Wallkillimi assinik katersukkat 2 (2014-imi novembarimiit 2015-imi novembarimut)
Qanittumi Jehovap Nalunaajaasuisa Wallkillimi, New Yorkimiittumi, sanaartukkatik allilerlugillu nutarsarpaat. Assini ukunani 2014-imi novembarimiit 2015-imi novembarimut suliaat takusinnaavatit.
Decembarip 4, 2014 – Allaffeqarfik 2
Allaffeqarfimmut isaariamut nutaamut pisuinnarnut aqqutissiortoqarlunilu nunagissaasoqartoq. Ataani saamiatungaani aqqutissiaq ukiukkut pisuttunut quasannginniassammat kiassarneqartarpoq. Betelimi allaffik, Immikkoortortaqarfiup Ataatsimiititaliaanut ilaasortat allaffii aamma Kiffartornermik Nakkutilliisoqarfik tassani allaffeqarfimmiipput.
Decembarip 5, 2014 – Ineqarfik D
Inissiat iluanni sulisunut immikkoortortamut ilaasup natilersuinissamut piareersaalluni manissaasoq. Ini pujorallinnginniassammat manissaat milluaasoqarpoq.
Januaarip 9, 2015 – Ineqarfik E
Takornarianut aamma Betelimi kiffartortunut 200-nit amerlanerusunut Ineqarfimmi E-mi najugaqartunut isaariaq nutarsagaq. Aamma igalaat innaallagissamik atuinikinnerulersitsisartut ikuallattoqarneranilu kalerrisaarutit nutaat ikkussorneqarput.
Februaarip 9, 2015 – Naqiterivik
Teknikerip Sanaartornermik Ilinniarfimmi nutaami attaveqaqatigiinnermi ledningit atugassat ikkussorai. Ilinniarfimmi tassani sulisut ruujorilerinermik, innaallagisserinermik isumannaallisaanermillu ilinniartinneqartassapput.
Februaarip 17-iat, 2015 – Naqiterivik
Innaallagisserisup qulliit LED-t Sanaartornermik Ilinniarfimmi nutaami ikkussorai.
Marsip 2, 2015 – Allaffeqarfik 1
Sulisup innaallagissat aqqutissaasa akunneri misissorai. Immikkoortortaqarfimmi allaffeqarfiit Brooklynimiissimasut inissisimaffissaat nutarsarneqarput.
Marsip 3, 2015 – Ineqarfik D
Ruujorilerisup erngit kissartut aqqutissaat piareersarai.
Marsip 31-at, 2015 – Ineqarfik D
Inissiat silataanni sulisunut immikkoortortami ikiuuttartut kraneq atorlugu igalaat sinaannik ussissaasut. Inissiami tassaniinnaq igalaat innaallagissamik atuinikinnerulersitsisartut 298-it aasakkut ukiukkullu innaallagissamut aningaasartuutinik annikinnerulersitsisarput.
Apriilip 17-iat, 2015 – Allaffeqarfik 1
1970-ikkunni ujaqqat atorneqarsimasut atorlugit biilinik inissiisarfimmi, Allaffeqarfiup 1-ip Ineqarfiullu E-p akornanniittumi, qarmaasoq.
Apriilip 17-iat, 2015 – Allaffeqarfik 1
Iikkap qalipanneqarnissaanut piareersaalluni manissaasoq. Naatsorsuuserisunut, qarasaasialerisunut pisiniartartunullu allaffeqarfiit tassani allaffeqarfimmiipput.
Juunip 8, 2015 – Ineqarfik D
Innaallagisserisup ledningit qalianut nusukkai. Kallerup-innerata inissiaq eqqorpagu innaallagissap nukinga ledningit aqqutigalugit nunap iluanut ingerlaqqittarpoq, taamaalilluni inissiaq illersorneqartarpoq.
Juunip 8, 2015 – Ineqarfik D
Wallkillip allilerneqarnerani nunataq pioreersoq, ilaatigut orpiit arlallit assimi takuneqarsinnaasut, mianersuunneqangaarput. Napasuliaq imiisivik saamiatungaaniittoq 150.000 literinik imaqarsinnaasoq imermik pilersuinermi, ikuallattoqartillugu qatserinermi atortunullu qatserutinut pingaaruteqarluinnarpoq.
Juunip 25-at, 2015 – Allaffeqarfik 1
Sanasup qisuit kirsebæreqummeersut 1.800-t missaanniittut inersuarmi ikkussorai. Qisuit assigiinngitsunik issussusillit akisuanaveersaartitsisarput.
Juulip 9, 2015 – Allaffeqarfik 2
Charles Reed 1958-imili Betelimi kiffartulerpoq. Brooklynimi Betelip USA nunarpassuillu allat Biibililersaarutinik pilersortarallarmagit qatanngut Reed naqiterutit toqqaviinik betonnginik ilusilersueqataallunilu ikkussueqataavoq. Wallkill allilerneqarmat qatanngut Reed pitsaassutsimik qulakkeerinnittartunut ilaavoq.
Aggustip 17-iat, 2015 – Allaffeqarfik 1
Sulisut issiaviit nutaat inersuarmi atugassat usingiaraat. Inersuarmi nutarsarneqarsimasumi inunnut 812-inut issiavissaqarpoq.
Septembarip 21-at, 2015 – Allaffeqarfik 1
Inersuarmik nutarsaanermi fjernsynit qilaamilu panelit akisuanaveersaartitsisartut ikkussorneqarput.
Oktobarip 12, 2015 – Ineqarfik D
Napparsimmavimmi nakorsiartarfik nutarsarneqartoq. Napparsimasut pisariaqartitaat isumagisinnaajumallugit torsuusat neruttorneqarput ineqartullu uffarfii allilerneqarlutik.
Oktobarip 15-iat, 2015 – Wallkill qulaaniit
Wallkillimi sanaartukkat qulaaniit assilillugit, tamaani Betelimi kiffartortut 2.000-t missaanniittut najugaqarput. Alliliilluni suliap annersaa – 102.000 kvadratmeterit iluanni inissianik nutaanik sanaartorneq nutarsaanerlu – 2015-imi novembarip 30-anni naammassineqarpoq.