Na, Şahidên Yehowa emrê dehyekê pêk naynin. Karên me bi bexşan tên fînansekirin. Dehyek çi ye? Gelo Şahidên Yehowa çima emrê dehyekê pêk naynin?

 Emrê Dehyekdayînê, yanî bexşkirina ji dehan yekê malê xwe, ji miletê Îsraîl yê berê re hatibû dayîn û qismekî Qanûna Mûsa bû. Lê belê, Kitêba Pîroz zelal dike ku hukmê vê Qanûnê êdî betal bûye. Loma ne hewce ye ku xizmetkarên Xwedê dehyekê bidin (Îbranî 7:5, 18; Kolosî 2:13, 14).

 Li şûna ku Şahidên Yehowa dehyekê yan dayînên mecbûrî bidin, ew Mesîhiyên pêşîn ji xwe re dikin mînak û karê xwe yê cîhanî bi du rêyan destek dikin: Em karê mizgînvaniyê bêpere dikin û ji dil bexşan didin.

 Bi vî awayî, em guh didin vê rêberiya Kitêba Pîroz: “Ne bi bêdilî an ji mecbûrî, lê bila her kes wek ku xistiye dilê xwe bide. Çimkî Xwedê ji yê ku bi rûgeşî dide, hez dike” (2. Korîntî 9:7).