Бүгінде нан тауып, жан бағудың өзі көп адам үшін қиынға соғады. Ал әлемде болып жатқан ауыр жағдайлар күнкөрісті одан бетер қиындатып жібереді. Өйткені:

• Аласапыранда барлығы қымбаттап, соның ішінде тамақ пен баспананың бағалары ұша бастайды.

• Дағдарыстың кесірінен жұмыссыздық көбейіп, жалақы тым мардымсыз болып кетуі мүмкін.

• Табиғи апаттар адамдарды бүкіл кәсібінен, үйі мен басқа да мүлкінен айырып, бір күннің ішінде-ақ жоқшылыққа ұшыратуы мүмкін.

• Ақшаны ақылмен жұмсай білсеңіз, дағдарыста жан сақтау жеңілірек болады.

• Мүлкіміз не жинаған қаржымыз бізге кепілдік бере алмайды, себебі олар бір пәсте-ақ құнсызданып кетуі мүмкін.

• Ақшамен өлшенбейтін нәрселер де бар екенін ұмытпаңыз, мысалы, бақыт пен отбасындағы ынтымақ.

Киелі жазбаларда: “Ішер ас, киер киім және баспана болса, соны қанағат етейік”,— делінген (Тімөтеге 1-хат 6:8).

Қанағат ету қалауымызды шектеп, қажетіміздің барына шүкір, жоққа сабыр етуді білдіреді. Әсіресе, күніміз тиын-тебенге қарап қалғанда осылай еткен маңызды.

Бәлкім, бұрынғыша емес, қарапайымдау өмір сүру керек болар. Өйткені кірістен шығыс көп болып кетсе, өз жағдайыңызды өзіңіз қиындатып алуыңыз мүмкін.