JW ბიბლიოთეკა თავსებადია…

• ანდროიდის ოპერაციულ სისტემაზე მომუშავე მოწყობილობებთან, რომლებშიც ჩაწერილია სისტემის 7.0 ან უფრო ახალი ვერსია.

• iOS-ის ოპერაციულ სისტემაზე მომუშავე მოწყობილობებთან, რომლებშიც ჩაწერილია სისტემის 15.0 ან უფრო ახალი ვერსია.

• macOS-ის ოპერაციულ სისტემაზე მომუშავე მოწყობილობებთან M1 ან უფრო ახალი ჩიპით.

• Windows-ის ოპერაციულ სისტემაზე მომუშავე მოწყობილობებთან, რომლებშიც ჩაწერილია Windows 10-ის 1903 ან უფრო ახალი ვერსია.

JW ბიბლიოთეკამ გამართულად რომ იმუშაოს, დროდადრო, ჩვენ შეიძლება მოგვიწიოს მინიმალური მოთხოვნების გაზრდა. ამიტომ, კარგი იქნება, თუ ყოველთვის განაახლებთ თქვენი მოწყობილობის ოპერაციულ სისტემას. თუ შეუძლებელია მოწყობილობის განახლება, თქვენ მაინც შეძლებთ გარკვეული პერიოდის მანძილზე ამ აპლიკაციით სარგებლობას, თუმცა ვეღარ ისარგებლებთ უახლესი ფუნქციებით.

პერიოდულად დაემატება ახალი ენები. იმისთვის, რომ ნახოთ ხელმისაწვდომი ენების სია, გახსენით ენები.

„ახალი ქვეყნიერების თარგმანის“ შესავალში „ძირითადი ბიბლიური საკითხები“ (ქართულ ენაზე გამოცემულია ბროშურის სახით) მე-19 კითხვაში ბიბლიის წიგნები 8 ჯგუფადაა დაყოფილი; სწორედ ამიტომაა სანავიგაციო ეკრანზე ბიბლიის წიგნები განსხვავებული ფერებით მოცემული.

მომავალში JW ბიბლიოთეკის ძირითადი ფუნქციები სხვადასხვა ოპერაციულ სისტემაზე მომუშავე ყველა მოწყობილობაში ერთნაირი იქნება. თუმცა ყოველი ოპერაციული სისტემისთვის განახლებული აპლიკაცია დამატებითი ფუნქციებით შეიძლება სხვადასხვა დროს გამოვიდეს.

დიახ. თქვენ შეგიძლიათ შეინახოთ თქვენი შენიშვნები, ტეგები, მონიშნული ტექსტები, რჩეულები და სანიშნები მარქაფ ფაილში. შემდეგ ამ ფაილის აღდგენა შეგიძლიათ იგივე ან სხვა მოწყობილობაში.

არა. ამჟამად თქვენი შენიშვნების, ტეგების, მონიშნული ტექსტების, რჩეულებისა და სანიშნების სინქრონიზაცია სხვა მოწყობილობაში შეუძლებელია.

პრობლემა: განახლების დაყენების შემდეგ შეიძლება გამოგიჩნდეთ შეტყობინება, რომ თქვენი შენიშვნები და მონიშვნები დაიკარგა.

გამოსავალი: აპლიკაციის შემდგომი განახლების დაყენების შემდეგ ეს პრობლემა გადაიჭრება. დააყენეთ განახლება და მიჰყევით მითითებებს, რომლებიც დაგეხმარებათ, აღადგინოთ თქვენი შენიშვნები და მონიშვნები.

თუ JW ბიბლიოთეკაში ვერ ტვირთავთ აუდიო ან ვიდეოფაილებს, მიჰყევით ქვემოთ მოცემულ ინსტრუქციას:

1. გახსენით კომპიუტერში File Explorer, დააწკაპუნეთ ღილაკს View, შემდეგ — Navigation pane-ს და მონიშნეთ Show libraries.

2. მარცხენა მხარეს, ფოლდერების ჩამონათვალში ჩამოშალეთ Libraries.

3. ჩვეულებრივ, უნდა გამოჩნდეს ფოლდერები Music და Videos. თუ არ გამოჩნდა, ამ შემთხვევაში ფოლდერთან Libraries დააჭირეთ მაუსის მარჯვენა ღილაკს და აირჩიეთ Restore default libraries.

4. ფოლდერთან Videos დააჭირეთ მაუსის მარჯვენა ღილაკს, აირჩიეთ Properties და ნახეთ, რა არის მითითებული Library locations-ის ქვეშ. ამის შემდეგ დააწკაპუნეთ ღილაკს Restore Defaults.

5. ფოლდერთან Music დააჭირეთ მაუსის მარჯვენა ღილაკს, აირჩიეთ Properties და ნახეთ, რა არის მითითებული Library locations-ის ქვეშ. ამის შემდეგ დააწკაპუნეთ ღილაკს Restore Defaults.

ბოლოს JW ბიბლიოთეკის პარამეტრებშიც შეამოწმეთ, სწორად გაქვთ თუ არა ფოლდერები არჩეული:

1. გახსენით JW ბიბლიოთეკა და დააწკაპუნეთ პარამეტრების ღილაკს.

2. შეამოწმეთ, ემთხვევა თუ არა File Explorer-ში მითითებული ფოლდერები აქ მითითებულ ინფორმაციას: Download audio programs to-ს ქვეშ მითითებული უნდა იყოს ფოლდერი Music, ხოლო Download videos to-ს ქვეშ — Videos.

თუ მაინც ვერ ტვირთავთ აუდიო ან ვიდეოფაილებს, შეამოწმეთ, გაქვთ თუ არა ნებართვა ფაილების შესანახად ფოლდერებში Music და Videos. ამისთვის თითოეულ ფოლდერში თავად შექმენით ახალი ფოლდერი. მეტი ინფორმაციის მისაღებად ეწვიეთ Microsoft support-ს ან სთხოვეთ დახმარება მეგობარს, რომელიც კომპიუტერში კარგად ერკვევა.

შესაძლოა დახმარება გაგიწიოთ რომელიმე მეგობარმა, რომელიც კარგად ერკვევა JW ბიბლიოთეკის ფუნქციებში. თუ ასეთი ვერავინ იპოვეთ, მაშინ გთხოვთ, დაუკავშირდეთ ჩვენს უახლოეს ფილიალს.