Жоел 2:1—32
2 Сионда мүйіз керней тартыңдар+!
Қасиетті тауымда атой салып айғайлаңдар.
Елдің* барлық тұрғыны діріл қақсын,Өйткені Ехобаның күні келе жатыр+! Ол таяп қалды!
2 Сол күн — қараңғылық басып, түнерген күн+,Бұлт қаптап, қарауытқан күн+,Ол таудың басын ғана шалған таң шапағындай.
Міне, бір халық келе жатыр, ол сансыз көп әрі күшті+.
Мұндай халық бұрын ешқашан болмаған,Күллі келер ұрпақтардың заманында даБұл сияқты халық енді қайтып болмайды.
3 Олардың алдында — жалмаған от,Ал артында — лаулаған жалын+.
Алдындағы ел Едем бағындай+ болса,Артынан қаңыраған шөл дала қалады,Еш нәрсе де одан қашып құтыла алмайды.
4 Олардың кейпі аттардың кейпіндей,Шабысы соғыс аттарының шабысындай+.
5 Шуылы тау-төбелерде жүйткіген арбалардікіндей+,Сабанды сатырлатып жалмаған оттікіндей.
Олар соғысу үшін сап құрған күшті әскерге ұқсайды+.
6 Оларды көрген халықтар азапқа түседі.
Абыржығаннан бәрінің жүзі қып-қызыл болады.
7 Олар мықты жауынгерлердей шабуылдайды,Сарбаздардай қабырғаға өрмелейді,Әрқайсысы алған бағытынан таймайды,Өз жолынан ауытқымайды.
8 Олар бір-бірімен қақтығыспайды,Әрбірі өз жолымен алға басады.
Кейбірі жау қаруынан құласа да,Өзгелері сапты бұзбай, кете береді.
9 Қалаға лап қойып, қабырғаға жүгіріп шығады.
Үйлерге өрмелеп, ұры іспетті терезеден кіреді.
10 Олардың алдында жер дірілдеп, аспан шайқалады.
Күн мен айды қараңғылық басады+,Жұлдыздар да жарқырамайды.
11 Ехоба өз әскерінің+ алдында дауыстайды, оның қосы сансыз көп+.
Сөзін орындайтын ол аса құдіретті.
Ехобаның күні ұлы да ғаламат+.
Кім оған шыдай алады+?
12 Әлі де болса шын жүректен маған қайтыңдар,— дейді Ехоба+,—Ораза ұстап+, жылап, зар еңіреңдер.
13 Киімдеріңнің өңірін емес+, жүректеріңді жыртыңдар+,Құдайларың Ехобаға қайта оралыңдар.
Өйткені ол жанашыр да мейірімді, ашуға баяу+, айнымас сүйіспеншілігі мол+.
Апат жіберемін деген райынан қайтады.
14 Кім біледі, бәлкім, ол райынан қайтып, аяушылық танытар+,Сөйтіп, сендерді жарылқар,Сонда Құдайларың Ехобаға астық пен сұйық тарту ұсына аларсыңдар.
15 Сионда мүйіз керней тартыңдар!
Ораза жариялап, қасиетті жиын өткізіңдер+.
16 Халықты жинап, қауымды қасиетті етіңдер+.
Қарияларды*, балалар мен емшектегі нәрестелерді жинаңдар+.
Күйеужігіт ішкі бөлмесінен, қалыңдық та өз бөлмесінен шықсын.
17 Кіреберіс пен құрбандық ошағының арасында тұрып+,Діни қызметкерлер, Ехобаның қызметшілері, жылап былай десін:
“Уа, Ехоба, өз халқыңды аяй көр,Басқа халықтардың өз меншігіңе билік етіп,Оны табалауына жол бере көрме.
Әйтпесе халықтар: —Бұлардың Құдайы қайда?— деп жүрер+”.
18 Сонда Ехоба өз жерін қызғыштай қорғап,Халқына жанашырлық танытады+.
19 Ехоба халқына жауап беріп, былай дейді:
“Мен сендерге астық, жаңа шарап пен зәйтүн майын беремін.
Сонда сендер барынша тойынасыңдар+.
Енді қайтып сендерді халықтарға қорлатып қоймаймын+.
20 Солтүстіктен келгенді қастарыңнан алысқа қуамын,Оны кеуіп қалған, қаңырап, қуаң тартқан жерге,Алғы шептегілерін шығыстағы теңіз* жаққа,Артындағыларын батыстағы теңіз* жаққа бытыратамын.
Одан сасық иіс шығады,Жағымсыз иіс мүңкіп тұрады+.
Себебі Құдай ғаламат істер жасайды”.
21 Уа, жер, қорықпа!
Қуанып, шаттан, өйткені Ехоба ғаламат істер жасайды.
22 Дала аңдары, қорықпаңдар!
Даладағы жайылымдар көгереді+,Ағаштар жеміс береді+,Інжір мен жүзім мол өнім әкеледі+.
23 Сионның ұлдары, Ехоба Құдайларыңа қуанып, шаттаныңдар+!
Ол сендерге керегінше күзгі жауын жібереді.
Бұрынғы кездегідей нөсер беріп,Күзгі және көктемгі жауынды жауғызады+.
24 Қырмандар таза астыққа толып,Астауларыңда сығылған жаңа шарап пен зәйтүн майы ағыл-тегіл мол болады+.
25 Мен сендерге жіберген ұлы әскер:
Құжынаған шегіртке мен қанатсыз шегіртке, Обыр шегіртке мен жалмайтын шегіртке жеп кеткен өнімнің+,Сол жылдары келтірілген залалдың, орнын толтырамын.
26 Сендер міндетті түрде тойына жейсіңдер+.
Ехоба Құдайларыңның есімін мадақтайсыңдар+,Ол сендер үшін керемет істер жасады.
Менің халқым бұдан былай ұятқа қалмайды+.
27 Сендер менің Исраилдің арасында екенімді+,Құдайларың Ехоба екенімді+, менен өзге құдай жоқ екенін білетін боласыңдар.
Менің халқым бұдан былай ұятқа қалмайды.
28 Сосын мен әрбір адамға рухымды төгемін+,Сонда ұл-қыздарың пайғамбарлық етеді,Қарияларың түс көреді,Жас жігіттерің аян алады+.
29 Сол күндері тіптіқұл-күңдеріме де рухымды төгемін.
30 Аспан мен жерде белгілер* көрсетемін.
Бұлар — қан, от және түтін бағаналары+.
31 Ехобаның ұлы да ғаламат күні келмес бұрын+,Күн түнекке, ай қанға айналады+.
32 Ехобаны атын атап шақырған әркім құтқарылады+.
Ехоба айтқандай, Сион тауы мен Иерусалимде аман қалғандар болады+,Олар Ехоба шақырғандықтан аман қалады.
Сілтемелер
^ Немесе “жердің”.
^ Немесе “ақсақалдарды”.
^ Яғни Өлі теңіз.
^ Яғни Жерорта теңізі.
^ Немесе “ғажайыптар”.