Profesias di Bíblia ta prova ma Jizus éra Misías?
Respósta di Bíblia
Sin. Timenti Jizus staba na Téra, el kunpri txeu profesia sobri ‘Misías ki é Líder’, kel ki ta ben sérba ‘salvador di mundu.’ (Daniel 9:25; 1 João 4:14) I mésmu dipôs ki Jizus móre, el kontinua ta kunpri profesias sobri Misías. — Salmo 110:1; Atos 2:34-36.
Kuzê ki siginifika palavra ‘Misías’?
Palavra Ma·shiʹah (Misías) ta ben di língua ebraiku i palavra Khri·stos (Kristu) ta ben di língua gregu. Es dôs krê fla “kel skodjedu”. Nton, “Jizus Kristu” krê fla: “Jizus kel skodjedu”, ô “Jizus kel Misías.”
Na ténpu ki Bíblia skrebedu, óras ki es ta skodjeba un algen pa un puzison spesial di autoridadi, normalmenti es ta bazaba el óliu riba se kabésa. (Levítico 8:12; 1 Samuel 16:13) Deus skodje Jizus pa un puzison di grandi autoridadi, pa ser kel Misías. (Atos 2:36) Má, envês di skodje Jizus ku óliu, Deus skodje-l ku se spritu santu. — Mateus 3:16.
Ten más di ki un algen ki pode kunpriba profesias sobri Misías?
Nau. Profesias di Bíblia ta pâpia sô di un Misías ô Kristu. Má Bíblia ta fla ma ta ben parse ‘algen ta finji ser Kristu i tanbê profétas falsu i es ta ben faze grandis sinal i milagris pa ngana algen i si es konsigi ti própi kes skodjedu’. — Mateus 24:24.
Misías pode ben parse na futuru?
Nau. Bíblia ta fla ma Misías ta sérba disendenti di rei Davidi di Israel. (Salmo 89:3, 4) Má kel rejistu di família di judeus ki éra disendentis di Davidi ka ta izisti más. Talvês, es distruídu kantu romanus distrui Jiruzalen na anu 70 D.J. a Di la pa dianti, ningen ka konsigi prova ma el ta ben di família di rei Davidi. Má kes rejistu li ta izistiba na ténpu di Jizus. I nen ses inimigu ka konsigi nega ma el éra disendenti di Davidi. — Mateus 22:41-46.
Kantu profesia sobri Misías ten na Bíblia?
Ka ta da pa fla un nunbru sértu di kantu profesia sobri Misías ki ten. Pur izénplu, manera di konta profesias sobri Misías é diferenti, sikrê un testu ta pâpia klaru sobri Misías. Isaías 53:2-7 ta pâpia di alguns profesia sobri Misías. Alguns algen ta fla ma kel-li é un profesia sô, timenti otus algen ta fla ma kada un di kes pontu é un profesia diferenti.
Alguns profesia sobri Misías ki kunpri na Jizus
Profesia |
Testu ki el sta |
Kunprimentu |
|---|---|---|
Disendenti di Abraon |
Génesis 22:17, 18 |
|
Disendenti di Izaki fidju di Abraon |
Génesis 17:19 |
|
El ta naseba na tribu di Judá di Israel |
Génesis 49:10 |
|
El ta binha di família di rei Davidi |
Isaías 9:7 |
|
Se mai ta sérba un mudjer vírjen |
Isaías 7:14 |
|
El ta naseba na Belen |
Miqueias 5:2 |
|
Es ta txomaba el di Imanuel b |
Isaías 7:14 |
|
Se vida ta kumesaba di un manera sinplis |
Isaías 53:2 |
|
Alguns mininu ta sérba matadu dipôs ki el nase |
Jeremias 31:15 |
|
El ta sérba txomadu di Ijitu |
Oséias 11:1 |
|
El ta sérba txomadu di Nazarenu c |
Isaías 11:1 |
|
Un mensajeru ta binha antis di el |
Malaquias 3:1 |
|
El ta sérba skodjedu pa ser Misías na anu 29 D.J. d |
Daniel 9:25 |
|
Deus ta flaba ma el é se Fidju |
Salmo 2:7 |
|
El ta tinha zelu pa kaza di Deus |
Salmo 69:9 |
|
El ta pregaba notísias sábi |
Isaías 61:1 |
|
Se trabadju di pregason na Galilea ta trazeba un grandi lus |
Isaías 9:1, 2 |
|
El ta ben fazeba milagri sima Muizés |
Deuteronómio 18:15 |
|
Sima Muizés el ta ben flaba kuzê ki Deus manda-l |
Deuteronómio 18:18, 19 |
|
El ta ben kuraba txeu algen duenti |
Isaías 53:4 |
|
El ka ta txomaba atenson pa se kabésa |
Isaías 42:2 |
|
El ta mostraba konpaxon pa kes ki staba ta sufri |
Isaías 42:3 |
|
El ta mostraba justisa di Deus |
Isaías 42:1, 4 |
|
El ta ben daba bons konsedju |
Isaías 9:6, 7 |
|
El ta papiaba sobri nómi di Jeová |
Salmo 22:22 |
|
El ta ben uzaba txeu ilustrason |
Salmo 78:2 |
|
El ta sérba un Líder |
Daniel 9:25 |
|
Txeu algen ka ta kriditaba na el |
Isaías 53:1 |
|
El ta sérba un pédra di tropesu |
Isaías 8:14, 15 |
|
Txeu algen ta disprezaba el |
Salmo 118:22, 23 |
|
El ta sérba odiadu sen motivu |
Salmo 69:4 |
|
El ta entraba ku ónra na Jiruzalen montadu na un buru |
Zacarias 9:9 |
|
Mininus ta lovaba el |
Salmo 8:2 |
|
El ta binha na nómi di Jeová |
Salmo 118:26 |
|
El ta sérba traídu pa un algen ki el ta kunfiaba na el |
Salmo 41:9 |
|
El ta sérba traídu pa 30 muéda di prata e |
Zacarias 11:12, 13 |
|
Se amigus ta bandonaba el |
Zacarias 13:7 |
|
Tistimunhas falsu ta papiaba kóntra el |
Salmo 35:11 |
|
El ta fikaba kaladu óras ki es ta papiaba kóntra el |
Isaías 53:7 |
|
Es ta kuspiba el |
Isaías 50:6 |
|
Es ta daba el ku pó na kabésa |
Miqueias 5:1 |
|
El ta sérba sotadu |
Isaías 50:6 |
|
El ka ta inpidiba algen di sota-l |
Isaías 50:6 |
|
Governantis ta ranjaba un manera di kondena-l |
Salmo 2:2 |
|
Es ta pregaba se mô ku se pé na un staka |
Salmo 22:16 |
|
Es ta botaba sórti pa djobe ken ki ta fikaba ku se ropa |
Salmo 22:18 |
|
Es ta poba el djuntu ku pekadoris |
Isaías 53:12 |
|
Es ta fazeba el trósa, el ta sérba insultadu |
Salmo 22:7, 8 |
|
El ta sufreba pa pekadoris |
Isaías 53:5, 6 |
|
Ta parseba ma Deus bandona-l |
Salmo 22:1 |
|
Es ta daba el vinagri i fel pa el bebe |
Salmo 69:21 |
|
El ta fikaba ku sedi antis di el móre |
Salmo 22:15 |
|
El ta kunfiaba se spritu na Deus |
Salmo 31:5 |
|
El ta daba se vida |
Isaías 53:12 |
|
El ta pagaba resgati pa kaba ku nos pekadu |
Isaías 53:12 |
|
Es ka ta kebraba el ninhun osu |
Salmo 34:20 |
|
Es ta daba el ku lansa |
Zacarias 12:10 |
|
El ta sérba nteradu djuntu ku algen riku |
Isaías 53:9 |
|
El ta sérba resusitadu |
Salmo 16:10 |
|
Otu algen ta fikaba na lugar di ken ki trai-l |
Salmo 109:8 |
|
El ta xintaba na ladu direita di Deus |
Salmo 110:1 |
a Ensiklopédia di McClintock i Strong ta fla: “Nu ten kuazi sertéza ma kes rejistu di tribus di judeus ku ses família dexa di izisti kantu Jiruzalen distruídu i ma kel-li ka kontise antis.”
b Nómi ebraiku Imanuel, krê fla “Deus sta ku nos”, i kel-li ta splika papel di Jizus kómu Misías. Kuzas ki el faze kantu el staba na Téra prova ma Deus sta ku kes ki ta adora-l. — Lucas 2:27-32; 7:12-16.
c Talvês palavra ‘Nazarenu’ ta ben di un palavra ebraiku ki é neʹtser, ki ta siginifika ‘rabénta’.
d Pa más informason sobri kel profesia di Bíblia ki ta mostraba ma Misías ta parseba na anu 29 D.J., odja splikason na “Profesia di 70 simana”.
e Kel profesia li sta na livru di Zacarias, má Mateus skrebe ma ‘proféta Jeremias ki fla kes palavra li’. (Mateus 27:9) Ta parse ma livru di Jeremias ta fikaba pa frenti na kel grupu di livrus di Bíblia ki éra txomadu di ‘kes proféta.’ (Lucas 24:44) Talvês Mateus fla ‘Jeremias’ pamodi el staba ta pâpia di kel grupu di livrus, ki ta inklui livru di Zacarias.
Bu pode gosta di kes-li tanbê
NHOS KORDA!
Un mudjer judeu splika pamodi ki el rezolve konfirma si se relijion staba dretu
Kuzê ki djuda Racquel Hall ten sertéza ma Jizus éra kel Misías ki el staba ta spéra?
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.