Bibilia yonanagia atĩ Ngai ndombire mũcukani. Handũ ha ũguo, ombire mũraika ũrĩa wacokire gũtuĩka Mũcukani. Bibilia ĩkĩaria ũhoro wĩgiĩ Ngai yugaga ũũ: “Mĩthiĩre yake yothe nĩ ya kĩhooto; Nake nĩwe Mũrungu ũrĩa mwĩhokeku, ũtarĩ ũũru, Na ningĩ nĩ wa ma, o na wa kĩhooto.” (Gũcokerithia Maathani 32:3-5) Kwoguo, kũringana na ũhoro ũcio no tuuge atĩ mũraika ũcio aarĩ mũkinyanĩru na mũthingu atanatuĩka Shaitani ũrĩa Mũcukani.

 Thĩinĩ wa Johana 8:44, Jesu ooigire atĩ Mũcukani “ndeehandire wega ũhoro-inĩ ũrĩa wa ma.” Kũu nĩ kuonania atĩ hĩndĩ ĩmwe Shaitani aarĩ mwĩhokeku na ndaarĩ na ũcuke.

 O na kũrĩ ũguo, aarĩ na wĩyathi wa gwĩthuurĩra wega kana ũũru o ta araika arĩa angĩ. Rĩrĩa aathuurire gũkararia Ngai, na akĩheenia mũthuri na mũtumia wa mbere mamũrũmĩrĩre, nĩrĩo aatuĩkire Shaitani, rĩĩtwa rĩrĩa riugaga “Mũkararia.”—Kĩambĩrĩria 3:1-5; Kũguũrĩrio 12:9.