu to whenue e tindo owhe ṣinatọ̀n, podọ e gọalọna omẹ etọn lẹ nado sẹ̀n Jehovah.
NUPINPLỌN 57
Jehovah Do Jelemia Hlan Nado Dọyẹwheho
Nuhe yẹwhegán jọja ehe dọ lẹ hẹn homẹgble mẹho Juda tọn lẹ taun.
NUPINPLỌN 58
Jelusalẹm Yin Vivasudo
Omẹ Juda tọn lẹ zindonukọn to yẹwhe lalo lẹ sinsẹ̀n mẹ, enẹwutu Jehovah jo yé do.
NUPINPLỌN 59
Jọja Ẹnẹ Delẹ He Setonuna Jehovah
Jọja Juda tọn delẹ magbe nado yin nugbonọ na Jehovah, etlẹ yin to họ̀nmẹ ahọlu tọn to Babilọni.
NUPINPLỌN 61
Yé Ma Dẹ́ Do Odò
Ṣadlaki, Meṣaki po Abẹdi-nẹgo po gbẹ́ nado sẹ̀n boṣiọ sika tọn ahọlu Babilọni tọn.
NUPINPLỌN 62
Ahọluduta He Taidi Atin Daho De
Odlọ Nẹbukadnẹzali tọn bẹ dọdai de hẹn gando sọgodo etọn titi go.
NUPINPLỌN 64
Daniẹli to Odò Kinnikinni lẹ Tọn Mẹ
Nọ hodẹ̀ hlan Jehovah egbesọegbesọ dile Daniẹli wà do!
NUPINPLỌN 66
Ẹzla Plọnmẹ Osẹ́n Jiwheyẹwhe Tọn
To whenue Islaelivi lẹ ko dotoaina Ẹzla godo, yé dopà vonọtaun de na Jiwheyẹwhe.
NUPINPLỌN 67
Adó Jelusalẹm Tọn Lẹ
Nẹhemia sè dọ kẹntọ etọn lẹ to ayiha kàn nado tọ́navùn yé. Naegbọn e ma do dibu?
NUPINPLỌN 68
Elizabẹti Ji Ovi De
Naegbọn e do yin didọna asu Elizabẹti tọn dọ e ma na penugo nado dọho kakajẹ whenue ovi lọ na yin jiji?
NUPINPLỌN 73
Johanu Jla Aliho lọ Do
Johanu lẹzun yẹwhegán to whenue e whẹ́n. E plọnmẹ dọ Mẹsia lọ ko ja. Nawẹ mẹlẹ yinuwa gbọn to whenue yé sè owẹ̀n etọn?
NUPINPLỌN 74
Jesu Lẹzun Mẹsia Lọ
Etẹ na dọ wẹ Johanu te to whenue e dọ dọ Jesu yin Lẹngbọvu Jiwheyẹwhe tọn?
NUPINPLỌN 75
Lẹgba Tẹ́n Jesu Pọ́n
Lẹgba tẹ́n Jesu pọ́n whla atọ̀n. Etẹwẹ yin whlepọn atọ̀n lọ lẹ? Nawẹ Jesu yinuwa gbọn?
NUPINPLỌN 76
Jesu Klọ́ Tẹmpli lọ Wé
Naegbọn Jesu do yàn kanlin lẹ tọ́n sọn tẹmpli lọ mẹ bo bli tafo akuẹdiọtọ lẹ tọn?
NUPINPLỌN 77
Yọnnu He to Dotọ̀ Tó Lọ
E paṣa yọnnu Samalianu de dọ Jesu dọho hẹ ẹ. Etẹwutu? Etẹwẹ Jesu dọna ẹn, ehe e ma ko dọna mẹdevo depope pọ́n?
NUPINPLỌN 78
Jesu Lá Owẹ̀n Ahọluduta lọ Tọn
Jesu basi oylọna delẹ to devi etọn lẹ mẹ nado lẹzun “whèhutọ gbẹtọ lẹ tọn.” To nukọn mẹ, e plọnazọ́n omẹ 70 to devi etọn lẹ mẹ nado dọyẹwheho wẹndagbe lọ tọn.
NUPINPLỌN 79
Jesu Wà Azọ́njiawu Susu
Fidepope he e yì, mẹhe to azọ̀njẹ lẹ nọ wá biọ alọgọ etọn bọ e nọ hẹnazọ̀ngbọna yé. E tlẹ fọ́n viyọnnu pẹvi de sọnku.
NUPINPLỌN 82
Jesu Plọn Dẹ̀hiho Devi Etọn Lẹ
Etẹlẹ wẹ e dọna devi etọn lẹ dọ yé ni nọ to bibiọ zọnmii?
NUPINPLỌN 83
Jesu Na Núdùdù Gbẹtọ Fọtọ́n Lẹ
Etẹwẹ azọ́njiawu ehe dohia mí gando Jesu po Jehovah po go?
NUPINPLỌN 84
Jesu Zinzọnlin Gbọn Osin Ji
Be a gán yí nukun homẹ tọn do pọ́n numọtolanmẹ he apọsteli lẹ na ko tindo to whenue yé mọ azọ́njiawu ehe ya?
NUPINPLỌN 86
Jesu Fọ́n Lazalọsi Sọnku
Whenue Jesu mọdọ Malia to avivi, ewọ lọsu bẹ avi. Amọ́, avi yetọn wá diọ zun ayajẹ.
NUPINPLỌN 87
Tenu-Núdùdù Godo Tọn Jesu Tọn
Jesu na anademẹ tangan delẹ apọsteli etọn lẹ to núdùdù godo tọn he e dù hẹ yé whenu.
NUPINPLỌN 88
Jesu Yin Wiwle
Juda Iskaliọti plan gbẹtọgun daho de wá bọ yé hẹn ohí po aglọpò lẹ po nado wle Jesu.
NUPINPLỌN 89
Pita Mọ́n Jesu
Etẹwẹ jọ to awánu Kaifa tọn mẹ? Podọ etẹwẹ jọ do Jesu go to owhé lọ gbè?
NUPINPLỌN 94
Devi lẹ Mọ Gbigbọ Wiwe Yí
Huhlọn tẹwẹ yé mọyi to azọ́njiawu-liho gbọn gbigbọ wiwe dali?
NUPINPLỌN 95
Nudepope Ma Gán Hẹnalọdotena Yé
Nukọntọ sinsẹ̀n tọn dopolọ he hù Jesu lẹ tẹnpọn todin nado bọnùdo na devi etọn lẹ. Amọ́, e ma gán pà yé.
NUPINPLỌN 96
Jesu De Saulu
Saulu yin kẹntọ Klistiani lẹ tọn de he nọ wadanu do yé go, ṣigba e na diọ to madẹnmẹ.
NUPINPLỌN 97
Kọneliọsi Mọ Gbigbọ Wiwe Yí
Naegbọn Jiwheyẹwhe do dó Pita hlan owhé dawe he ma yin Ju ehe tọn gbè?
NUPINPLỌN 98
Sinsẹ̀n Klistiani Tọn Gbayipe
Apọsteli Paulu po mẹdehlan hagbẹ etọn lẹ po bẹ azọ́n yẹwhehodidọ tọn jẹeji to aigba he dẹn lẹ ji.
NUPINPLỌN 99
Gàntọ-Ṣọ́tọ de Mọ Nugbo
Etẹwẹ otàn ehe bẹhẹn gando aovi, aigba sisọsisọ po ohí de po go?
NUPINPLỌN 100
Paulu po Timoti Po
Dawe awe lọ lẹ wazọ́n dopọ taidi họntọn podọ taidi azọ́nwatọgbẹ́ na owhe susu.
NUPINPLỌN 101
Paulu Yin Didohlan Lomu
Gbejizọnlin lọ bẹ owù susu hẹn, amọ́ nuhahun depope ma gán do apọsteli ehe te.
NUPINPLỌN 103
“Na Ahọluduta Towe Ni Wá”
Osọhia he Johanu mọ do lehe Ahọluduta Jiwheyẹwhe tọn na diọ ogbẹ̀ mítọn to aigba ji do hia.