Ilisimatusar­nik­kut angusat ataq­qil­lugil­lu ilisimatusar­nik­kut paasisat up­per­narsar­neqarsimasut up­peraavut.

 “Ilisimatusar­neq tas­saavoq pin­ngor­titarsuarmik uumas­susilin­nil­lu misis­sueq­qis­saar­neq taak­kulu pil­lugit ilisimasaqar­neq.” (Collins Cobuild Advanced Learner’s English Dictionary) Biibili ilisimatusar­nermut tun­ngatil­lugu ilin­niutaan­ngik­kaluar­toq tas­sani inuit pin­ngor­titarsuarmik misis­sueq­qis­saaq­qul­lugit al­lal­lu ilisimatusar­nik­kut paasisaan­nik atorluaaq­qul­lugit kajumis­saar­neqar­put. Uku eq­qarsaatigik­kit:

•   Ul­loris­sanik ilisimatusar­neq: “Qilaap tungaanut qiviaritsi, takus­sagis­silu! Kia pin­ngor­tip­paa? Amerlaqisunik sak­kutooqar­til­lugu sorsuk­kiar­tor­titsisar­tup tamaasa im­mik­kut atiisigut taasar­pai.” – Esaja 40:26.

•   Uumas­susililerineq: Salomop “or­piit oqalut­tuarai cederimit Libanonimi naasar­tumit aal­lar­til­lugit isopi qarmani naasar­toq ilan­ngul­lugu; oqalut­tuarai uumasut, tim­mis­sat, paarmor­tut aalisak­kal­lu”. – 1 Kunngit 5:13.

•   Nakorsaanermik ilisimatusar­neq: “Peq­qis­sut nakorsamik pisariaqan­ngil­lat, nap­parsimasul­li.” – Lukasi 5:31.

•   Silasior­neq: ‘Apum­mut peq­qumaasivin­niis­simavit nataq­qor­nanut peq­qumaasiviit takusimal­lugit? Suk­koorluni tikin­neqar­tar­pa kangisiup siam­maaf­fia nunamut tamarmut?’ – Jobi 38:22-24.

 Biibililersaarutitsin­ni pin­ngor­titarsuaq ilisimatusar­nik­kul­lu angusat pil­lugit al­laaserisaqar­tarmat ilisimatusar­nermut ataq­qin­nin­neq ersersin­neqar­tar­poq. Angajoq­qaat Jehovamik Nalunaajaasut qitor­natik silarsuarmik avatangiiserisamin­nik paasin­nil­luar­nias­sam­mata atuarfim­mi malin­naasar­nis­saan­nik kajumis­saar­tar­paat. Jehovamik Nalunaajaasut arlal­lit ilisimatusar­nermik, soorlu biokemiimik, matematik­kimik fysik­kimil­lu, suliaqar­tar­put.

 Inuiaat apeq­qutaat tamarluin­naasa ilisimatusar­nik­kut akineqarsin­naasut up­perin­ngilar­put. a As­sersuutigalugu ujaras­siuut nunarsuaq sunik sananeqaateqar­toq humanbiologil­lu (inuup timaanik misis­sueq­qis­saar­tar­tut) inuup timaata pisatai qanoq ataqatigiit­tut misis­sor­tar­paat. Kisian­ni sooq nunarsuaq inuuf­fis­satut naleq­qup­pa, aam­ma sooq timip pisatai ataqatigiil­luin­nar­pat?

 Iner­niliivugut apeq­qutit taamaat­tut taamaal­laat Biibilimi naam­maginar­tumik akineqar­tut. (Tus­siaat 139:13-15; Esaja 45:18) Taamaat­tumik isumaqar­pugut ilisimatusar­neq Biibililu pil­lugu ilin­niar­neq ilin­niagaqarluar­nermut ilaasut.

 Ilaan­nik­kut Biibili ilisimatusar­nermut naaper­tuup­pasin­neq ajor­poq. As­sigiin­ngis­sutil­li taak­ku Biibilimi ilin­niar­titsis­sutigineqar­tunik paatsuuinermik tun­ngaveqar­tar­put. As­sersuutigalugu ul­luni arfinilin­ni 24 tiiminik sivisus­susilin­ni nunarsuup pin­ngor­tin­neqar­nera Biibilimi ilin­niar­titsis­sutigineqan­ngilaq. – 2 Mosesi 20:11; Hebræerit 4:3, 4.

 Teoriit ilaat inup­pas­suar­nit ilisimatusar­nik­kut tun­ngavilit­tut isigineqar­tut up­per­narsaatinik naam­mat­tunik tun­ngaveqar­natil­lu ilisimatuunit ataq­qisaasunit akerliler­neqar­put. As­sersuutigalugu pin­ngor­titarsuaq ilusilersuisoqar­neranik ersersitsim­mat uumas­susililerisut, kemikerit al­lal­lu uumas­susil­lit nalaatsor­nik­kut pin­ngoriar­torsiman­ngin­neran­nik san­ngiin­neril­lu siul­liul­lutik nunguk­kiar­tor­tan­ngin­neran­nik iner­niliisimasut isumaqatigaavut.