សំណួរនិងចម្លើយពីគម្ពីរ
សំណួរនិងចម្លើយពីគម្ពីរ
ហេតុអ្វីមានផែនដីនេះ?
ផែនដីរបស់យើងមានអ្វីៗទាំងអស់ដែលចាំបាច់ដើម្បីទ្រទ្រង់ជីវិត។ ជាឧទាហរណ៍ ផែនដីមានទឹកបរិបូរ។ បន្ថែមទៅទៀត អ័ក្សទ្រេតរបស់ផែនដី រង្វិលខ្ញាល់ និងរង្វិលជុំវិញព្រះអាទិត្យ គឺត្រឹមត្រូវឥតខ្ចោះដើម្បីការពារកុំឲ្យទឹកក្នុងសមុទ្រទៅជាកក ឬក្ដៅហួតអស់។ ម្យ៉ាងទៀតបរិយាកាសនិងដែនម៉ាញេទិចរបស់ផែនដី ការពារពីវិទ្យុសកម្មដែលអាចសម្លាប់ជីវិតបាន។ រីឯរុក្ខជាតិនិងសត្វនៅផែនដីពឹងពាក់គ្នាទៅវិញទៅមក។ ការនោះពិតជាអស្ចារ្យណាស់! ហេតុនេះហើយ មនុស្សជាច្រើនបានសន្និដ្ឋានថា ផែនដីរបស់យើងគឺបានត្រូវគ្រោងបង្កើតដោយមានគោលបំណង។—សូមអាន អេសាយ ៤៥:១៨
ប៉ុន្តែ អ្នកប្រហែលជាឆ្ងល់ថា ‹តើទុក្ខវេទនានិងភាពអយុត្ដិធម៌ក៏ជាផ្នែកនៃគោលបំណងនោះដែរឬ?›។—សូមអាន ចោទិយកថា ៣២:៤, ៥
តើអ្នកបង្កើតផែនដីនឹងសម្រេចគោលបំណងរបស់លោកឬទេ?
ផែនដីយើងបានត្រូវបង្កើតមកជាលំនៅដ៏រីករាយ សម្រាប់មនុស្សដែលចេះគោរពគ្នានិងស្រឡាញ់អ្នកដែលបានបង្កើតមនុស្សជាតិដំបូង។ ហេតុនេះ ជីវិតមនុស្សមានគោលបំណងខ្ពង់ខ្ពស់ជាងជីវិតរុក្ខជាតិ ឬជីវិតសត្វ។ មនុស្សយើងខុសពីសត្វ ព្រោះយើងអាចដឹងថា អ្នកដែលបង្កើតយើងជាអ្នកណា ហើយយើងអាចសរសើរនិងយកតម្រាប់អ្នកបង្កើតនោះ ក្នុងការបង្ហាញសេចក្ដីស្រឡាញ់និងយុត្ដិធម៌។—សូមអាន សាស្ដា ១២:១៣; មីកា ៦:៨
អ្នកបង្កើតមនុស្សជាតិអាចសម្រេចគោលបំណងទាំងអស់របស់លោក។ ដូច្នេះ យើងអាចប្រាកដថា លោកនឹងធ្វើឲ្យផែនដីរបស់យើងក្លាយទៅជាទីលំនៅដ៏សែនរីករាយសម្រាប់មនុស្សជាតិ។—សូមអាន ទំនុកតម្កើង ៣៧:១១, ២៩; អេសាយ ៥៥:១១
សម្រាប់ព័ត៌មានបន្ថែម សូមមើលជំពូកទី៣ក្នុងសៀវភៅនេះដែលបោះពុម្ពផ្សាយដោយសាក្សីព្រះយេហូវ៉ា
អាចថតចម្លងតាមគេហទំព័រwww.mt711.com/km
[រូបភាពនៅទំព័រ១៦]
ផែនដីបានត្រូវបង្កើត ជាទីលំនៅដ៏រីករាយសម្រាប់មនុស្សជាតិ