“Unnuak­kut ataatsip tungaanut ilin­niak­kerineq qasunar­poq. Innar­nis­saq taamaal­laat eqqar­saatiginar­poq.” – David.

 “Ilaan­nik­kut un­nuak­kut tal­limap qeq­qata tungaanut ilin­niak­kerisar­punga ul­laak­kul­lu ar­finer­mut atuariar­tor­niar­lunga makit­tar­lunga. Sinin­ngingajat­tar­punga!” – Theresa.

 Ilin­niagas­sarsuar­nik ulik­kaar­tutut misigivit? Taamaap­pat al­laaserisaq una iluaqutigisin­naavat.

•  Sooq ilinniartitsisut ilinniagassiisarpat?

•  Ilinniakkerinissamut siunnersuutit

•  Inuusuttoqativit isumaat

 Ilin­niak­kerineq ilaatigut ...

•   ilisimasaqar­nerulis­sutigisar­pat

•   akisus­saaf­fim­mik pingaar­titsinerulis­sutigisar­pat

•   pif­fis­san­nik aqutsil­luar­nerulis­sutigisar­pat

•   atuarfim­mi ilin­niar­titsis­sutigineqar­tut paasil­luar­nis­saan­nut maleruar­nis­saan­nul­lu iluaqutigisar­pat a

 “Atuar­tut tusak­kamin­nik puiuinatik maleruaanis­saat qulak­keer­niar­lugu ilin­niar­tit­sisut ilin­niagas­siisar­put.” – Marie.

 Pingaar­tumik matematik­ki pin­ngor­titamil­lu ilisimatusar­neq ajor­nar­torsiutinik aaq­qiisar­nermik ilin­niar­nermut iluaqutaap­put. Ilisimatuul­lu oqar­tar­put taman­na qaratsami at­taveqaatinik nutaanik pilersitsisarlunilu pitsan­nguisin­naasoq. Taamaat­tumik ilin­niak­kerineq qaratsamik sungiusaaner­tut ip­poq!

 Ilin­niak­kerinerup iluaqutis­sar­taanik takun­nis­sin­naanersutit apeq­qutaatin­nagu ilin­niak­kerineq inuunin­ni isumagisariaqak­kavit ilagiin­nar­paat. Unali tup­pal­lersaatigisin­naavat: Qanoq an­ner­tutigisumik ilin­niagas­sin­neqar­nerit aqus­sin­naan­ngik­kaluarlugu imaas­sin­naavoq pif­fis­saq sivikin­nerusoq atorlugu ilin­niagas­satit naam­mas­sisin­naagitit. Paasiniariar­tigu qanoq taamaaliorsin­naasutit.

 Ilin­niagas­savit naam­mas­sinis­saat saper­nar­tik­kuk­ku imaas­sin­naavoq ilungersor­nerun­ngik­kaluarlutit isumatusaar­nik­kut ajor­nar­torsiutit qaangersin­naagit. Misilil­lugu ima iliorsin­naavutit.

•   Ilinniakkerinissamut siunnersuut 1: Pilersaarusiorit. Biibilimi al­las­simavoq: “Eqiasuitsup pilersaarusiai iluanaarutis­sarsisitsisar­put.” (Us­satit 21:5) Ilin­niak­kerinis­samut atugas­satit tamaasa tigoriaan­nan­ngorlugit piareersimatik­kit.

   Aam­ma sumiif­fik eq­qarsarluarfigisin­naasat toq­qaruk. Ilaasa angerlarsimaf­fim­mi inimi nipaatsumi qaamal­luar­tumilu ilin­niak­kerinis­sar­tik iluarinerusar­paat. Al­lat angerlarsimaf­figin­ngisamin­ni, im­maqa atuak­kanik ator­niar­tarfim­mi, ilin­niak­keril­luar­nerusin­naasar­put.

   “Qaam­matisiutinut ilin­niagas­sat al­lat­tar­nerat pif­fis­samik ator­luaanis­samut iluaqutaasin­naavoq. Sunik ilin­niagas­saqar­ner­lutit qaqugulu tun­nius­sis­saner­lutit malin­naavigiguk­ku uip­pakajaar­nan­ngin­nerus­saaq.” – Richard.

•   Ilinniakkerinissamut siunnersuut 2: Qanoq sulinissat pilersaarusioruk. Biibilimi al­las­simavoq: ‘Suut tamarmik torersumik ingerlalit.’ (1 Korinthimiut 14:40) Taman­na eq­qarsaatigalugu ilin­niagas­satit suut siul­liutis­sanerlugit aalajangeruk.

   Ilaasa saper­nar­nerit siul­liutis­sal­lugit iluarinerusar­paat. Al­lat nalunan­ngin­nerusut naam­mas­seq­qaar­nis­saat piumas­suseqar­nerulis­sutigisar­paat. Periuseq ilin­nut pitsaaner­paaq toq­qaruk.

   “Ilin­niagas­sat tul­leriiaar­nerinik al­lat­tuineq as­sut iluaqutaasar­poq. Taamaalil­luni misiginar­tar­poq ilin­niagas­sat aqun­neqar­sin­naasut amer­laval­laarujus­suan­ngit­sul­lu.” – Heidi.

•   Ilinniakkerinissamut siunnersuut 3: Aallartigit. Biibilimi siun­nersor­neqar­pugut eqiasun­nata sul­leris­sasugut. (Romamiut 12:11) Sam­misas­sat al­lat – qanoq nuan­nerunar­tiginerat apeq­qutaatin­nagu – ilin­niak­kerinis­san­nut kinguarsaatigeqinagit.

   Kinguarsaqat­taar­tar­tut kingusinaar­tarlutil­luun­niit angumersiniaapal­lat­tar­put – taman­nalu suliaan­nit takuneqarsin­naasar­poq. Ilin­niagas­sin­neqar­nermi ingerlaan­naq aal­lar­tit­taruit pisariaqan­ngitsumik er­numasas­san­ngilatit.

   “Atuar­fim­mit asooraangama sulias­sin­neqaraangat­taluun­niit inger­laan­naq ilin­niak­kerileraangama kingusin­nerusuk­kut ilin­niak­kerinis­sara isumakuluutigiun­naar­tar­para – sulias­san­nul­lu al­lanut akor­nutaaneq ajor­poq.” – Serina.

   SIUN­NERSUUTITSIALAK: Ul­lut tamaasa pif­fis­sami aalajangersimasumi ilin­niak­kerisarit. Taman­na im­minut aqun­nis­san­nut al­lan­ngujaan­nis­san­nul­lu iluaqutigis­savat.

•   Ilinniakkerinissamut siunnersuut 4: Allamut saaqattaarnak. Biibilimi al­las­simavoq: “Isiginerit siumoorluin­narli.” (Us­satit 4:25) Ilin­niak­kerinin­ni siun­nersuut taman­na malik­kumal­lugu al­lamut saasaataasin­naasut – pingaar­tumik ator­toris­saarutit elektroniskiusut – sam­minaveersaar­tariaqar­patit.

   Inter­neter­neq al­laqateqar­nerlu ilin­niak­kerinermik marloriaam­mik sivitsuisin­naap­put. As­sigiin­ngitsunik ataatsik­kut sam­misaqar­naveersaaruit uip­pakajaar­nal­lu sun­ngif­fim­mi sam­misas­sanut pif­fis­saqar­nerus­saatit.

   “Mobilit, qarasaasiat, spillit fjernsynilu al­lamut saasaataap­put. Mobilin­nik ator­toris­saarutinil­lu elektroniskiusunik eq­qan­niit­tunik tamanik qamit­sineq iluaqutigisar­para.” – Joel.

•   Ilinniakkerinissamut siunnersuut 5: Oqimaaqatigiissaarisuugit. Biibilimi al­las­simavoq: “Ingasaas­sinian­ngitsuunersi tamanit ilisimaneqalerli.” (Filip­pimiut 4:5, New World Translation) Ilin­niak­kerinin­ni pisariaqar­titsigaangavit unil­latsiar­tar­nerit uip­pakajaan­ngin­nis­samut iluaqutigisin­naavat. Pisut­tuar­tarit, sik­kiler­tarit ar­pat­tarlutil­luun­niit.

   Misigiguit ilin­niagas­saqar­pal­laar­tarlutit ilin­niar­titsisutit oqaloqatigisin­naavatit. Takusin­naagunik­ku ilumoorlutit sapin­ngisan­nik iliuuseqar­tutit im­maqa aalajangis­sap­put naleq­qus­saasoqas­sasoq.

   “Ilin­niagas­sat nikal­lus­sutiginagil­lu uip­pakajaalis­sutigeqinagit. Sapin­ngisan­nik iliuuseqarit. Ilin­niak­kerineq qasusuus­sutigis­sal­lugu im­minut akiler­sin­naan­ngilaq.” – Julia.

 Im­minut aperigit:

•   Ilin­niak­kerinis­san­nut suut pisariaqar­tip­pak­ka?

•   Qanoq ilinerani ilin­niak­kerisaruma pitsaaner­paas­sava?

•   Sumi eq­qarsarluar­nerusin­naavunga?

•   Qanoq kinguarsaanaveersaarsin­naavunga?

•   Suut arriisaalis­sutigisin­naavak­ka?

•   Al­lamut saasaatit – elektroniskiusut al­lal­luun­niit – qanoq sam­minaveersaarsin­naavak­ka?

•   Ilin­niak­kerinermut tun­ngatil­lugu qanoq oqimaaqatigiis­saarisin­naavunga?

 EQ­QAASITSIS­SUT PINGAARUTILIK: Suna ilin­niagas­sarinerlugu paasil­luaruk. Apeq­qutis­saqaruit atuarfim­mit aninnginninni ilin­niar­titsisoq aperiuk.