Kusonga 7:1-17
7 Na nima ya mambu yai, mono monaka bawanzio iya me telama na binkonko iya ya ntoto, bo me simba mipepe iya ya ntoto, sambu mupepe mosi ve kubula na ntoto to na nzadi-mungwa to na konso nti.
2 Mono monaka wanzio ya nkaka ke katuka na ndambu yina ntangu ke basikaka,* yandi ke tombuka; yandi vandaka ti kidimbu ya Nzambi ya moyo; yandi tubaka na ndinga ya ngolo na bawanzio iya yina bo pesaka kiyeka ya kusala mbi na ntoto mpi na nzadi-mungwa
3 nde: “Beno bebisa ve ntoto to nzadi-mungwa to banti, tii kuna beto ta tula bampika ya Nzambi na beto bidimbu+ na bambunzu.”+
4 Mono waka ntalu ya bantu yina bo tulaka kidimbu, 144 000,+ yina bo me tula kidimbu na makanda yonso ya bana ya Izraele:+
5 Na dikanda ya Yuda bantu 12 000 yina bo me tula kidimbu;na dikanda ya Rubeni bantu 12 000;na dikanda ya Gadi bantu 12 000;
6 na dikanda ya Asere bantu 12 000;na dikanda ya Naftali bantu 12 000;na dikanda ya Manase+ bantu 12 000;
7 na dikanda ya Simeoni bantu 12 000;na dikanda ya Levi bantu 12 000;na dikanda ya Isakare bantu 12 000;
8 na dikanda ya Zebuloni bantu 12 000;na dikanda ya Yozefi bantu 12 000;na dikanda ya Benyamini bantu 12 000 yina bo me tula kidimbu.
9 Na nima, mono talaka mpi mono monaka kimvuka mosi ya nene ya bantu, yina muntu mosi ve lenda tanga ntalu na bo, ya me katuka na makanda yonso, na mabuta yonso, na bansi yonso, mpi na bandinga yonso;+ bo me telama na ntwala ya kiti ya kimfumu mpi na ntwala ya Mwana-Dimeme, bo me lwata bamvwela ya mpembe;+ mpi bo vandaka ti mandala ya diba na maboko na bo.+
10 Bo ke landa kutuba na ndinga ya ngolo nde: “Luguluku me katuka na Nzambi na beto, yina me vanda na kiti ya kimfumu,+ mpi na Mwana-Dimeme.”+
11 Bawanzio yonso vandaka na nziunga ya kiti ya kimfumu, ya bankuluntu,+ mpi ya bigangwa iya ya moyo; bo bwaka na ntwala ya kiti ya kimfumu baluse na ntoto mpi bo sambilaka Nzambi
12 nde: “Amen! Lukumu, nkembo, mayele, matondo, luzitu, ngolo, mpi kikesa kuvanda na Nzambi na beto mvula na mvula.+ Amen.”
13 Ebuna nkuluntu mosi tubilaka mono nde: “Bantu yai ya me lwata bamvwela ya mpembe,+ bo kele banani mpi bo me katuka na wapi?”
14 Na mbala mosi mono tubilaka yandi nde: “Mfumu na mono, nge muntu me zaba.” Ebuna yandi tubilaka mono nde: “Bo kele bantu yina me katuka na mpasi ya nene;+ bo me yobisaka bamvwela na bo mpi bo me kumisaka yo mpembe na menga ya Mwana-Dimeme.+
15 Yo yina bo kele na ntwala ya kiti ya kimfumu ya Nzambi; bo ke sadilaka yandi kisalu ya santu mpimpa ti mwini na tempelo na yandi; mpi Muntu yina me vanda na kiti ya kimfumu+ ta tandula tenta na yandi na zulu na bo.+
16 Bo ta waka diaka ve nzala ya kudia mpi ya masa, ntangu to tiya ya ngolo ta bulaka bo mpi diaka ve,+
17 sambu Mwana-Dimeme,+ yina kele na kati-kati ya kiti ya kimfumu, ta gungula bo,+ mpi ta nata bo na ba-nto ya masa ya luzingu.+ Mpi Nzambi ta kusula mansanga yonso na meso na bo.”+
Banoti na nsi ya lutiti
^ To “esti.”
