قورىنتتىقتارعا 2-حات 7:1—16
7 ەندەشە، قىمباتتى باۋىرلاستار، بىزگە وسىنداي ۋادەلەر بەرىلگەندىكتەن+، ٴتانىمىز بەن رۋحىمىزدى ارامدايتىن بارلىق نارسەدەن ٶزىمىزدى تازارتايىق+. وسىلاي قۇدايدان قورقا وتىرىپ، قاسيەتتى بولا تۇسەيىك.
2 جۇرەكتەرىڭنەن بىزگە ورىن بەرىڭدەر+. ٴبىز ەشكىمگە جاماندىق تا، زياندىق تا جاساعان جوقپىز، ٶز پايدامىز ٷشىن ەشكىمدى الداعان دا ەمەسپىز+.
3 مۇنى سەندەردى ايىپتايىن دەپ ايتىپ تۇرعانىم جوق. ويتكەنى، الدىندا ايتقانىمداي، سەندەر ٴبىزدىڭ جۇرەگىمىزدەسىڭدەر. سوندىقتان ولسەك تە، ٶمىر سۇرسەك تە جۇرەگىمىزدە قالاسىڭدار.
4 سەندەرگە بارىنشا ەركىن سويلەي الامىن. وزدەرىڭدى قاتتى ماقتان تۇتامىن. كوڭىلىم زور جۇبانىش تاپتى، بار قيىندىقتارىمىزعا قاراماي، قۋانىشىم قوينىما سيمايدى+.
5 ماكەدونياعا كەلگەندە+، جانىمىز دا، ٴتانىمىز دە تىنىم تاپپاي، جان-جاقتان قىسىم-قىسپاق كورۋمەن بولدىق: سىرتتان — قاتتى قارسىلىق، ىشىمىزدە — ۇرەي-قورقىنىش.
6 ايتسە دە ەڭسەسى تۇسكەندەردى جۇباتاتىن قۇداي+ ٴبىزدى ٴتيتتىڭ كەلۋىمەن جۇباتتى.
7 كەلۋىمەن عانا ەمەس، وزدەرىڭنەن العان جۇبانىشى ارقىلى دا جۇباتتى. ول سەندەردىڭ مەنى ساعىنعاندارىڭ، قاتتى قايعىرىپ، مەنى ۋايىمداپ جۇرگەندەرىڭ تۋرالى حابار اكەلدى. سوندا مەن بۇرىنعىدان دا قاتتى قۋاندىم.
8 ەگەر جازعان حاتىممەن سەندەردى مۇڭايتقان بولسام+، مۇنىما وكىنبەيمىن. ٴتىپتى باستاپقىدا وكىنسەم دە (سول حات سەندەردى مۇڭايتسا دا، ۋاقىتشا عانا مۇڭايتقانىن كورىپ تۇرمىن)،
9 قازىر قۋانامىن. مۇڭايعاندارىڭا ەمەس، بۇنىڭ وكىنۋگە تالپىندىرعانىنا قۋانامىن. ويتكەنى مۇڭايعاندارىڭ قۇدايعا ۇنامدى بولدى، وسىلايشا بىزدەن ەش زيان كورمەدىڭدەر.
10 قۇدايعا ۇنامدى مۇڭ ادامدى وكىنۋگە تالپىندىرىپ، قۇتقارىلۋعا جەتكىزەدى. ال بۇعان وكىنۋدىڭ قاجەتى جوق+. وسى دۇنيەگە ٴتان مۇڭ بولسا ولىمگە اپارادى.
11 قۇدايعا ۇنامدى مۇڭنىڭ ناتيجەسىنە قاراڭدارشى: نەتكەن زور ىقىلاس، تازارۋ، جاماندىققا دەگەن نارازىلىق، قۇداي الدىنداعى قورقىنىش، ىنتا، قۇلشىنىس، نەتكەن كەرەمەت تۇزەتۋ+! وسى ماسەلەدە تازا ەكەندەرىڭدى جان-جاقتى كورسەتتىڭدەر.
12 ال مەن سول حاتتى بۇرىس قىلىق جاساعان+ نە جاپا شەككەن ادام ٷشىن ەمەس، سەندەردىڭ سوزىمىزگە قۇلاق اسۋدى قاتتى قالايتىندارىڭ ٶز ارالارىڭدا دا، قۇداي الدىندا دا كورىنسىن دەپ جازدىم.
13 سوندىقتان دا كوڭىلىمىز جۇبانىش تاپتى.
جۇبانۋمەن قاتار، ٴتيتتىڭ قۋانىشىن كورىپ، ودان بەتەر قۋاندىق. ويتكەنى بارلىعىڭ دا ونىڭ رۋحىن سەرگىتتىڭدەر.
14 ەگەر مەن وعان سەندەردى ايتىپ ماقتانعان بولسام، ۇياتقا قالعان جوقپىن. وزدەرىڭە ايتقانىمىزدىڭ ٴبارى راس بولعانىنداي، تيتكە ماقتانعانىمىز دا راس بولىپ شىقتى.
15 ٴبارىڭنىڭ قالاي مويىنسۇنىپ+، قالاي زور قۇرمەت كورسەتكەندەرىڭدى ەسىنە العان سايىن، ونىڭ سەندەرگە دەگەن جىلى سەزىمى كۇشەيە تۇسۋدە.
16 مەن قاي ىستە دە سەندەرگە سەنىم ارتا الاتىنىما قۋانامىن*.
سىلتەمەلەر
^ مۇمكىن: «سەندەردىڭ ىستەرىڭنىڭ ارقاسىندا جىگەرلەنە الاتىنىما قۋانامىن».