Մարգարէութիւնները կը փաստե՞ն որ Յիսուս Մեսիան էր
Աստուածաշունչին պատասխանը
Այո՛։ Երբ Յիսուս երկրի վրայ էր, անոր վրայ կատարուեցան շատ մը մարգարէութիւններ «օծեալ իշխանին», այսինքն՝ Մեսիային մասին, որ «աշխարհի Փրկիչը» պիտի ըլլար (Դանիէլ 9։25. Ա. Յովհաննէս 4։14)։ Եւ նոյնիսկ Յիսուսի մահէն ետք, իր վրայ կատարուեցան ուրիշ մարգարէութիւններ ալ, որոնք կապ ունէին իր դերին հետ՝ որպէս Մեսիա (Սաղմոս 110։1. Գործք 2։34-36)։
Ի՞նչ կը նշանակէ «Մեսիա»
Եբրայերէն Մա·շիախ (Մեսիա) եւ անոր համապատասխան յունարէն բառը՝ Խրի·սթոս (Քրիստոս) կը նշանակեն «Օծեալ»։ Ուրեմն, «Յիսուս Քրիստոս» կը նշանակէ «Յիսուս Օծեալը» կամ «Յիսուս Մեսիան»։
Աստուածաշունչի օրերուն, երբ մէկու մը յատուկ իշխանութիւն պիտի տրուէր, անիկա կ’օծուէր՝ իր գլխուն վրայ իւղ թափուելով (Ղեւտացւոց 8։12. Ա. Թագաւորաց 16։13)։ Յիսուս Աստուծոյ կողմէ օծուեցաւ որ Մեսիան ըլլայ. այսինքն՝ անոր մեծ իշխանութիւն տրուեցաւ (Գործք 2։36)։ Բայց փոխանակ Յիսուսը իւղով օծելու, Աստուած զինք օծեց սուրբ հոգիով (Մատթէոս 3։16)։
Կրնա՞յ ըլլալ որ Մեսիային վերաբերող մարգարէութիւնները կատարուին մէկէ աւելի անհատներու վրայ
Ո՛չ։ Ինչպէս որ ամէն մէկ անհատ անձնական մատնադրոշմ ունի, նոյնպէս Աստուածաշունչի մարգարէութիւնները միայն մէկ Մեսիայի կամ Քրիստոսի մասին կը խօսին։ Բայց Աստուածաշունչը կը զգուշացնէ որ «սուտ Քրիստոսներ ու սուտ մարգարէներ պիտի ելլեն ու մեծ նշաններ ու հրաշքներ պիտի ցուցնեն, որ եթէ կարելի ըլլայ՝ ընտրեալներն ալ մոլորեցնեն» (Մատթէոս 24։24)։
Կրնա՞յ ըլլալ որ Մեսիան ապագային պիտի յայտնուի
Ո՛չ։ Աստուածաշունչը մարգարէացաւ որ Մեսիան Իսրայէլի Դաւիթ թագաւորէն պիտի գար (Սաղմոս 89։3, 4)։ Բայց այնպէս կ’երեւի որ երբ Ք.Ե. 70–ին հռոմայեցիները Երուսաղէմը գրաւեցին, հրեաներուն ազգատոհմերուն արձանագրութիւնները,– որոնց մէջ կարելի էր գտնել Դաւիթ թագաւորին սերունդը,– կորսուեցան a։ Անկէ ի վեր, մէ՛կը չէ կրցած փաստել որ ինք Դաւիթի թագաւորական ընտանիքին կը պատկանի։ Եւ քանի՛ որ այս արձանագրութիւնները գոյութիւն ունէին Յիսուսին օրերուն, նոյնիսկ անոր թշնամիները չկրցան ուրանալ այն իրողութիւնը որ ան Դաւիթ թագաւորի սերունդէն էր (Մատթէոս 22։41-46)։
Աստուածաշունչին մէջ, քանի՞ մարգարէութիւններ կան Մեսիային մասին
Չենք կրնար գիտնալ որ Աստուածաշունչին մէջ ճիշդ քանի մարգարէութիւններ կան Մեսիային մասին, քանի որ մարգարէութիւնները կարելի է տարբեր կերպերով հաշուել. նոյնիսկ ատոնք՝ որոնք յստակ կերպով Մեսիային մասին կը խօսին։ Օրինակ, ոմանք Եսայի 53։2-7–ին մանրամասն մարգարէութիւնները մէկ մարգարէութիւն կը սեպեն, իսկ ուրիշներ ամէն մէկ տեղեկութիւնը զատ մարգարէութիւն կը սեպեն։
Մեսիային մասին կարգ մը մարգարէութիւններ, որոնք կատարուեցան Յիսուսին վրայ
Մարգարէութիւն |
Գրուած է |
Կատարում |
---|---|---|
Աբրահամէն պիտի գար |
||
Աբրահամի որդիէն՝ Իսահակէն՝ պիտի գար |
||
Պիտի ծնէր Իսրայէլի Յուդայի ցեղին մէջ |
||
Դաւիթի թագաւորական սերունդէն պիտի գար |
||
Կոյսէ պիտի ծնէր |
||
Բեթլեհէմի մէջ պիտի ծնէր |
||
Էմմանուէլ պիտի կոչուէր b |
||
Աղքատ միջավայրի մէջ պիտի ծնէր ու մեծնար |
||
Իր ծնելէն ետք մանուկներ կը սպաննուին |
||
Եգիպտոսէն պիտի կանչուէր |
||
Նազովրեցի պիտի կոչուէր c |
||
Իրմէ առաջ պիտի գար դեսպան մը |
||
Որպէս Մեսիա պիտի օծուէր Ք.Ե. 29–ին d |
||
Աստուած կը յայտնէ որ ան իր Որդին է |
||
Աստուծոյ տան հանդէպ նախանձախնդիր պիտի ըլլար |
||
Աւետիս, այսինքն՝ բարի լուր պիտի ծանուցանէր |
||
Գալիլիայի մէջ պիտի քարոզէր |
||
Մովսէսին պէս հրաշքներ պիտի ընէր |
||
Մովսէսին պէս, ան Աստուծոյ միտքերը պիտի յայտնէր |
||
Շատերու հիւանդութիւնները պիտի բժշկէր |
||
Իր վրայ ուշադրութիւն պիտի չհրաւիրէր |
||
Տառապող անհատներուն պիտի կարեկցէր |
||
Աստուծոյ արդարութիւնը պիտի յայտնէր |
||
Սքանչելի խորհրդակից |
||
Եհովային անունը պիտի յայտարարէր |
||
Առակներով պիտի խօսէր |
||
Շատեր իրեն պիտի չհաւատային |
||
Գայթակղութեան քար պիտի ըլլար |
||
Մարդոց կողմէ պիտի մերժուէր |
||
Առանց պատճառի պիտի ատուէր |
||
Իշու վրայ հեծած՝ յաղթական պիտի մտնէր Երուսաղէմ |
||
Մանուկներու կողմէ պիտի գովաբանուէր |
||
Եհովային անունով պիտի գար |
||
Վստահելի բարեկամի կողմէ պիտի մատնուէր |
||
Երեսուն կտոր արծաթի համար պիտի մատնուէր e |
||
Իր ընկերները զինք պիտի լքէին |
||
Սուտ վկաներ անոր դէմ պիտի վկայէին |
||
Զինք մեղադրողներուն առջեւ լուռ պիտի մնար |
||
Անոր վրայ պիտի թքնէին |
||
Անոր գլխուն պիտի զարնէին |
||
Պիտի ծեծուէր |
||
Իրեն ապտակողներուն դէմ պիտի չելլէր |
||
Կառավարիչներ իր դէմ պիտի միաբանէին |
||
Անոր ձեռքերն ու ոտքերը ցիցի վրայ պիտի գամուէր |
||
Անոր հագուստներուն վրայ վիճակ պիտի ձգուէր |
||
Մեղաւորներուն հետ պիտի դասուէր |
||
Զինք պիտի ծաղրէին եւ անարգէին |
||
Մեղաւորներուն համար պիտի չարչարուէր |
||
Պիտի թուէր որ Աստուած զինք լքած էր |
||
Իրեն քացախ եւ լեղի պիտի տրուէր որ խմէ |
||
Մեռնելէ առաջ պիտի ծառաւէր |
||
Իր հոգին Աստուծոյ պիտի յանձնէր |
||
Իր կեանքը պիտի զոհէր |
||
Մեղքը վերցնելու համար, փրկանք պիտի տար |
||
Անոր ոսկորները պիտի չկոտրուէին |
||
Պիտի խոցուէր |
||
Հարուստներու հետ պիտի թաղուէր |
||
Մեռելներէն յարութիւն պիտի առնէր |
||
Զինք մատնողը ուրիշով պիտի փոխարինուէր |
||
Աստուծոյ աջ կողմը պիտի նստէր |
a Համայնագիտարան մը կ’ըսէ. «Կասկած չկայ որ հրէական ցեղերու եւ ընտանիքներու արձանագրութիւնները բնաջնջուեցան Ք.Ե. 70–ին՝ Երուսաղէմի կործանման ժամանակ, եւ ոչ թէ ատկէ առաջ» (McClintock and Strong’s Cyclopedia)։
b Եբրայերէն Էմմանուէլ անունը, որ կը նշանակէ «Աստուած մեզի հետ», շատ աղուոր կերպով կը նկարագրէ Յիսուսին դերը որպէս Մեսիա։ Երկրի վրայ անոր ներկայութիւնը եւ անոր ըրած գործերը փաստեցին որ Աստուած իր երկրպագուներուն հետ է (Ղուկաս 2։27-32. 7։12-16)։
c Այնպէս կ’երեւի որ «Նազովրեցի» բառը կու գայ եբրայերէն նէթսէր բառէն, որ կը նշանակէ «ընձիւղ», «ծիլ»։
d Այս մարգարէութեան մասին աւելին գիտնալու համար, կարդա՛ «Դանիէլի մարգարէութիւնը ինչպէ՛ս կը նախագուշակէ Մեսիային գալուստը» յօդուածը։
e Այս մարգարէութիւնը կը գտնուի Զաքարիայի գրքին մէջ, բայց Մատթէոս Աւետարանը գրողը կ’ըսէ որ «Երեմիա մարգարէին միջոցով ըսուած խօսք» էր (Մատթէոս 27։9)։ Այնպէս կ’երեւի որ Երեմիա գիրքը երբեմն Աստուածաշունչի «Մարգարէներ» հատուածին առաջին գիրքն էր (Ղուկաս 24։44)։ «Երեմիա» անունը գործածելով, ըստ երեւոյթին Մատթէոս նկատի ունէր այդ գիրքերուն ընդհանուր հաւաքածոն, որուն մէջ կար նաեւ Զաքարիայի գիրքը։