ფსალმუნები 68:1—35
გუნდის ხელმძღვანელს. დავითის ფსალმუნი. საგალობელი.
68 აღდგეს ღმერთი, მიმოიფანტონ მისი მტრებიდა გაიქცნენ მისი მოძულენი.+
2 კვამლივით გაფანტე ისინი;როგორც ცვილს ადნობს ცეცხლი,დაე ისე მოეღოთ ბოლო ბოროტებს ღვთის წინაშე!+
3 მართლებმა კი გაიხარონ,+ღვთის წინაშე იმხიარულონდა სიხარულით იყიჟინონ!
4 უმღერეთ ღმერთს, ხოტბა შეასხით მის სახელს.+
უმღერეთ მას, ვინც უდაბნოს სერავს*,
მას, ვისაც იაჰი* ჰქვია!+ იმხიარულეთ მის წინაშე!
5 ობლის მამა და ქვრივის ქომაგია+თავის წმინდა სამყოფელში მყოფი ღმერთი.+
6 მიუსაფარს თავშესაფარს გამოუჩენს ღმერთი,+პატიმრებს გაათავისუფლებს და არაფერს მოაკლებს,+
ურჩებს კი ხრიოკზე მოუწევთ ცხოვრება.+
7 როცა შენს ხალხს მიუძღოდი, ღმერთო,+როცა უდაბნოში მიდიოდი, (სელა)
8 მიწა იძვროდა,+ციდან წვიმა მოდიოდა ღვთის წინაშე;სინაი ზანზარებდა ღვთის, ისრაელის ღვთის გამო.+
9 შენ კოკისპირულად აწვიმე, ღმერთო;გამოაცოცხლე ქანცგაწყვეტილი შენი ხალხი.
10 შენს ბანაკში მკვიდრობდნენ ისინი;+შენი სიკეთით* არაფერს აკლებდი საწყლებს, ღმერთო.
11 იეჰოვა გასცემს ბრძანებას;ქალთა დიდი ლაშქარი აცხადებს სასიხარულო ცნობას.+
12 გარბიან, გარბიან მეფეები თავიანთ ლაშქართან ერთად!+
სახლში დარჩენილი ქალი ნადავლიდან იღებს წილს.+
13 ბანაკში დანთებულ კოცონებს შორის მოგიწიათ წოლა*,მაგრამ ხელთ იგდებთ მტრედს მოვერცხლილი ფრთებითადა ხალასი ოქროს ბუმბულით.
14 როცა მიმოფანტა ყოვლისშემძლემ მეფეები,+მაშინ გათოვდა ცალმონში*.
15 ბაშანის+ მთა ღვთის მთაა;მწვერვალები ამშვენებს ბაშანის მთას.
16 მთის მწვერვალებო, რატომ უმზერთ შურითმთას, რომელზეც ღმერთმა ისურვა დავანება?+
იქ დამკვიდრდება იეჰოვა მარადიულად.+
17 ღმერთს ათასობით, ათობით ათასი, საომარი ეტლი ჰყავს.+
წმინდა ადგილზე მოვიდა იეჰოვა სინაიდან.+
18 მაღლა ახვედი+ და ტყვეები წაასხი,წაიყვანე ძღვენი ადამიანთა სახით,+ჯიუტებიც კი,+ რათა დამკვიდრდე მათ შორის, იაჰ*, ღმერთო.
19 დიდება იეჰოვას, რომელიც ყოველდღიურად ატარებს ჩვენს ტვირთს,+ჩვენი მხსნელი ღმერთია ის. (სელა)
20 ჩვენი ღმერთი მხსნელი ღმერთია;+უზენაესი უფალი იეჰოვაა კაცთა მხსნელი სიკვდილისგან.+
21 ღმერთი თავს გაუჭეჭყავს თავის მტრებს,
თმიან თხემს გაუჩეჩქვავს ავისმქნელთ.+
22 იეჰოვამ თქვა: „უკან ჩამოვიყვან მათ ბაშანიდან,+ამოვიყვან ზღვის სიღრმიდან,
23 რათა მტრების სისხლში ჩადგა ფეხი+და შენმა ძაღლებმა ალოკონ მათი სისხლი“.
24 ისინი უყურებენ შენს საზეიმო სვლას, ღმერთო,ჩემი ღვთის, ჩემი მეფის, სვლას წმინდა ადგილისკენ.+
25 წინ მგალობლები მიდიან,უკან — სიმებიან საკრავებზე დამკვრელები,+
შუაში კი — მედაირე ყმაწვილქალები.+
26 დიდ კრებულში ადიდეთ ღმერთი;განადიდეთ იეჰოვა, თქვენ, ვინც სიცოცხლეს ისრაელის წარმომქმნელს უმადლით.+
27 ნაბოლარა ბენიამინი+ იმორჩილებს მათ,იუდას მთავრებიც — თავიანთი მოყიჟინე ხალხით,
ზებულონის მთავრებიცა და ნაფთალის მთავრებიც.
28 შენმა ღმერთმა ბრძანა, რომ ძალა მოგცემოდა.
წარმოაჩინე შენი ძალა, ღმერთო, ჩვენ სასიკეთოდ მოქმედო.+
29 შენი ტაძრისთვის იერუსალიმში+მეფეები ძღვენს მოგართმევენ.+
30 გაკიცხე ლერწმიანის მხეცები,ხარების ჯოგი+ მათ ხბოებთან ერთად,სანამ ხალხები შენ წინაშე არ დაემხობიან და ვერცხლს არ მოგიტანენ ძღვნად.
იგი ფანტავს ომის მოყვარულ ხალხებს.
31 ეგვიპტიდან ჩამოიტანენ ბრინჯაოს ნივთებს*;+ქუში საჩქაროდ მიუტანს ძღვენს ღმერთს.
32 დედამიწის სამეფოებო, უმღერეთ ღმერთს!+
უგალობეთ იეჰოვას, (სელა)
33 მას, ვინც სერავს საუკუნო ზეცათა ზეცას!+
აი, ის დაიჭექებს თავისი მგრგვინავი ხმით.
34 აღიარეთ ღვთის ძლიერება;+
მთელ ისრაელზე მეფობს იგიდა მისი ძლიერება ზეციდან ასხივებს.
35 შიშის მომგვრელია ღმერთი თავის დიდებულ სამყოფელში.+
ისრაელის ღმერთია იგი,ვინც ძალასა და ძლევამოსილებას აძლევს ხალხს.+
დიდება ღმერთს!
სქოლიოები
^ ან შესაძლოა: „ღრუბლებზეა ამხედრებული“.
^ ღვთის სახელის, იეჰოვას, შემოკლებული ფორმა.
^ იხ. „სიკარგე“ („ბიბლიურ სიტყვათა განმარტებანი“).
^ ან შესაძლოა: „ცხვრის სადგომებს შორის იწექით“.
^ ან შესაძლოა: „ისე მიმოფანტა ყოვლისშემძლემ მეფეები, თითქოს გათოვდაო ცალმონში“.
^ ღვთის სახელის, იეჰოვას, შემოკლებული ფორმა.
^ ან შესაძლოა: „ეგვიპტიდან ჩამოვლენ დესპანები“.
