Naalak­kap unnuk­korsior­titsineranik, aamma “Naalak­kap nerliutaanik” Jiisusillu toquneranik eqqaaniaanermik taaneqar­tar­tumik, nal­lius­sisar­nitsinni Biibili maleruaq­qis­saar­tar­par­put. (Korintimiunut 1. 11:20, Biibili 2000-mi naqitigaq) Nal­lius­sinermut tamatumun­nga tun­ngatil­lugu upperisarsioqatigiit allat upperisaan­nit ileq­qutoqaan­nillu Biibilimik tun­ngaveqan­ngitsunit tamanna allaanerul­luin­nar­poq.

 Naalak­kap unnuk­korsior­titsinerani siuner­taavoq Jiisusimik eqqaaniaanis­saq uagullu pil­luta imminut pil­liutigineranik qujamasuutigin­nin­nermik ersersitsinis­saq. (Matiusi 20:28; Korintimiunut 1. 11:24) Nal­lius­sineq sakramentiun­ngilaq, tassa iliuusiun­ngilaq iller­nar­toq a upperisarsior­nik­kul­luun­niit ileq­qulersuut saam­maan­neqar­nermik ajor­tulial­luun­niit pil­lugit isumak­keerfigineqar­nermik kinguneqar­tar­toq. Biibilimi ilin­niar­titsis­sutigineqar­poq ajor­tuliagut pil­lugit isumak­keerfigineqar­ner­put upperisarsior­nik­kut ileq­qulersuutinik tun­ngaveqar­nani Jiisusimut upper­nermik taamaal­laat tun­ngaveqar­toq. – Romamiut 3:25; Johan­nesimit 1. 2:1, 2.

 Jiisusip ilin­niar­titani Naalak­kap unnuk­korsior­titsineranik nal­lius­sisaq­quai, qanorli akulikitsigisumik taamaalior­toqar­tas­sasoq oqaatigin­ngilaa. (Luk­karsi 22:19) Ilaat isumaqar­put qaam­matit tamaasa, allat sapaatip-akun­neri tamaasa, ullut tamaasa, ullormut arlaleriarluni qanorsuarluun­niit nal­lius­sineqar­tas­sasoq. Eqqarsaatigineqar­tariaqar­tulli sam­meriar­tigit.

 Naalak­kap unnuk­korsior­titsinera juutit qaangiif­fianni, imaluun­niit poorskianni, Jiisusip atuutilersip­paa, Jiisusilu ullormi tas­sani kingusin­nerusuk­kut toquvoq. (Matiusi 26:1, 2) Tamanna nalaatsor­nik­kut pin­ngilaq. Biibilimi Jiisusip imminut pil­liutiginera qaangiif­fimmi savaaq­qamut assersuutigineqar­poq. (Korintimiunut 1. 5:7, 8) Ukiumut ataasiarluni qaangiif­fik nal­lius­sineqar­tar­poq. (Mosesimik 2. 12:1-6; Mosesimik 3. 23:5) Taamatut­taaq kristumiut siul­liit Jiisusip toqunera ukiumut ataasiarlutik eqqaaniar­tar­paat, b ileq­qorlu tamanna Biibilimik tun­ngavilik Jehovap Nalunaajaasuisa malit­tar­paat.

 Jiisusip maligas­siaa iluaqutigalugu paasisin­naavar­put qanoq akulikitsigisumik, ullormi sorlermi qas­sinullu eqqaaniaasas­sanerluta. Biibilip qaam­matisiutaa naaper­torlugu nisanip 14-ianni, ukiumi 33-mi Kr.in.king., seqer­ngup tarrin­nerata kingorna nal­lius­sineq atuutilersip­paa. (Matiusi 26:18-20, 26) Kristumiut siul­liit pisar­nerat­tut ukiut tamaasa ullormi tas­sani eqqaaniaasar­pugut. c

 Ukiumi 33-mi Kr.in.king. nisanip 14-iat tal­liman­ngor­nerugaluar­toq ukiut tamaasa ulloq taanna ulluni assigiin­ngitsuni nal­lius­sineqar­tar­poq. Nalitsinni juutit qaam­matisiutaat ator­nagu Jiisusilli nalaani periuseq ator­neqar­toq atorlugu nisanip 14-iat qas­sin­ngor­nermi pis­sanersoq paasiniar­tar­par­put. d

 Qaangiif­fimmi iffiat-qaqor­tut seer­narsaateqan­ngitsut viin­nilu aap­palut­toq sin­nerineqar­tut atorlugit Jiisusip nal­lius­sineq nutaaq pilersip­paa. (Matiusi 26:26-28) Maligas­siaa malil­lugu iffiaq-qaqor­toq seer­narsaateqan­ngitsoq allanil­luun­niit akoqan­ngitsoq viin­nilu aap­palut­toq nalingin­naasoq ator­tar­pagut. Viin­nis­sap issera viin­niluun­niit tungusun­nitsumik, aalakoor­nar­tumik akuutis­sanil­luun­niit kimit­torsaatinik akusaq ator­neq ajor­par­put.

 Upperisarsioqatigiit ilaasa iffiaq-qaqor­toq seer­narsaatilik qapulil­luun­niit ator­tar­paat, Biibilimili seer­narsaat ajor­timut ajor­tulior­nermul­luun­niit assersuutitut ator­neqakulasar­poq. (Luk­karsi 12:1; Korintimiunut 1. 5:6-8; Galaatiamiut 5:7-9) Taamaat­tumik iffiaq-qaqor­toq seer­narsaateqan­ngitsoq allanillu akuutis­saqan­ngitsoq Kristusip timaanut ajor­teqan­ngitsumut assersuutis­satuaal­luar­poq. (Petrusimit 1. 2:22) Ileq­qulersuut Biibilimik tun­ngaveqan­ngitsoq alla tas­saavoq viin­nimut taarsiul­lugu viin­nis­sap isseranik qap­pior­tin­neqan­ngitsumik atuineq. Oqaluf­feqarfiit ilaat Biibilimik tun­ngaveqan­ngitsumik imigas­sar­tor­nermik iner­teq­quteqar­ner­tik pis­sutigalugu taamaalior­tar­put. – Timuutiusimut 1. 5:23.

 Iffiaq-qaqor­toq seer­narsaateqan­ngitsoq viin­nilu aap­palut­toq eqqaaniaanermi sas­saal­liutigineqar­tar­tut Kristusip timaanut aavanullu assersuutaap­put. Inuit ilaasa isumaqar­tar­nerat­tut tupin­nar­tulior­nik­kut tas­saaler­neq ajor­put timaa aavalu. Taama paasin­nit­taaseqar­nermut Biibilimi tun­ngaviusut uku eqqarsaatigik­kit.

•   Jiisusip ilin­niar­titani aam­minik imeq­qusimasuugunigit aat­tun­ngin­nis­samik Guutip peq­qus­sutaanik unioq­qutitseq­qusimas­sagaluar­pai. (Mosesimik 1. 9:4; Apustilit Suliaat 15:28, 29) Jiisusi aap iller­nar­tuunera pil­lugu Guutip inatsisaanik unioq­qutitsinis­samik allanik kajumis­saarinavian­ngim­mat taama pisoqarsin­naan­ngilaq. – Johan­nesi 8:28, 29.

•   Apustilit Jiisusip aavanik imersimasuup­pata Jiisusi oqarsimanavian­ngik­kaluar­poq aanni ‘kuineqassasoq’. Taamaalil­luni erseq­qis­sar­paa suli imminut pil­liutigisimanani. – Matiusi 26:28.

•   Jiisusi “ataasiaam­mik” pil­liuteqar­poq. (Hebræerit 9:25, 26) Iffiarli-qaqor­toq viin­nilu Naalak­kap unnuk­korsior­titsinerani timaanut aavanullu allan­ngorsimasuup­pata neril­lutillu imer­tut pil­liutaa uteq­qis­simas­sagaluar­paat.

•   Jiisusi oqar­poq: “Taamaalior­tuaritsi eqqaaniarlunga” imaan­ngitsoq “pilliutigalunga”. – Korintimiunut 1. 11:24.

 Iffiap-qaqor­tup viin­nillu Jiisusip timaanut aavanullu allan­ngor­neran­nik upperin­nit­tut Biibilimi allas­simaf­fiit aalajangersimasut oqaaser­taat ajoqersuutimin­nut tun­ngaviutit­tar­paat. Assersuutigalugu Biibilini nutsigar­pas­suarni Jiisusi viinni pil­lugu ima oqar­nerar­neqar­poq: “Tassa aaga.” (Matiusi 26:28, Biibili 2000-imi naqitigaq) Jiisusilli oqaasii aamma ima nutser­neqarsin­naap­put: ‘Uanga aan­nut assersuutaavoq.’ e Jiisusi assersuusioqat­taar­tarsimanermisut assersuusiorluni ilin­niar­titsivoq. – Matiusi 13:34, 35.

 Jehovap Nalunaajaasuisa Naalak­kap unnuk­korsior­titsinera nal­lius­sigaangas­suk ikit­tuin­naat iffiamik-qaqor­tumik nerisarlutillu viin­nimik imer­tar­put. Sooruna?

 Jiisusip aavata kuineqar­neratigut “isumaqatigiis­sut nutaaq”, Jehovap Guutip itsarlu Israalik­kut akor­nganni isumaqatigiis­sum­mik taarsiisoq, atuutilersin­neqar­poq. (Hebræerit 8:10-13) Isumaqatigiis­sum­mut nutaamut ilaasut eqqaaniaanermi assersuutinik nerisarlutillu imer­tar­put. Kristumiut tamarluin­narmik tamatumun­nga ilaan­ngil­lat, Guutimilli immik­kut ittumik “qaaq­qusaasut” kisimik ilaap­put. (Hebræerit 9:15; Luk­karsi 22:20) Taak­kua Kristusi qilammi naalak­kersueqatigis­savaat, Biibilimilu allas­simavoq inuit 144.000-iin­naat kisimik taama pisin­naatitaaf­feqas­sasut. – Luk­karsi 22:28-30; Saq­qum­mersitat 5:9, 10; 14:1, 3.

 ‘Savar­pan­nguit’ Kristusimik naalak­kersueqateqar­nis­samut qaaq­qusaasimasut assiginagit amerlanersatta ‘inup­par­pas­suar­nut’, nunarsuarmi naas­saan­ngitsumik inuusus­sanut, ilaanis­sar­put neriuutigaat. (Luk­karsi 12:32; Saq­qum­mersitat 7:9, 10) Nunarsuarmi inuunis­samik neriugisaqar­tuusugut eqqaaniaanermi assersuutinik nerineq ajorlutalu imer­neq ajoraluarluta Jiisusip uagut pil­luta pil­liutaanik qujamasuutigin­nin­nermik ersersitseqataasar­pugut. – Johan­nesimit 1. 2:2.