Kena 14 Ogos 2021, tanah berenyang enggau pemalat magnitud 7.2 mangka barat daya Haiti. Udah nya bisi beberapa iti tanah berenyang ke kurang balat nyadi ba endur ti sama. Ni pemalat pengerusak ke nyadi bedau agi ditemu.

• Sayau amat, 2 iku menyadi indu enggau seiku menyadi lelaki udah nadai

• 21 iku menyadi bakal

• 119 buah rumah rusak

• 72 buah rumah abis rusak

• 5 buah Palan Gempuru mimit rusak

• 4 buah Palan Gempuru balat rusak

• Komiti Tulung Pengerusak Alam (DRC) ngatur pengawa meri bantu. DRC bekerejasama enggau 2 iku tuai ti ngabas enggau tuai gempuru ba endur ti begunaka bantu kena nulung sereta merindang bala menyadi

• DRC ngatur lalu nyediaka utai ke diguna baka pua, gari, pemakai, ubat, kimis enggau ai irup. Sida mega nentuka bala menyadi ke bakal bulih tulung doktor.

• Semua bala menyadi ke enggau pengawa meri bantu ngasika iring kena nyeliahka COVID-19

Taja pan penusah tu nyadi, mayuh eklisia ke kena penusah agi enggau pengawa begempuru nengah konferen video ba Hari Minggu, 15 Ogos. Bala menyadi kitai ulih meda program sesi pagi ba Hari Minggu konvensyen “Kering Ketegal Pengarap!”

Kitai tusah ati lenyau tiga iku menyadi Kristian kitai. Kitai besampika bala menyadi kitai ke lenyau orang ke dikesayau, sida ke bakal sereta sida ke tusah ati ketegal tanah berenyang. Kitai andal, Jehovah meda penusah sida sereta ngelindung lalu ngeringka sida ke napi penusah tu.—Masmur 46:1, 2.