Әм дьвиньн кӧ гәләк мәрьв йед кӧ ида хԝәйе религийайе нә, бәгәм дькьн дәрһәԛа тʹемед Кʹьтеба Пироз хәбәр дьн. Рʹаст ә әм ԛәдьре ньһерʹандьна мәрийа дьгьрьн кӧ религийа ԝан жь йа мә щӧдә дьбә, ле әм зоре надьнә ԝан ԝәки мьзгинийа хере бьбьһен.

 Чахе әм тʹәви мәрийа дәрһәԛа религийайе хәбәр дьдьн, һьнге әм дьхәбьтьн кӧ һьлднә һʹәсаб ширәте жь Кʹьтеба Пироз, ԝәки һьндава мәрийа «мьлук» у бь ԛәдьр бьн (1 Пәтрус 3:15). Әм заньн кӧ һьнә мәрьв ԝе инкʹар кьн әԝе мьзгинийе, кʹижан кӧ әм даннасин дькьн (Мәтта 10:14). Хенщи ве йәке, әм ньзаньн кӧ хәбәрдана мә ԝе ль сәр мәрийа чаԝа һʹӧкӧм кә. Ле әм фәʹм дькьн, кӧ дәрәщед мәрийа тенә гӧһастьне.

 Мәсәлә, мәрьв дькарә шьхӧлава ӧса гьредайи бә, кӧ нахԝазә тʹәви мә хәбәр дә. Ле ԝәʹдәки дьн дьбәкә әԝе бьхԝазә тʹәви мә хәбәр дә. Мәрьв дькарьн рʹасти проблемед тʹәзә бен, у әв йәк ԝе ԝана дәʹв дә, ԝәки гӧһ бьдьнә мьзгинийа жь Кʹьтеба Пироз. Ләма жи әм жь алийе хԝәда һʹәму тьшти дькьн, кӧ һәр щар тʹәви мәрийа хәбәр дьн.