Qqaren-d: Ur teţɛeggidem ara Tafaska axaṭer ur tellim ara d imasiḥiyen.

 Di tin n ṣṣeḥ: Neţţamen belli Ɛisa d Amsellek-nneɣ, yerna nxeddem lmeǧhudat imeqranen iwakken “[a neddu] di lǧeṛṛa-s.”—1 Buṭrus 2:21; Luqa 2:11.

 Qqaren-d: Ur teţţamnem ara belli Ɛisa yeḥya-d si lmut.

 Di tin n ṣṣeḥ: Neţţamen s ḥeggu n Ɛisa. Ar ɣur-neɣ, ayagi d lsas n liman amasiḥi. Daɣneţţa, ula m’ara neţberriḥ lexbaṛ n lxiṛ, neţmeslay ɣef wazal i gesɛa wannect-a.—1 Ikurintiyen 15:3, 4, 12-15.

 Qqaren-d: Teţḥeṛṛimem arraw-nwen si lewqat n lfeṛḥ i geţţilin di Tfaska, yerna ur wen-d-tewqiɛ ara lmeɛna deg wannect-a.

 Di tin n ṣṣeḥ: Nḥemmel arraw-nneɣ. Nxeddem ayen akk umi i nezmer bac a sen-nefk ţṛebga yelhan. Yerna nebɣa s ṣṣeḥ ad ilin d iseɛdiyen.—Titus 2:4.

•   Lɛid n Tfaska ur d-tekki ara seg Wedlis Iqedsen.

•   Ɛisa yeḍleb a d-ţmektayen lmut-is, mačči ḥeggu-ines. D ayen i nxeddem yal aseggas, m’ara d-yaweḍ wass n wesmekti n lmut-is. Nxeddem-it ɛlaḥsab n uwitay i ssexdamen di zzman n Wedlis Iqedsen, ireṣṣan ɣef leḥsab n wussan ideg i d-iţban waggur deg igenni.—Luqa 22:19, 20.

•   Neţţamen belli Ṛebbi ur iqebbel ara lɛid n Tfaska, axaṭer leɛwayed-is kkant-ed si leɛwayed tiqdimin icudden ɣer tarrawt. Ṛebbi yebɣa a ‘neţţaṭṭaf ala deg-s.’ Ihi, ma nessekcem leɛwayed ur s-neɛǧib ara ɣer leɛbada-ines, ayagi a t-yesserfu.—Tuffɣa 20:5, Ṭrejma n ddunit tajdiṭ (s tṛumit); 1 Igelliden 18:21.

 Netḥeqqeq belli leqrar i neṭṭef akken ur neţɛeggid ara Tafaska ireṣṣa ɣef Wedlis Iqedsen. Adlis-agi yeţweṣṣi-yaɣ a nesɛu “lekyasa” akk-d “leɛqel” mačči a netbeɛ leɛwayed n yemdanen mebla ameyyez. (Lemtul 3:21; Matta 15:3) Nheddeṛ ɣef leḥwayeǧ is i neţţamen yeɛnan Tafaska m’ara ɣ-d-yesteqsi walbeɛḍ. Acu kan, neţqadar yal amdan m’ara yeṭṭef leqrar di temsalt-agi.—1 Buṭrus 3:15.