“Ipakaammo ti Naimbag a Damag!”
2024 Kombension Dagiti Saksi ni Jehova
Libre ti umay • Awan maaramid a panagkolekta
Tampok ti Programa
Biernes: Usigem dagiti ebidensia nga umiso ti naimbag a damag maipapan ken Jesus a nairekord kadagiti Ebanghelio. Ammuem no kasano a makatulong kadatayo ita dagitoy a salaysay iti Biblia.
Sabado: Ania dagiti padto maipapan iti pannakayanak ken panagubing ni Jesus, ken talaga kadi a natungpal dagita?
Domingo: Iti naibatay iti Biblia a palawag a “No Apay a Saantayo a Kabuteng Dagiti Dakes a Damag,” ammuem dagiti rason no apay a minilion ita ti natalged latta ti riknana uray no kumarkaro dagiti kasasaad iti lubong.
Tampok a Drama
Ti Naimbag a Damag Sigun ken Jesus: Episode 1
Ti Pudno a Silaw iti Lubong
Ti milagro a pannakayanak ni Jesus ket maysa laeng kadagiti adu a pasamak bayat ti kinaubingna. Kayat idi a papatayen ti dakes nga ari ngem impan dagiti nagannakna idiay Egipto. Idi dumakdakkelen, nagsiddaaw kenkuana ti dadduma kadagiti kalaingan a mannursuro iti daydi a tiempo. Buyaem dagitoy ken ti dadduma pay nga eksena iti dua ti pasetna a drama a mabuya iti Biernes ken Sabado.
Buyaem dagitoy a video maipapan iti kombension ita a tawen
Ania ti Maar-aramid Kadagiti Kombensionmi?
Ammuem no ania ti masaksiam iti kombension dagiti Saksi ni Jehova.
2024 Kombension Dagiti Saksi ni Jehova: “Ipakaammo ti Naimbag a Damag!”
Ammuem no ania ti masursurotayo iti kombension ita a tawen.
Trailer ti Tampok a Drama: Ti Naimbag a Damag Sigun ken Jesus
Adu ti makaammo iti milagro a pannakayanak ni Jesus. Ngem ania dagiti napasamak sakbay ken kalpasan dayta?