Ilaq a wen-d-ḍelbeɣ a yi-d-tɛezlem ass ideg ara d-aseɣ ad ẓreɣ Bitil? Ih. Iwakken ur neţɛeddi ara i leḥsab n lɣaci is i nezmer a nesteṛḥeb, yerna mkul yiwen ad yesfaydi akken ilaq si tmeẓriwt-agi, wid meṛṛa yebɣan a d-asen ilaq a ɣ-d-ḍelben uqbel a sen-d-neɛzel ass ideg i zemren a d-asen, annect tebɣu tili terbaɛt-nsen. Ḍleb-aɣ-d, di leɛnaya-k, a k-d-neɛzel ass ideg ara d-taseḍ smana neɣ kteṛ uqbel ass ideg i tebɣiḍ a d-taseḍ. Ma tebɣiḍ a d-taseḍ ass n lficṭa, neɣ di lawan ideg ara d-awin warrac ţţesriḥ di llakul, ilaq a ɣ-d-tɛeggneḍ aṭas n wussan uqbel.

Tzemreḍ a d-taseḍ mebla ma tɛeggneḍ-aɣ-d uqbel? M’ur d-teḍlibeḍ ara a k-d-neɛzel ass ideg ara d-taseḍ, ahat ur nzemmer ara a nesteṛḥeb yis-ek. Ur ilaq ara a nɛeddi i leḥsab n imeɛraḍen is i nezmer a nesteṛḥeb i wass.

Ɣef wacḥal ssaɛa i tzemreḍ a d-tawḍeḍ? Iwakken a nizmir a nebdu timeẓriwt di lawan, tzemreḍ a d-tawḍeḍ ɛecṛa ddqayeq neɣ kteṛ uqbel a nebdu.

Amek ara wen-d-ɛeggneɣ belli a n-aseɣ? Tekki ɣef umarraz “Ɛzel-ed ass d ssaɛa ideg ara d-taseḍ.”

Tzemreḍ aţ-ţbeddleḍ neɣ aţ-ţbeṭleḍ ass ideg ara d-taseḍ? Ih. Tekki ɣef umarraz “Ẓer neɣ beddel ass ideg ara d-taseḍ.”

Acu ara txedmeḍ m’ur nezmir ara a nesteṛḥeb yis-ek deg wass i textaṛeḍ a d-taseḍ? Ţmuqul asmel-nneɣ. Yezmer a d-yeɣli wemkan ma ibeddel neɣ yebṭel walbeɛḍ ass i d-yeɛzel.

Tzemreḍ a d-tawiḍ lḥiwan ɣer Bitil? Xaṭi. Ur ilaq ara a d-tawiḍ lḥiwan ɣer Bitil. Lameɛna, win yellan d aderɣal yerna d aqjun i gessexdam bac a t-iwelleh, yezmer a t-id-yawi.

Avenida Cundinamarca, Km. 1

Vía a Ecopetrol

FACATATIVÁ, CUND 253051

COLOMBIA

+57 601 891 1530

+57 601 594 8000