Биланийа һәри баш бона жийина һәррʹожи Кʹьтеба Пирозда нә. Һәрге тӧ Кʹьтеба Пироз һәр рʹож бьхуни, сәр ве бьфькьри у ширәтед ԝе жийина хԝәда бьди хәбате, «һьнге ԝе рʹийа тә вәбә» (Йешу 1:8; Зәбур 1:1-3). Тӧ ӧса жи занәбуне бьстини дәрһәԛа Хԝәде у кӧрʹе ԝи Иса у әв занәбун дькарә тә бәрбь хьлазбуне бьвә (Йуһʹәнна 17:3).

Кʹижан кʹьтеб пәй кʹижане тӧ гәрәке бьхуни? Тӧ дькари хԝәха сафи ки. Бь сайа ве бәрнама хԝәндьна Кʹьтеба Пироз, тӧ дькари кʹьтеб пәй кʹьтеб бьхуни йан жи ль гора тʹема бьжбери у бьхуни. Мәсәлә, тӧ дькари бьхуни дәрһәԛа һәләԛәтийа Хԝәде тʹәви щьмәʹта хԝә йа Исраела бәре, ԝан сәрийада йед кӧ кʹьфшкьри нә. Ӧса жи тӧ дькари бьхуни ԝан сәрийа, йед кӧ гьли дькьн дәрһәԛа сазкьрьна щьвата Мәсиһийа йа ԛьрʹна йәке у пешдачуйина ԝан. Һәрге тӧ бьхуни ԝан сәрийа, йед кӧ бона рʹожәке кʹьфшкьри нә, һьнге тӧйе бькарьби нава саләкеда бь тʹәмами Кʹьтеба Пироз бьхуни.

Фьрԛи тʹӧнә тӧ кʹижан плана хԝәндьна Кʹьтеба Пирозә һәр рʹожи хԝә дьгьри, мәсәлә плана хԝәндьна Кʹьтеба Пироз кӧ бона саләке кʹьфшкьри йә у плана хԝәндьна Кʹьтеба Пироз, бона ԝан йед кӧ тʹәзә дәстпедькьн Кʹьтеба Пироз бьхуньн. Чь жи һәбә әв бәрнама ԝе али тә бькә. Әв бәрнама хԝәндьна Кʹьтеба Пироз хԝәрʹа бьдә кʹьшандьне у ида ирода дәстпекә бьхунә.