Tysklandimi Kangil­lermi, DDR-iusimasumi, nunaqarfim­mi Sachsenimi inun­ngor­punga. Uagutsin­ni asan­nin­neq misigalugulu toq­qis­sisimanar­tumik angerlarsimaf­feqar­pugut, angajoq­qaamalu pis­suseris­saar­nis­san­nik ilin­niar­tip­paan­nga. Tysklandi Kangil­leq naalagaaf­fiuvoq kom­munistinit aqun­neqar­toq, taamaat­tumik Sachsenimiut amerlanerit up­perisarsior­neq soqutigin­ngilaat. Guuteqan­ngin­neraasuuvunga. Inuunin­ni ukiut 18-t siul­liit Guuteqan­ngin­neraaneq kom­munismelu uan­nut sun­niuteqaqaat.

Sooq kom­munisme or­niginar­tik­kiga? Inuit tamarmik naligiin­neran­nik eq­qarsaat nuan­narigak­ku. Aam­ma isumaqar­punga pigisat naaper­tuil­luar­tumik agguaan­neqar­tariaqaraluar­tut pisuut pisuun­ngoriar­tuin­nas­san­ngim­mata piitsul­lu piitsun­ngoriar­tuin­nar­natik. Taamaat­tumik kom­munistit inuusut­tut peqatigiif­fian­nut ilaasor­tan­ngor­punga. 14-inik ukioqarlunga pap­pialanik atoq­qiinermut suliniuteqar­nermi pif­fis­sarujus­suaq ator­tar­para. Suliniuteqar­nera il­loqarfim­mi Auemi qujamasuutigineqangaarmat al­laat akis­sarsisin­neqar­punga. Ukiukik­kaluarlunga Tysklandimi Kangil­lermi politik­kerit nuimasut ilaan­nik ilisarisimasaqaler­punga. Misigaanga anguniagara eq­qor­tuusoq siunis­saralu qaamasuusoq.

Tas­san­ngaan­narli silarsuara isavoq. 1989-imi Berlinip qarmarsua up­pisin­neqarlunilu Europap Kangisis­suani naalagaaf­fiit kom­munistiusut atorun­naarsin­neqar­put. Quarsaaqaanga. Paasiler­para Tysklandimi Kangil­lermi peq­quserlut­tor­pas­suaqarsimasoq. As­sersuutigalugu kom­munistinik tapersersuin­ngitsut in­nut­taaqatigiin­ni pingaan­ngin­nerusutut pineqar­tarsimap­put. Qanoq taamaat­toqarsin­naagami? Kom­munistiusugut isumaqan­ngin­nat­ta inuit tamarmik naligiit­tut? Kom­munisme asuliin­naasimava? Ersingaaler­punga.

Al­lanik soqutigisaqaler­punga. Nipilersor­neq eq­qumiitsulior­nerlu sam­miler­pak­ka. Nipilersor­nermik ilin­niarfim­mi qaf­fasin­nerusumi ilin­niar­tuugama – kingusin­nerusuk­kut universitetimut ingerlaq­qis­sin­naal­lunga – nipilersor­tutut eq­qumiitsulior­tutul­lu tusaamasaaler­nis­sara takorloor­para. Ileq­qoris­saar­neq meeraal­lunga ilik­karsimasara qimak­kiar­tuler­para. Mas­sak­kut kil­leqan­ngitsumik inooriaasera pingaar­nerutiler­para arlalin­nil­lu ataatsik­kut ar­naateqar­talerlunga. Nipilersor­nerli, eq­qumiitsulior­nerlu aam­ma kil­leqan­ngitsumik inooriaaseqar­nera an­nilaangajun­naar­nis­san­nut iluaqutigin­ngilak­ka. Al­laat as­silialian­ni ersinera sak­kor­tooq takuneqarsin­naasar­poq. Siunis­saq qanoq is­sava? Inuunerlu sumik siuner­tar­pa?

Kiisami akis­sutaat paasilerak­ku tupaal­laqaanga. Un­nuit ilaan­ni nipilersor­nermik ilin­niarfim­mi arlaliul­luta siunis­saq pil­lugu eq­qar­tueqatigiip­pugut. Ilin­niar­tut ilaat, Mandy *, Jehovamik Nalunaajaasuuvoq. Un­nuk taan­na siun­nersor­paanga oqarluni: “Andreas, inuuneq siunis­sarlu pil­lugit paasisaqarusuk­kuit Biibili misis­suin­naruk.”

Soqutigival­laan­ngik­kaluarlugu aalajanger­punga Biibili misis­sor­niarlugu. Mandyp Danielimik al­lak­kat kapitali 2 maluginiaq­quaa, taan­nalu atuar­para, tupigutsaqaangalu. Siulit­tuum­mi sam­mineqar­put naalagaaf­fis­suit pis­saanilis­suit tul­leriiaat ul­loq man­na tikil­lugu sun­niuteqarumaar­tut. Siunis­saq pil­lugu Biibilimi siulit­tuutit aam­ma al­lat Mandyp takutip­pai. Kiisami apeq­qutik­ka akis­sutis­sarsivak­ka! Siulit­tuutil­li taak­ku sumin­ngaan­neer­pat? Kina taama eq­qorluar­tigisumik siulit­tuisin­naagami? Guuteqar­nersoruna?

Mandyp aap­pariit Jehovamik Nalunaajaasut, Horst Angelikalu, uan­nut ilisaritip­pai, taak­kualu Guutip oqaasianik paasin­nin­neruler­nis­san­nut ikior­paan­nga. Paasivara Jehovap Nalunaajaasuisa Guutip aq­qa, Jehova, kisiar­taal­lutik ator­taraat oqaluus­sis­sutigalugulu. (Tus­siaat 83:19; Mat­thæusi 6:9) Ilik­kar­para nunami paratiisiusumi naas­saan­ngitsumik inuuler­nis­samik Jehovap neriorsoraatigut. Tus­siaat 37:9-mi al­las­simavoq: ‘Naalak­kamut neriut­tut nuna kingor­nutis­savaat.’ Nuan­naraara inuit Jehovap najoq­qutas­siaanik Biibilimiit­tunik maleruaaniar­tut tamarmik neriorsuutip tamatuma eq­quun­nis­saa misigisin­naam­mas­suk.

Biibilimul­li naaper­tuut­tumik inooriaaseqaler­nis­sara uan­nut saper­naqaaq. Nipilersor­tar­tutum­mi iluatsitsil­luarsimanera pis­sutigalugu pingaakujut­tun­ngorsimavunga. Aam­ma kinguaas­siuutitigut inuunerluk­kun­naar­nis­sara saper­nar­teqaara. Qujamasuutigeqaara Biibilimik maleruaaniarlutik ilungersor­tunut Jehova kamajaatsuul­lunilu naak­kit­tar­tuul­lunilu paasin­nit­tuum­mat.

Inuunin­ni ukiut 18-t siul­liit kom­munisme guuteqan­ngin­neraanerlu sun­niuteqar­ner­paap­put. Tas­san­ngaan­niil­li inuunera Biibilimit ilusilersor­neqaler­poq. Ilik­kak­kak­ka iluaqutigalugit siunis­samik ersis­suteqar­nera an­nikil­liar­tuler­poq inuuneralu siuner­taqalerluni. 1993-imi Jehovap Nalunaajaasuisut kuisip­punga, ukiumilu 2000-mi oqaluus­sisar­toq ilungersuus­sisoq, Tabitha, katip­para. Pif­fis­sat­ta an­ner­paar­taa al­lanik Biibilimik ilin­niar­titsinermut ator­tar­par­put. Naapitat­ta amerlanersaat uat­tul­li tunuliaqutaqar­put, tas­sa kom­munismemit guuteqan­ngin­neraanermil­lu sun­ner­tis­simasut. Taak­ku Jehova qanoq ilisarisimalersin­naaneraat ikioraangak­kit nalerisimaarutigisaqaara.

Jehovap Nalunaajaasuinit Biibilimik atuaq­qis­saaqatigineqar­talerama angajoq­qaama pakatsis­sutigeqaat. Pif­fis­sal­li ingerlanerani Nalunaajaasut inuunin­nut ajun­ngitsumik sun­niuteqar­nerat takusin­naaleriar­tor­paat. Nuan­naarutigeqaara ul­lumik­kut angajoq­qaak­ka Biibilimik atuar­tarmata Jehoval­lu Nalunaajaasuisa ataatsimiin­nerinut najuut­talerlutik.

Tabithalu aap­pariit­tut ingerlal­luar­pugut Biibilip aap­pariin­nut siun­nersuutai maleruaq­qis­saar­niarsarigatsigit. As­sersuutigalugu aap­pariit­tut ilumoorfigeqatigiin­nis­samik siun­nersuut maleruaratsigu aap­pariil­luar­pugut. – Hebræerit 13:4.

Ersinanga siunis­sarlu er­numaginagu inuuler­punga. Nunarsuaq tamak­kerlugu qatan­ngutigiis­suit eq­qis­sinermik ataasioqatigiin­nermil­lu ilisar­naatil­lit ilaaf­figiler­pak­ka. Ilaqutariis­suit taak­ku tamarmik im­min­nut naligiit­tut pis­susilersor­put. Tas­sa kis­saatigiuar­tagara.