Biibilimi neriorsuuteqar­poq: “[Guutip] piumasaanik ilior­toq naas­saan­ngitsumik atas­saaq.” (1 Johan­nesi 2:17) Guutip qanoq ilius­sasutit piumasaraa?

•   Guuti erneralu, Jiisusi, pillugit ilinniarit. Jiisusip Guutimut qin­nutimini oqar­poq: “[Inuuneq] naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.” (Johan­nesi 17:3) Guuti Jiisusilu qanoq ilisarisimalersin­naavavut? Biibilimik atuaq­qis­saar­nik­kut tamatumanilu tusarlius­sap inuunitsin­ni maleruar­neratigut. a Pin­ngor­titsisit­ta Jehovap Guutip, inuunermik Tunisisup, eq­qarsar­taasia Biibilimi paasineqarsin­naavoq. (Apustilit Suliaat 17:24, 25) Biibilimi aam­ma Er­nera, Jiisusi, “oqaatsinik naas­saan­ngitsumik inuus­sutaasunik” ilin­niar­titsisoq, pil­lugu ilin­niarsin­naavugut. – Johan­nesi 6:67-69.

•   Jiisusip utertitsissutitut pilliutaa upperiuk. Jiisusi nunarsuarmukar­poq nam­mineq “kif­far­tus­sal­luni inuuninilu akis­satut tun­niutis­sal­lugu”. (Mat­thæusi 20:28) Jiisusip uter­titsis­sutitut im­minut pil­liutigineratigut inuit nunarsuarmi paratiisimi naas­saan­ngitsumik inuunis­samut periarfis­sin­neqar­put. b (Tus­siaat 37:29) Jiisusi oqar­poq: “[Guutip] silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.” (Johan­nesi 3:16) Ilin­niar­titsis­sutaanut Ataataatalu piumasaanut naaper­tuut­tumik inooriaaseqar­nik­kut ‘up­perisin­naavar­put’. – Mat­thæusi 7:21; Jaaku 2:17.

•   Guutimik ikinnguteqarnerit nakussatsiguk. Guutip qanil­liar­tus­sagitsin­ni ikin­ngutigilis­sagitsin­nilu kis­saatigaa. (Jaaku 2:23; 4:8) Guuti naas­saan­ngitsuuvoq. Toqun­ngisaan­nas­saaq, aam­ma ikin­ngutini naas­saan­ngitsumik inuus­sasut kis­saatigaa. Guutip oqaasiani al­las­simavoq ujarler­tini “inuuner­tunermik soraarfeqan­ngitsumik” tunerusuk­kai. – Tus­siaat 21:5

 Kukkusoq: Inuuneq naas­saan­ngitsoq pik­kunaas­saaq.

 Eqqortoq: Guutip inuunermik naas­saan­ngitsumik tuniserusut­tup asal­lutalu pil­luar­nis­sar­put kis­saatigaa. (Jaaku 1:17; 1 Johan­nesi 4:8) Nalun­ngilaa pil­luas­sagut­ta siuner­taqarluar­tumik suliaqar­tariaqar­tugut. (Oqaluus­sisar­tup oqaasii 3:12) Guutip neriorsuutigaa nunarsuarmi naas­saan­ngitsumik inuusut nam­min­neq iluaqutigisamin­nik asasaan­nul­lu iluaqutaasumik nalerisimaar­nar­tumik isumaqarluar­tumil­lu sulias­saqas­sasut. – Esaja 65:22, 23.

 Inuit naas­saan­ngitsumik inuusut Pin­ngor­titsiser­tik pin­ngor­titaalu alutor­narluin­nar­tut pil­lugit ilin­niar­tuas­sap­put. Taas­suma inuit naas­saan­ngitsumik inoorusus­suseqar­til­lugit im­minil­lu ilin­niarusus­suseqar­til­lugit pin­ngor­tip­pai, “kisian­ni Guutip pif­fis­sami sivisoqisumi suliai inuit ilaan­naasumik paasisin­naavaat”. (Oqaluus­sisar­tup oqaasii 3:10, 11 Testamentitoqaq 1990-imi naqitigaq) Taamaat­tumik naas­saan­ngitsumik inuusut soqutiginar­tunik ilin­niagaqar­tuas­sal­lutil­lu sulias­saqar­tuas­sap­put.